HABAKUK 2:18 - KITTA' MATANGKASA'

^18-19 Nitunraiko ikau! Nukana mae ri kayu sipolonga, “Ambangnungko!” yareka mae ri batu lompoa angkana, “Ammentengko!” Maka akkullei se'rea patung a'bicara mae ri kau? Nakulle anjo patunga nilapisiki bulaeng siagang pera', mingka tena nyawa ri ia. Apa matu-matunna patung barhalaya? Anjo poro bate pare'na rupataua. Apa nugappaya battu ri ia poro balle-balle bawang. Tena bua'-bua'na katappakkanna papare' barhalaya mae ri bate pare' limanna, tenaya nakkulle appau.

HABAKUK 2:18 ပူးပေါင်းရင်းမြစ်များ

PAMMUJI 97:7

Sikontu tau anynyombaya ri barhala lanipakasiriki, ampattampoangai barang-barang tenaya matu-matunna; sikontu rewataya lasu'juki ri dallekanNa Batara.

YESAYA 1:31

Rapangi rarame akkanrea lanri nitaba ri racci' bara pepe', kamma tomminjo sikamma tukoasaya lanipanraki lanri panggaukang-panggaukang kalenna tonji ke'nanga, iamintu kaja'dallanna ke'nanga. Nampa tena tau akkulle ampamari anjo kaancuranna.

YESAYA 37:38

Ri se'reang allo, ri wattunna sitabang nagaukang ibadana lalang ri balla' rewata Nisrokh, nibunomi siagang pa'dang ri Adramelekh siagang Sarezer, rua ana' bura'ne kalenna. Le'baki anjo larimi ke'nanga mange ri Ararat. Jari nisambeammi a'jari karaeng ri ana' bura'nena maraenga, niarenga Esarhadon.

YESAYA 40:19

Tena Nasangkamma patung napareka tukang-tukang, patung nilapisika bulaeng siagang nilapaka pera'.

YESAYA 41:26

Inai ri kau akkulle antappu rioloi sa'genna akkulle ikambe ampattojengi? Mingka tena ri kau akkulle ampaui, tena tau allangngerekko le'ba' a'bicara.

YESAYA 42:17

Tau tappaka mae ri patung barhalaya na naakui ke'nanga a'jari allata'alana, lanihinai siagang lanipakasiriki.”

YESAYA 44:12

Tukang bassia angngallei sipolong bassi nampa napare' lalang pepe' siagang nade'de' siagang palu-palu bassi. Napareki siagang sikamma kitta' magassinna. Lalang anjamana, a'jari cipuruki, turerei siagang mangngangi.

YESAYA 45:16

Sikontu tau appareka patung barhala; lanipakasiriki siagang lanihinai.

YESAYA 45:20

Nakana Batara, “A'rappung mako siagang battu mako assama-sama, ikau ngaseng tau ta'lappasaka ri bansa-bansaya! Dongoki tau a'balulunga anrurungangi patung kayua, siagang appala' doanga mae ri rewata-rewataya ia tenaya nakkulle appasalama'.

YEREMIA 10:8

Kapala batui siagang dongo' ngasengi ke'nanga nasaba' rewatana poro kayuji bawang, takkulleai angngajara' ri apa a'matu-matua.

YEREMIA 16:19

O Batara, iKattemi alla'langngia' siagang assarea' kagassingang; iKatte antulunga' ri wattungku kasukkarang. Labattui bansa-bansaya battu ri cappa'na linoa mae ri Katte na nakana, “Boe-boena ikambe poro rewata takontutojengaji bawang napatappa', tena sikalia matu-matunna.

YEREMIA 2:8

Sikamma imanga tamakkuta'nangngai angkana kemaeA', Batarana. Sikamma tau appaentenga hukkung tanaassengA', sikamma pamarentaya nabaliangA'. Lalang arenna Rewata Baal na'bicara sikkamma na'bia, siagang anynyomba ri barhala tenaya matu-matunna.”

