HABAKUK 1:7 - KITTA' MATANGKASA'

⁷ Kemae-kemae ke'nanga appakamalla'; tampoi ke'nanga antolla' kabusuki sikontu hukkunga pantaranganna situruka siagang ero'na ke'nanga.

HABAKUK 1:7 ပူးပေါင်းရင်းမြစ်များ

YESAYA 14:17

Iakami angngancuruki kota-kotaya siagang ampinrai linoa a'jari parang kassi'? Iaka minne le'baka allappassangi sikamma tunitahanna yareka allappassangi ke'nanga ammotere'?’

YESAYA 18:2

Nia'mo siapa are suro battu ri anjo pa'rasanganga a'limbang ri Binanga Nil, lalang ri biseang-biseang pandanga. He, sikamma suro laccirika ngaseng, ammotere' mako linta' mange ri pa'rasangannu napanumaloia sikamma anjo binangaya. Angngerang mako se're pasang mae ri anjo bansanu makassaka siagang barania, sikamma taunnu tinggi-tinggia ngaseng siagang alusuka bukkulenna, kammayatompa nikamallakkanga ri sikontu linoa.

YESAYA 18:7

Nia' sallang se're wattu nanipassareang passarea battu ri anjo pa'rasangang nilaloia ri sikamma binangaya mae ri Batara Kaminang Makoasaya, battu ri bansana makassaka siagang barania, battu ri sikamma tau tinggia siagang alusuka kalenna na nikamallakkanga ri sikontu linoa. Labattu ngasengi ke'nanga mange ri Bulu' Sion, ri tampa'Na Batara Kaminang Makoasaya nisomba.

YESAYA 47:8

Lanri kammana anjo pilangngeriA', he ikau nungaia angngondanga kasannangngang! Nukapangi angkana amangi katallassannu, siagang tena sangkammannu. Tanupikkirai angkana la'jari jandako, siagang talapanrakai turungannu.

DANIEL 2:31

Iaminne anjo apa kicinika karaeng: Ri dallekanna karaengku nia' se're patung! Anjo patunga teai sipato' lompona, siagang accilla'-cillaki mingka sanna' appakamalla'na tanja'na.

ZEFANYA 2:15

Iaminjo lakajarianga mae ri anjo kota ma'reja-rejaya siagang nakanaya kalenna amang siagang sannang. Pandudu'na nakapangi angkanaya anjo kotana ke'nanga kaminang lompo ri linoa. Teai sipato' sinona anjo daeraya, tena sikali bonena pantaranganna olo'-olo' ri romang a'ru'munga anjoreng! Sikamma tau niaka allalo anjoreng ri kotaya la'jari ta'bangka kabusuki siagang la'jari mallaki nakasia'.

PAOLE 5:19

Teako a'lukkaki.

PAOLE 5:27

Lanri kammana anjo, a'lampa mako Musa, pilangngeri sikontu apa Napaua Karaeng Allata'alata, nampa pabattui sallang mae ri kambe anjo apa Napaua mae ri kau. Lanapilangngeri ikambe siagang mannuruki ikambe.’