HABAKUK 3:10 - KITTA' MATANGKASA'

¹⁰ Punna nacinikKi', ta'goccangi moncong-monconga naturung bosia battu ri langi' rapang nitumpa. Ammarrungi sa'ranna je'neka irawa ri buttaya, ta'gulung-gulung bombanga rapang a'jallo'.

HABAKUK 3:10 ပူးပေါင်းရင်းမြစ်များ

NEHEMIA 9:11

Untu' Kiparekang oloang ummatTa, kipuei tamparanga; Kipalimbangi ke'nanga ri butta kalotoro'na tamparanga. Tallang ngaseng lalang je'ne' sikamma tau angngondanga, sanrapang batu tallang ri tamparang karrasaka.

PAMMUJI 104:32

Naciniki buttaya na'jari annekkere'mo buttaya, nasentoki moncong-monconga, sa'genna assulu' umbunna.

PAMMUJI 148:7

Pujimi Batara, he sikontu bonena lino, he, naga-naga tamparang siagang sikontu tamparang lompoa;

PAMMUJI 18:15

Napabuccuki ana'-ana' panaNa nampa Napasimbung sikamma musua; Napasisambung-sambummi Napakila' kila'Na, sa'genna lari ngaseng ke'nanga.

PAMMUJI 65:13

Parang lompoa rassi bembe siagang gimbala', sikontu bulu'na ma'rannu-rannui.

PAMMUJI 66:6

Napinrai tamparanga a'jari butta kalotoro', nalimbangngi boe-boena ikambe a'jappa bangkeng. Na marannumo ikambe lanri panggaukanNa.

PAMMUJI 93:3

Pila' nalompoi sa'ranna dapara'na tamparanga, o, Batara, pila' lompoi arrunna bombanna tamparanga.

YESAYA 43:20

Lanapakala'birikKa' olo'-olo' liaraka; lamammuji ri Nakke serigalaya siagang jangang-jangang untaya lanri Kupasolongi je'neka ri parang lompoa, siagang binanga-binangaya ri parang luaraka untu' assarei je'ne' ummakKu Kupilea.

YESAYA 55:12

Lanubokoi Babel siagang rannu, siagang niantarakko assulu' siagang salama'. Monconga siagang buluka larannui siagang lakkio' rannui, latempa-tempai sikamma poko' kayua ri kokoa.

YEREMIA 4:24

Kuciniki monconga siagang bulu'-bulu' tinggia teai sipato' batena ta'goccang.

MIKHA 1:4

Assolongi sikamma buluka irawa ri pala' bangkenNa kontui liling lalang pepe' a'rinraya; la'boroki buttana antama ri ka'bung-ka'bunga, rapang je'ne' irate bulu' a'lo'loro' naung.

NAHUM 1:5

Annekkereki sikamma buluka ri dallekanNa; na bontoa assolong kabusu'mi Napakamma. Punna ammumba Batara, amme'bereki buttaya, linoa siagang sikontu pandudu'na annekkereki.

HABAKUK 3:6

Punna ammantangKi', amme'bereki buttaya; punna anjanjangKi', gegereki bansaya napakamma malla'. Moncong-moncong salloa reppe'-reppe' kabusuki; bulu'-bulu' salloa a'jari lappara' todong, anjoremmi anjo ri bulu'-buluka Kioloa a'jappa baku' riolo dudu.

MATIUS 27:51

Anjo wattua sinre'mi gordenga lalang ri Balla'Na Batara, ta'bage rua battu rate sa'genna naung. Ta'ge'goso'mi buttaya, siagang ta'bage ruami bulu' batua.

MATIUS 8:24

Ti'ring battumi anging puttusu' sannaka lompona antujui tamparanga, sa'genna nitunrummi ri bombang anjo biseanga. Na anjo wattua attinroi Isa.

IBRANI 11:29

Lanri tappa'na, nakkullemo tu Israelka a'limbang ri Tamparang Ejaya, sangkamma le'ba' angkana irateji ri butta kalotoroka a'jappa ke'nanga. Naia tu Mesirka nia'lu'mi ri anjo tamparanga, ri wattunna nacoba todong ke'nanga a'limbang.

YOSUA 4:18

Ia battuna ngaseng anjo sikamma imanga ri birinna binangaya, appakkaramulami a'lo'loro' ammotere' siagang allumpa kamma riolo je'ne'na anjo binangaya.

PAPPICINI' 16:12

Le'baki anjo natumpami bonena pammoneanna anjo malaeka' makaannanga naung ri Binanga lompoa, iamintu Efrat. A'jari kalotoro'mi anjo binangaya sa'genna a'jappamo sikamma karaeng battu rayaya angngolo anjoreng.

PAPPICINI' 20:11

Le'baki anjo nia'mo kucini' se're empoang kala'birang; lompoi siagang keboki tanja'na anjo empoang kala'biranga siagang nia' tommi rate patanNa empoang ammempo. Lanynya'mi langika siagang buttaya battu ri dallekanNa, sa'genna tenamo nakacinikang.

PAPPICINI' 6:14

Lanynya'mi langika sangkamma karattasa' nigulunga, siagang sikontu buluka siagang puloa a'lesso' ngasengi battu ri tampa'na.