HABAKUK 2:6 - KITTA' MATANGKASA'

⁶ Mingka sikontu anjo nabetaya ampianderi siagang ancau-caui. Lanakana ke'nanga, “Nitunraiko nasaba' appatambungko barang-barang nateai ikau pata! Siapapi sallonu ampakkalumanynyangi kalennu lanri nupassana tau niaka inranna mae ri kau ambayaraki inranna ke'nanga?”

HABAKUK 2:6 ပူးပေါင်းရင်းမြစ်များ

PAMMUJI 94:3

O, Batara, sa'genna siapa sallona larannu tau ja'dalaka? Sa'genna siapa sallona, o, Batara?

PANGNGEBARANG 22:16

Inai ero' a'jari kalumanynyang na najallakkang tu kasi-asia na nasare hadia tau nia'-niaka kale'bakkanna lasurokaui.

YESAYA 10:13

Lompo bicarami karaeng Asyur, nakana, “Yangasenna anjo kugaukangi lanri kagassingang kalengku. Inakke cara'deka' siagang porea'. Kupelaki pa'baeng-baenna bansa-bansaya, kurampasaki parsadiaanna ke'nanga. Rapang tedong romang, kuonjo'-onjokangi sikamma tau ammarentaya.

YESAYA 44:20

Anjo panggaukang kammaya sangkamma le'baki tau angnganrea au. Anjo taua nipa'lingui ri pikkirang dongo'na, sa'genna takkulleami nitulung. Takkulleami mangaku angkanaya anjo patung niaka ri limanna poro pannipu bawang.

YESAYA 5:8

Cilakako sikamma ammallia balla' siagang angngalle passaya koko untu' antambai barang-barannu! Tenamo nasallo nacappu' tampaka untu' tau maraenga sa'genna ikau mami ammantang ri anjo pa'rasanganga.

YESAYA 55:2

Untu' apa naniballi apa tenaya nappassukku' ri pa'mai', siagang nijama apa tenaya nabassori taua? Turukimi parentaKu, na nukanre apa bajika, siagang nukasia' kanre nyamang nipatalaya.

YEREMIA 17:11

Rapang jangang-jangang anggoppoki bayao teai bayaona, kammaminjo tau jekkonga anggappa pa'barang-barangngang. Ri attangnga umuru'na latappela' ngasengi barang-baranna. Ri kala'busang tallasa'na a'butti angkana ia tau dongo' sikali.

YEREMIA 29:22

Napunna anjo sikamma tau le'bakamo niengka' battu ri Yerusalem mange ri Babel eroki natunra taua, angkanai ke'nanga, ‘Poro Nagaukang lalo Batara mae ri kau sangkamma le'baka Nagaukang mae ri Zedekia siagang Ahab, le'baka nitunu attallasa' ri karaeng Babel.’

YEREMIA 50:13

Lanri larroKu, nalaKupa'jari rumbangngang Babel siagang tenamo ampammantangngi. Sikontu allaloa anjoreng lata'bangka ngasengi siagang a'jari mallaki.

YEHEZKIEL 32:21

Sikamma tubarani gammaraka siagang sikamma tau naaganga Mesir sita'gala' lalang pa'bundukang, lanaruppai siagang rannu kabattuanna tu Mesir antama' ri linona tau matea. Akkio' rannui ke'nanga angkana, ‘Sikamma anjo tau tenaya natappa' ri Allata'ala, matemi lalang pa'bundukang. Kamma-kamma anne battumi mae ke'nanga siagang anra'ba anrinni.’

MIKHA 2:4

Sarennu lanipakei ri taua a'jari piandere', siagang lappareki ke'nanga kelong-kelong kasusaang kammaya anne, ‘Naallemi Batara anne pa'rasanganna ikambe siagang Napassareang mae ri tau antahangai ikambe. Ancuru' taba sikalimi ikambe.’ ”

HABAKUK 1:15

Bansa Babel najakkalaki taua siagang pekang, rapang angkana anjo ke'nanga juku'. Anjo taua nare'resangi lalang jala siagang sannang-sannammi anjo tu Babel lanri anjo wassele' nagappaya ke'nanga.

HABAKUK 2:12

Nitunraiko ikau! Appaentengko kota irate ri kaja'dallannu siagang nubangungi lalang pammunoang.

HABAKUK 2:13

Bansa-bansa nubetaya akkaresoi natena matu-matunna resona, siagang sikontu-kontuna apa napaentenga ke'nanga cappuki nakanre pepe'. Yangasenna anjo kammaya ero'Na Batara Kaminang Koasaya.

PAMMILANGNGANG 23:18

nampa napaumo Bileam anne boto kammaya, “He, Balak, ana'na Zipor, battu mako mae, pilangngeri apa eroka kupau.

PAMMILANGNGANG 23:7

Nampa napaumo Bileam anne botoa angkana, “Battu ri Aram, ri moncong niaka iraya, nakioka' Balak, karaenna tu Moab, angkana, ‘Battuko mae, a'bicara untu' inakke. Tunrai anjo bansa Israel.’

LUKAS 12:20

Mingka Nakanamo Allata'ala ri ia, ‘E tolo! Anne bangngia lamate mako; jari inai langngalle ngasengi anjo barang-barang le'baka nupasse're untu' kalennu?’

1 PETRUS 4:7

Sikontu apa-apaya a'reppese'mi mae ri kale'bakkanna; lanri kammana paralluko tutu siagang nupakalewa kalennu, sollannu akkulle appala' doang.