YEREMIA 50:2

“Attannangko pammatei siagang pa'la'bangi pau mae ri bansa-bansa angkanaya tu'guru'mi Babel! Teako rahasiakangi anjo passalaka! Merodakh, rewatana, niancuruki, siagang patung-patunna lalea reppe'mi tassimbung-simbung, kammayatompa sikamma barhalana sanna'mi batena nihina-hina.

YEREMIA 51:17

Nacini'na ngaseng anjo kammaya sadara'mi rupataua, angkanaya kalenna toloi na tena pammahanna. Siri'mi panre bulaenga napakamma, nasaba' patung barhala napareka sangnging palusu' na tena nyawana.

DANIEL 5:23

Kipakatinggi kalenta mae ri Batara niaka ri suruga siagang baraniki' ansuro erangi antama' mangko'-mangko' le'baka nirampasa' battu ri Balla'Na Batara. Nampa ikatte siagang sikamma tumalompota, sikamma bainenta siagang baine piarata angnginungi battu ri anjo mangko'-mangkoka. Ammuji-mujiki' mae ri rewata-rewata nipareka battu ri bulaeng, pera', tambaga, bassi, kayu siagang batu, iamintu rewata-rewata tenaya nakkulle accini' yareka allangngere' yareka ammahang apa-apa. Tena kipakalompoi Allata'ala ampattantuai tallasatta siagang mateta siagang ampattantuai oloang katallassanta.

AMOS 2:4

Nakana Batara, “Tu Yehuda a'mole-molei doraka, lanri kammana anjo ma'nassa laKuhukkungi ke'nanga. Nadakkai ke'nanga parenta-parentaKu siagang tanajampangiai ajarang-ajarangKu. Nipa'lingui ke'nanga ri rewata-rewata maraenga nasombaya boe-boena ke'nanga.

YUNUS 2:8

Tau anynyombaya ri barhala tenaya bua'-bua'na nabokoiKi' siagang tamajarrekami pa'mai'na.

ZAKHARIA 10:2

Appalaki pangngunju' sikamma taua mae ri barhala-barhalaya siagang ri sikamma pacinika, mingka sikamma anjo pangngunju' nagappaya ke'nanga sangnging balle-balle siagang bicara kosonji bawang. Nia' ambattuangngi so'naya, mingka anjo battuang napakasingaraka ke'nanga poro lanapakalingu ngaseng jako; siagang anjo panynyaleori napassareanga tena battuanna. Lanri kammana anjo natassimbung-simbung ra'yaka sanrapang gimbalaka. Tenamo nasilolongang ke'nanga lanri tena pamimpinna.

ROMA 6:21

Anjo wattua apa passawallang nugappa ri anjo panggaukang appakasirika? Poro kamateang bawang naerang anjo panggaukang-panggaukang kammaya!

1 KORINTUS 12:2

U'rangi angkanaya ri wattunna tenapa nutappa' mae ri Batara, amminawangko anynyomba mae ri barhala pepea.

PAPPICINI' 19:20

Nijakkala'mi anjo olo'-oloka siagang sikontu na'bi takontutojenga, iamintu le'baka appare' panggaukang appakalannasa' ri dallekanna anjo olo'-oloka. (Iaminjo gau'-gau' appakalannasaka napake anjo olo'-oloka antipui anjo tau le'baka ngaseng nabatei anjo olo'-oloka, siagang anjo tau anynyombaya mae ri patunga.) Nampa nipela' attallasa' anjo olo'-oloka siagang na'bi balle-ballea antama' ri tamparang pepe' a'rinra-rinraya siagang bara.

HAKING-HAKING 17:4

Ri wattunna napoterang Mikha anjo doeka mae ri amma'na, naallemi amma'na ruambilangngang battu ri anjo doeka. Nampa napassareang mae ri sitau tukang pera'. Nampa nasuro anjo tukanga appare' se're patung kayu nilapisika siagang anjo peraka. Nampa niboli' anjo patunga ri balla'na Mikha.

1 SAMUEL 12:21

Teako amminawangngi ri rewata-rewata tenaya nakkulle antulungko siagang ampasalamakko, nasaba' anjo ke'nanga sikontutojenna apa-apa taena battuanna.