HABAKUK 3:13 - KITTA' MATANGKASA'

¹³ A'dakkaKi' maju untu' allappassangi ummatTa siagang untu' ampasalamaki karaeng nipileTa. Kitunrung sa'genna tu'guru' pamimpinna tau dorakaya, Kibarrasa' sa'genna la'busu' sikontu tau amminawanga ri ia.

HABAKUK 3:13 ပူးပေါင်းရင်းမြစ်များ

2 SAMUEL 5:20

Nampa a'lampamo Daud mange ri Baal-Perasim siagang nabetami anjoreng anjo pasukang tu Filistin. Nampa angkana, “Le'ba'mi Narumbang Batara pattahanganna musungku, sanrapang a'ba anrumbangi sikontu apa-apaya lalang wattu sinampekang.” Lanri kammanami anjo naniaremmo anjo tampaka, “Baal-Perasim”.

PAMMUJI 105:15

“Teako ganggui tunipileKu, teako a'gau' ja'dalli mae ri na'bi-na'biKu!”

PAMMUJI 105:26

Nampa Nasuro Musa atanNa siagang Harun tunipileNa.

PAMMUJI 110:6

LaNahukkungi bansa-bansaya, sa'genna tassiara' maya'na ngaseng. Lapapossoki sikamma tukoasaya ri sikontu linoa.

PAMMUJI 137:7

O, Batara, Kiu'rangi panggaukanna tu Edom ri wattunna niancuru' Yerusalem. Nakana ke'nanga, “Rumbangi, rumbangi sa'genna naung ri lappara'na!”

PAMMUJI 20:6

Na makkio' marannu ikambe lanri pammetannu, nimangngangka' bate-bate untu' mammuji ri Allata'alata. Poro Napa'jari Batara sikontu pappala'nu.

PAMMUJI 28:8

Batara Nasarei kagassingang umma'Na, Napattojengi siagang Napasalamaki karaeng nipileNa.

PAMMUJI 68:7

Allata'ala assarei tampa' pammantangngang tau akkale-kalea; nalappassangi tau nitahanga sa'genna mate'ne ke'nanga. Mingka tu mangngewaya mae ri Batara musti ammantangi ri butta rosoka.

PAMMUJI 77:20

A'jappaKi' mannete bombang, anjappai tamparang, mingka takabateangai bate bangkenTa.

PAMMUJI 99:6

Musa siagang Harun antamaki imang-imanna, Samuel kalase'renna tau appala' doanga mae ri Ia. Akkioki ke'nanga mae ri Batara, siagang appialimi.

YESAYA 63:11

Nampa angngu'rangimo ke'nanga ri rewasa' allaloa, ri jammanna Musa, atanNa Batara. Akkuta'nangi ke'nanga angkana, “Kemae Batara, anrurungangai sikamma pamimpinna umma'Na allalo ri tamparanga? Kemae Batara ampassareangai koasaNa mae ri ke'nanga?

YESAYA 64:1

Kikekke'mi langika nampa naung maKi', o Batara, Kipa'goccammi sikamma monconga ri dallekanTa,

YEHEZKIEL 13:14

Kuancu'-ancuruki sa'genna pundasina mami ammantang. Anjo temboka lanatujuko siagang lanabuno kabusukko. Na nuassemmo angkana iNakke Batara.

AMOS 9:1

Kuciniki Batara ammenteng ri ampi'na tampa' pakkoro'bangnganga. Napassareangi anne parenta kammaya, “Tunrung sarringi sikamma ulu bentenga ri BallakKu sollanna ta'goccang kabusu' pattiro-tiroanga. Rumbang kabusuki anjo sikamma benteng mae ri tuju ulunna taua. Tenaya namate laKubunoi lalang ri pa'bundukanga. Tena manna sitau lakkulle lari yareka ta'lappasa'.

YOSUA 10:11

Ri wattunna naung tu Amori battu ri pungku'na anjo monconga ampilari tantara Israel, appaturummi Batara bosi es lompo battu ri langika antujui ke'nanga ri aganga sa'genna mange ri Azeka. Jaiangngangi anjo mate nitujua ri es kala nibunoa ri tu Israel.

YOSUA 10:24

na nierang mange ri Yosua. Nampa nakio'mo Yosua battu asse're sikontu tu Israel, na nasuro ngaseng sikamma perwira amminawanga siagang ia a'bundu' battu angngonjokangi kallonna anjo limaya karaeng. Battu ngasemmi sikamma perwira na naonjokang kalonna anjo limaya karaeng.

YOSUA 10:42

Lalang sikali bawang pa'bundukang na nabeta ngaseng Yosua sikamma anjo karaenga siagang naalle daera-daera kakoasanna ke'nanga, lanri Batara, Allata'alana Israel a'bundu' untu' tu Israel.

YOSUA 11:12

Sikontu anjo kota-kotaya naalle ngasemmi Yosua, siagang najakkala'mi na nabuno sikontu karaenna situru' parentana Musa, anjo atanNaya Batara.

YOSUA 11:8

Nanisaremo pammetang tu Israel ri Batara. Nabundukimi tu Israel siagang naondammi ke'nanga sa'genna Misrefot-Maim siagang Sidon bellana pawara'na, siagang sa'genna mange ri Ka'bung Mizpa patimboro'na. Tulusu' heba'na anjo pa'bundukanga sa'genna tena manna sitau musu ammantang tassesa, yangasenna mate kabusuki.