HABAKUK 2:2 - KITTA' MATANGKASA'

² Appialimi Batara mae ri nakke kamma anne, “Ukiriki baji' pa'nassana mae ri papang batua, apa Kupa'nyataya mae ri kau sollanna akkulle gampang nibaca.

HABAKUK 2:2 ပူးပေါင်းရင်းမြစ်များ

YESAYA 30:8

Nasuroa' Allata'ala ancataki kaja'dallanna umma'Na lalang se'rea kitta', a'jari pappiu'rangi untu' satunggu-tungguna.

YESAYA 8:1

Nakana Batara mae ri nakke, “Angngalleko se're batu pannulisang, ia lompoa, nampa nutulisi' siagang hurupu' a'nassa anne: ‘Panrampasang Lacciri', Pangngellakkang Tippaka’.

YEREMIA 30:2

Nakana ri nakke, “Tulisiki lalang ri se'rea kitta' sikontu apa le'baka Kupau mae ri kau.

DANIEL 12:4

Nampa nakana pole anjo malaekaka ri nakke, “Daniel, tongkoki anjo kittaka kamma-kamma anne, siagang sarei segele' sollanna tuli tattongko' sa'genna ri kala'busang jammanga. Jai tau ansalidiki apa niaka kajariang. Mingka anjo usahana ke'nanga latena sikali matu-matunna.”

DANIEL 7:1

Ri se'reang bangngi, ri taung makase're Belsyazar a'jari karaeng ri Babel, inakke, Daniel, asso'na' siagang anggappa' paccini'. Anjo so'naya kucataki siagang anjo apa kucinika kamma minne caritana: Anging sarroa ammiriki battu kere-keremae, sa'genna appabattu bombang lompo ri tamparang lompoa.

ROMA 15:4

Sikontu anjo apa-apa niaka tattulisi' lalang ri Kittaka, lanipake ngasengi untu' angngajarakki'. Nasaba' anjo pappilajarang nitarimaya battu ri Kittaka naajarakki' a'jari sa'bara' siagang a'jari majarre' sanggenta akkulle manrannuang mae ri Allata'ala.

1 KORINTUS 14:19

Mingka punna a'rappungangki' untu' anynyomba mae ri Batara, la'bi kungaiangangi limambukua bicara kupake assala' akkulle napahang taua, naia assa'bu-sa'bua bicara appakalannasa' kupake natanapahanga taua. Kungaiangangi kammaya anjo, sollangku akkulle angngajaraki taua.

2 KORINTUS 3:12

Lanri nia'namo anne panrannuang kammaya ri kambe, nabaranimo ikambe a'bicara kamma anjo.

PAOLE 27:8

Irate ri anjo batu-batu nipa'leokia musti nutulisi' bajiki sikontu kana-kana battua ri hukkunNa Allata'ala.”

PAOLE 31:19

Kamma-kamma anne, tulisi'mi anne kelong-kelonga. Pangngajarrangi anjo mae ri bansa Israel salaku sa'bi mae ri ke'nanga.

PAOLE 31:22

Anjo alloa natulisi' memammi Musa anjo kelonga, nampa napangngajarrang mae ri bansa Israel.

PAPPICINI' 14:13

Nampa nia' kulangngere' sa'ra battu ri suruga angkana, “Tulisiki anne: Maupaki tau matea appakkaramula ri kamma-kamma anne, ilalang nalayanina Batara!” Appialimi RohNa Allata'ala angkana, “Annabai! Lammari ke'nanga anjama terasa', lanri tuli nia'na wassele' palayananna ke'nanga anrurungangi.”

PAPPICINI' 19:9

Nampa nakana anjo malaekaka mae ri nakke, “Tulisiki anne: ‘Maupaki sikamma tau le'baka nibuntuli mae ri passua'-suarranna pa'buntinganNa anjo Ana' Gimbalaka.’ ” Nampa nasambung pole anjo malaekaka angkana, “Iaminne biritta tojenga, battua ri Allata'ala.”