HABAKUK 3:3 - KITTA' MATANGKASA'

³ IKatte Allata'ala Kaminang Matangkasa' battu ri Téman, iKatte battu ri pa'monconganna Paran. Langika nikalimbuki ri kalompoanTa; buttaya rassi siagang pammuji mae ri Katte.

HABAKUK 3:3 ပူးပေါင်းရင်းမြစ်များ

PA'JARIANG 21:21

Nipa'buntimmi ri amma'na siagang sitau baine Mesir.

1 KARAENG-KARAENG 11:18

A'lampai ke'nanga battu ri Midian, nampa mange ri Paran. Anjoreng asse'remi ke'nanga siagang siapa are tau maraengannaya, nampa assiagang ke'nanga a'lampa mange ri Mesir angngagangi assibuntulu' karaeng Mesir. Anjo karaenga nasaremi Hadad balla' siagang tampa' untu' pammantanganna siagang kaparalluang katallassang.

PAMMUJI 113:4

Makoasai Batara mae ri sikontu bansaya, rateanna langika kalompoanNa.

PAMMUJI 148:13

Bajiki mammuji ngaseng ke'nanga ri arenNa Batara, saba' arenNa la'bi lompoangngangi na sikontu arenga; kalompoanNa la'biangngangi na langika siagang linoa.

PAMMUJI 3:2

O, Batara, tamaka jaina musungku, sanna' jaina ambakkaia'!

PAMMUJI 3:4

Mingka iKatte, o Batara, a'jari pa'la'langangku. Kisarea' pammetang, naKipakalompo pa'maikku.

PAMMUJI 4:4

Assengi angkana, le'ba'mi Napile Batara untu' KalenNa sitau Nakamaseanga. Batara mappilangngeri Punna kumakkio' ri Ia.

PAMMUJI 48:10

Lalang ri BallatTa, nanawa-nawai ikambe pangngamaseanTa, o, Allata'ala.

PAMMUJI 68:17

Angngapa nabattu ri anjo coppo' jainu akkimburu anciniki Bulu' Sion Napilea Allata'ala untu' a'jari pammantanganNa? Lammantangi Batara anjoreng sa'genna satunggu-tungguna.

PAMMUJI 9:16

Bansa-bansa tenaya naassengKi' tu'guru' antama' ri kali'bong nakekea kalenna ke'nanga; nialle ri sikko' napare' kalenna ke'nanga.

PAMMUJI 9:20

Ammenteng maKi', o, Batara, adelimi bansa-bansaya, teaKi' lappassangi taua ampakaborroi kalenna.

KALAPPASSANG 20:18

Ri wattunna nalangngere' taua gunturuka siagang sa'ra tarompeka, kammayatompa nacini'na kilaka siagang a'rumbu monconga, annekkere'mi ke'nanga napakamma malla', siagang ammenteng battu bellami ke'nanga.

YESAYA 31:1

Cilakai tau a'lampaya mange ri Mesir appala' bantuang! Napattoangi ke'nanga kagassinganna tantarana tu Mesir siagang pasukang padongko' jaranna, kammayatompa kassa'na ngaseng jaranna siagang jaina kareta bundu'na. Mingka tena natappa' ke'nanga ri Batara, Allata'ala matangkasa'na Israel, siagang tena nappala' bantuanNa.

YESAYA 6:3

Akkioki ke'nanga battu ri se'rea mae ri maraengannaya angkana: “Matangkasa', matangkasa', matangkasa'. Matangkasaki Batara Kaminang Koasaya. Rassi linoa ri kahaderang mala'biri'Na.”

YESAYA 64:3

Le'baki Kigaukang gau' malompoa, tenaya nasanna-sannai ikambe. NaungKi', nampa ta'goccang sikamma monconga ri dallekanTa.

YEREMIA 49:7

Iaminne kananNa Batara Kaminang Koasaya ri ri sesena Edom, angkana, “Apaka tu Edom takkulleai appikkiri' baji'? Apaka sikamma tucara'de'na tena napakaingaki ke'nanga? Lanynya'mi kacara'dekanna ke'nanga!

YEHEZKIEL 43:2

siagang anjoremmi nia' kucini' caya accilla' battu raya, iamintu tanra kahaderanNa Allata'alana Israel. Kalangngerammi sa'ranNa Allata'ala sangkamma gamarrunna bombanga ri tamparang, siagang accilla'-cillaki buttaya lanri singara' kahaderanNa Allata'ala.

AMOS 1:12

Lanri kammana anjo, lakkiringA' pepe' mange ri kota Téman, siagang Kutunu sa'genna cappu' sikamma pattahanganna Bozra.”

OBAJA 1:9

Sikamma tubarani battua ri Téman lanabattui malla', siagang sikontu tantarana Edom lamate kabusuki.”

HABAKUK 2:14

Mingka rapang tamparang rassia siagang je'ne', buttaya lanipirassi tongi siagang pangngassengang ri sesena Batara siagang kakoasanNa.

PAMMILANGNGANG 10:12

Nampa a'le'basa'mo tu Israel a'lampa ambokoi parang lompona Sinai, nampa ammantang anjo rammanga ri wattunna battu ke'nanga ri parang lompona Paran.

PAOLE 33:2

“Niaki Batara battu ri Moncong Sinai; ammumba ri tompo'na Edom rapang allo. Battu ri Moncong Parangi ammumba untu' ansingari bansaNa. Nirurungang ri sampulo sa'bu malaeka'; a'rinra pepeka ri sa'ri kananNa kamma kila'.

PAOLE 5:24

Nakana ke'nanga, ‘Napappicinikammi kalompoanNa siagang kala'biranNa Karaeng Allata'alata ri wattunna nilangngere' a'bicara battu lalang ri pepeka. Anne alloa nacini'mi ikambe angkanaya nia' memang todong olona rupataua untu' tuli attallasa', manna pole nale'ba'mo a'bicara Allata'ala mae ri ia.

1 SAMUEL 25:1

Tena nasallo, matemi Samuel. A'rappungang ngasemmi tu Israel untu' anghaderi pa'gaukang kasusaanga. Nampa nitarawang Samuel ri balla'na ri Rama. Le'baki anjo a'lampami Daud mange ri parang lompo Paran.