HABAKUK 1:6 - KITTA' MATANGKASA'

⁶ Bansa Babel sekkeka siagang pallaka laKupa'jari bansa makoasa. A'barrisiki ke'nanga assulu' battu ri pa'rasanganna nampa najappai sikontu linoa untu' ambetai bansa-bansa maraenga.

HABAKUK 1:6 ပူးပေါင်းရင်းမြစ်များ

2 KARAENG-KARAENG 24:1

Ri wattu ammarentana Karaeng Yoyakim, nia'mi battu Nebukadnezar Karaeng Babel ambunduki siagang ambetai tu Yehuda. Tallun taung sallona Yoyakim tundu' mae ri Nebukadnezar, mingka ri bokoanna angngewami.

2 KARAENG-KARAENG 24:2

Appabattui Batara garombolang-garombolang angngeranga sanjata battu ri Babel, Siria, Moab siagang Amon untu' angngewai Yoyakim siagang angngancuruki Yehuda, situru' apa le'baka Nakanang tete ri sikamma na'bi-na'bia atanNa.

2 PATTOTTORANG 36:17

Napagio'mi Batara atinna karaeng Babel sollanna battu ambunduki ke'nanga. Anjo karaenga nabunomi tu Yehuda rungka-rungkaya, kammayatompa ia niaka lalang ri Balla'Na Batara. Tena manna sitau nakamaseang, tau toa yareka tau rungka, bura'ne yareka baine, tau garring yareka tau tagarring. Nipassareang ngasengi ri Allata'ala ke'nanga mae ri karaeng Babel.

2 PATTOTTORANG 36:6

Ri wattunna battu Nebukadnezar karaeng Babel angngempoi Yehuda, najakkalaki Yoyakim, nampa nasikko' siagang naerangi mange ri Babel.

YESAYA 23:13

Teai bansa Asyur, passangalinna bansa Babel allappassangi olo'-olo' sekkeka angkoasai Tirus. Iatommi ke'nanga ampaentengi sikamma menara untu' nipake antammulili balia, anruntungi sikamma benteng pattahanganna siagang ampa'jari rumbangangi anjo kotaya.)

YEREMIA 13:20

Nakana Batara mae ri pandudu'na Yerusalem, “Parhatikangi! Nia'mi musu-musunnu battu wara'! Kemaeji sikamma tau eroka nula'langngi siagang sannaka nukalompoanna ri pa'mai'?

YEREMIA 21:4

ampabattui mae ri Karaeng Zedekia angkanaya Batara, Allata'alana Israel, akkana kammai anne, “Zedekia, laKubetai pasukannu a'bunduka angngewai karaeng Babel siagang pasukanna. Sikamma sanjatana tantaranu laKupa'gompoi ri tangnga-tangngana kotaya.

YEREMIA 21:7

Ikau siagang sikamma pagawenu kammayatompa sikamma tau ta'lappasaka battu ri pa'bundukanga, kacipurang siagang garring, yangasenna laKulappassangko najakkala' Karaeng Nebukadnezar siagang musu-musu eroka ambunoko. Lanabuno ngasengko Nebukadnezar, tena nalanapammopporangko siagang tena nalanakamaseangko. INakke, Batara, anne a'bicara.”

YEREMIA 25:9

‘LaKukioki sikontu bansaya battu wara', kammayatompa atangKu Nebukadnezar karaeng Babel. LaKupaturungi ke'nanga untu' a'bundu' angngewai Yehuda siagang pandudu'na kammayatompa sikontu bansa niaka ri tammulilina. Lanipanraki bansa Yehuda siagang bansa-bansa naaganga singngampi', nampa Kubalang parekang ancuru' sa'genna satunggu-tungguna. Sikamma tau ancinikai lata'bangkai siagang a'jari mallaki. INakke, Batara, anne akkana.

YEREMIA 30:5

“Kulangngere'mi pakkio'na tau annekkereka, pakkio'na tau mallaka tenaya naamang nasa'ring.

YEREMIA 4:11

Lania' wattunna sallang anjo tu Yehuda siagang pandudu'na Yerusalem anggappai kabara' angkanaya ammiriki anging bambanga battu ri paranga tattuju mae ri ke'nanga. Anjo anginga teai anging biasa, anri'bakanga bawang awang,

YEREMIA 4:6

Picinikiangi oloang mangea ri Sion, bulu'Na Batara, a'liliko linta', teako ammantangngi a'mereki. Appabattui Batara bala siagang kaancurang lompo battu wara'.

YEREMIA 4:8

Lanri kammana, angngarru' siagang appiraung mako, ammake mako kaeng karung tanra susanu. Lanri a'rinra-rinrana larroNa Batara tenapa nammono' battu ri Yehuda.

YEREMIA 5:15

He umma' Israel, Napabattui Batara bansa battua ri pa'rasangang bella untu' ambundukiko. Anjo bansaya nia' memammi battu riolo dudu, tanuassengai nupahang bicaranna. Teai sipato' kassa'na ke'nanga,

YEREMIA 8:10

Lanri kammana anjo, laKupassareangi kokonna ke'nanga mae ri tau maraenga, kammayatompa bainenna ke'nanga lanipassareang tongi mae ri tau maraenga. Yangasenna ke'nanga, ca'di lompo, massing kaparalluang kalenna naboya, iamintu cara-cara tenaya nalambusu' napake. Ba'lalo manna na'bia siagang imanga annipu tongi tau.

YEHEZKIEL 16:40

Lanasuroi ke'nanga tau jaia assambilako batu, siagang angkere'-kereki kalennu siagang pa'dang.

YEHEZKIEL 21:31

LaKupa'betteseki larroKu a'rinra-rinraya mae ri kau. Siagang laKupassareangko mae ri tau sekkeka, siagang le'baka nilati untu' ammanraki.

YEHEZKIEL 31:12

Anjo tantara bansa maraeng tenaya nangngasseng appamopporang lanata'bangi anjo poko'ka nampa nabalang parekang. Tangkenna anjo tepokamo tu'gu'-tu'guru' ngasemmi ri sikontu buluka siagang ka'bunga ri anjo pa'rasanganga. Sikontu bansa niaka irawa kakoasanna la'lampa ngasengi ambokoi.

YO"EL 2:3

Rapang pepe' akkanrea siagang appakamutung naputtai ke'nanga sikontu lamung-lamunga. Riolo, anjo pa'rasanganga rapangi Eden, iamintu kokonNa Batara, kale'bakkanna, santanja'mi parang kassi' kalotoroka. Tenamo nia' ammantang tassesa, tena sikali ta'lappasa' battu ri pa'bakkaina ke'nanga.