HABAKUK 1:9 - KITTA' MATANGKASA'

⁹ Tantarana majui untu' anggaukangi katerassanga; malla' kabusuki taua anciniki nia' battu ke'nanga. Teai sipato' jaina tau natahanga ke'nanga.

HABAKUK 1:9 ပူးပေါင်းရင်းမြစ်များ

PA'JARIANG 41:49

Anjo gandung napasse'rea teai sipato' jaina. Sa'genna tenamo nalitereki Yusuf lanri jaina sanrapangi kassika ri biring tamparanga.

2 KARAENG-KARAENG 12:17

Anjo wattua Hazael iamintu karaeng Siria nabunduki siagang naempoimi kota Gat. Nampa ero' tommo nabunduki kota Yerusalem.

AYUB 29:18

Minasangku erokka' angkasiaki la'bu umurukku, na kumate siagang sannang ri balla' kalengku.

PAMMUJI 139:18

Punna kurekeng, jaiangngangi na kassika; punna ambangunga', tuli iKatte kunawa-nawa.

YESAYA 27:8

Nahukkungi Batara umma'Na, iamintu Napelaki ke'nanga mange ri pa'rasangang maraenga. Nabongkai ke'nanga siagang anging ja'dala' niaka battu raya.

YEREMIA 15:8

Larassi pa'rasangannu ri janda, la'biangngang na kassika ri biring tamparang jaina. LaKubunoi sikamma taua ri wattu rungkana sa'genna pa'risi' nasa'ring amma'na ke'nanga. Ri wattu alloa Kupabattui mae ri ke'nanga sitau tulammanraki sa'genna malla' siagang lussa' ke'nanga.

YEREMIA 25:9

‘LaKukioki sikontu bansaya battu wara', kammayatompa atangKu Nebukadnezar karaeng Babel. LaKupaturungi ke'nanga untu' a'bundu' angngewai Yehuda siagang pandudu'na kammayatompa sikontu bansa niaka ri tammulilina. Lanipanraki bansa Yehuda siagang bansa-bansa naaganga singngampi', nampa Kubalang parekang ancuru' sa'genna satunggu-tungguna. Sikamma tau ancinikai lata'bangkai siagang a'jari mallaki. INakke, Batara, anne akkana.

YEREMIA 34:22

LaKusuroi ke'nanga sollanna ammotere' mae ri anne kotaya, nampa nabunduki, nabeta, siagang natunui. Kota-kota Yehuda laKupa'jari sangkamma parang lompo tenaya nipammantangngi ri tau. INakke, Batara, anne akkana.”

YEREMIA 4:11

Lania' wattunna sallang anjo tu Yehuda siagang pandudu'na Yerusalem anggappai kabara' angkanaya ammiriki anging bambanga battu ri paranga tattuju mae ri ke'nanga. Anjo anginga teai anging biasa, anri'bakanga bawang awang,

YEREMIA 4:7

Rapang singa assuluka battu ri paccokkoanna kamma tomminjo a'lampami pammanrakia ri bansa-bansa battua ero' ampanraki Yehuda. Laruntungi Yehuda a'jari kamma loro tampa' tenaya napammantangngi tau.

YEHEZKIEL 17:10

Memang, attimbo kassa'mi, mingka maka akkulle attallasa' tulusu' siagang a'bakka'? Maka tena nalakalumeng niiri' ri anging battu raya? Maka tena nala'jari kalotoro' ri tampa'na nilamung?”

YEHEZKIEL 19:12

Mingka nibi'buki ri lima-lima larroa, nampa nipela' naung ri butta. Ammiriki anging battu iraya angkalotori rappo baji'na. Tepoki tangkenna, a'jari kalotoro' nampa nitunu.

DANIEL 11:17

Nampa anjo karaeng pa'rasangang waraka lanapasadiai sikontu tantarana untu' ambunduki pa'rasangang timboroka. Na lanri ero'na nakoasai kabusu' sikontu kakaraenganna musunna, appare'mi passitujuang siagang anjo musunna; na napa'buntimmo ana' bainena siagang anjo karaeng Mesir. Mingka anjo rancanana tena nata'rapi'.

HOSEA 1:10

Bansa Israel la'jari sanrapangi kassika ri tamparanga jaina, sa'genna takkullea nibaku' yareka nirekeng. Kamma-kamma anne Nakana Allata'ala ri ke'nanga, “Ikau teaiko ummakKu,” mingka lanarapiki sallang wattunna nalaNakana ri ke'nanga, “INakkemi Allata'ala mattallasaka siagang ikaumi ana'-anakKu!”

HOSEA 13:15

Manna pole coppong bansa Israel rapang ruku' coppong, mingka lappabattuA' anging bambang battu iraya ri parang lompoa. Anjo anginga lampakalotoroki sikontu timbuseng je'neka siagang bungunga, sa'genna lanynya' kabusu'mo apa-apa niaka anggaranna.

HABAKUK 1:17

Masakang tulusu' lanabi'buki ke'nanga pa'danna siagang nabuno bansa-bansaya, tena pangngamaseanna?

HABAKUK 1:6

Bansa Babel sekkeka siagang pallaka laKupa'jari bansa makoasa. A'barrisiki ke'nanga assulu' battu ri pa'rasanganna nampa najappai sikontu linoa untu' ambetai bansa-bansa maraenga.

ROMA 9:27

Naterassimi nakana Na'bi Yesaya ri sesena bansa Israelka, “Manna pole nasangkamma kassika ri tamparanga jaina bansa Israelka, mingka sike'de'ji lasalama';

HAKING-HAKING 7:12

Anjo tu Midian, Amalek siagang tu battua ri parang kassika, tassia'-siaraki ri kere-kere mae anjoreng ri lapparaka. Sangkammai nicini' katimbang a'rappunganga. Unta-untana ke'nanga sanna' jaina sanrapang kassi' ri biring tamparang.