HABAKUK 2:1 - KITTA' MATANGKASA'

¹ Eroka' nai' ri menara pa'jagaangku, nampa kutayang apa eroka Napau Batara mae ri nakke, siagang antekamma pappialinNa mae ri kunrarengku.

HABAKUK 2:1 ပူးပေါင်းရင်းမြစ်များ

2 SAMUEL 18:24

Sitabangi Daud ammempo lalang ri kamara' alla'na pakke'bu' lompo lalanna kotaya siagang pakke'bu' lompo pantaranna. Naiki pajagaya ri temboka nampa ammenteng ri pattongko'na anjo pakke'bu' lompoa. Ri wattunna accini' bella', nia'mo se're tau nacini' lari battu mae.

2 KARAENG-KARAENG 17:9

siagang nagaukangi apa-apa tenaya Napa'biangi Batara, Allata'alana ke'nanga. Ambangungi ke'nanga tampa'-tampa' panynyombang rewata ri sikontu kotana ke'nanga, baji' ri kota ca'dia kammayatompa ri kota lompoa.

2 KARAENG-KARAENG 9:17

Ri wattunna nacini' pangawala'na menara kotaya ri Yizreel angkanaya niaki battu Yehu siagang sikamma taunna, a'gorami anjo pangawalaka angkana, “Nia' siapa are jaina tau battu a'lampa mae anrinni!” Appialimi Yoram angkana, “Suroi se're tantara mange ansalidiki untu' angngassengi angkanaya apaka agang yareka musu anjo ke'nanga.”

AYUB 31:35

Tenaka tau ero' ampilangngeri kana-kanangku? Assumpa' angkana annaba ngasengi anjo kupaua. Dasi-dasi Napialia' Kaminang Koasaya. Ebara' angkana tuduhanna musua mae ri nakke nitulisi' ngasengi sa'genna kucini',

AYUB 31:37

Lakupauangi Allata'ala sikontu apa kugaukanga; lalompoi pa'maikku siagang laccongai ulungku andallekang ri Ia.

PAMMUJI 5:3

Kijampangi pakkiokku na Kitulunga', o Karaengku siagang Allata'alaku.

PAMMUJI 85:8

Kipa'nyatai angkana tuli mangngamaseangKi', o Batara, Kisare laloi kasalamakkang ikambe.

PAMMUJI 85:9

Erokka' ampilangngeri kananNa Karaeng Allata'ala; Napa'janjiangi kasalewanganga mae ri katte, umma'Na, assala' tenaja nigaukang poleangi dosaya.

YESAYA 21:5

Nia' todong kucini' parjamuang pa'rannu-rannuang, ia le'baka memammo nipasadia; sadia tommi empoanga untu' sikamma undanganga. Angnganre angnginungi ke'nanga. Ti'ring nia'mo kalangngerang parenta angkana: “He, sikamma perwiraya! Pasadia ngasengi pa'lapa' barambannu!”

YESAYA 21:6

Nampa Nakanamo Batara mae ri nakke, “A'lampako ammoli' sitau pajaga siagang suroi allaporoki apa niaka nacini'.

YESAYA 21:8

Nampa ammarrammo anjo pajagaya angkana, “O, Karaeng, le'ba'ma' a'jaga allo-allo, a'jaga allo bangngi.”

YESAYA 62:6

Lammolika' pangawala' ri tembo' kalli'na Yerusalem; allo bangngi ke'nanga takkulleai a'mereki, mingka musti tuli napakaingaki Allata'ala mae ri janjinNa le'baka Napare'.

YEREMIA 12:1

“Punna kuerang parkaraku mae ri dallekanTa, o Batara, attantu la'buttimi angkanaya iKatte tojeng. Mingka ero' tonga' akkuta'nang mae ri Katte ri passala'na nikanaya kaadelang: Angngapai tau ja'dalaka naia kalumanynyang? Angngapa natau tenaya nalambusu' baji' panggappanna?

YEREMIA 6:17

Nampa a'mole-molemo Batara angngangka' pajaga untu' ampakaingaki ke'nanga sollanna napilangngeri pammateina sa'ra tarompeka. Mingka nakana ummaka, “Taerokai ikambe ampilangngeri.”

YEHEZKIEL 3:17

“He tau, ikau Kuangkakko a'jari pajaga mae ri bansa Israel. Pabattui mae ri ke'nanga anne pappakainga' Kupassareanga.

YEHEZKIEL 33:7

He tau, ikau Kuangkakko a'jari pajaga mae ri bansa Israel. Pabattui mae ri ke'nanga anne pasangKu:

MIKHA 7:7

Mingka ikatte manrannuangki' mae ri Batara; jarreki tappatta antayangi Allata'alata. LaNapilangngeri pappala' doanta siagang Napasalamakki'.

2 KORINTUS 13:3

Jari lanucini'mi butti nukaerokia angkanaya ma'nassa a'bicara tojeng-tojengi Almasi tete ri kalengku. Punna Nahukkungko Almasi, tena nalamma, passangalinna laNapappicinikangi kakoasanNa ri tangnga-tangnganu.

GALATIA 1:16

Napappiassengammi Ana'Na Allata'ala mae ri nakke; sollanna akkulle kubirittakang anjo Kabara' Baji' ri sesena Ana'Na, mae ri bansa-bansa maraenga. Anjo wattua tena ku'lampa appala' pappitangara' manna ri nai.