HABAKUK 1:3 - KITTA' MATANGKASA'

³ Angngapa Kicini'-cinikia' anciniki kaja'dallang kammaya anjo jaina? Angngapa naKiattahang kamma anciniki gau' sala oloang kammaya jaina? Kemae-kemae nia' nicini' kaancurang siagang katerassang, passiba'jiang, siagang passisala-salang.

HABAKUK 1:3 ပူးပေါင်းရင်းမြစ်များ

KATO'BA 4:1

Nampa kuparhatikang pole sikamma apa tenaya naadele', ia kajarianga ri anne linoa. Angngarruki tau nijallakkanga, natena tau ero' antulungi ke'nanga. Tena manna sitau ero' ambantui, lanri lompona koasana anjo sikamma tau anjallakkangai ke'nanga.

KATO'BA 5:8

Ba'lalo manna karaenga tanjeng tongi mae ri wassele' kattoa.

YESAYA 46:12

PilangngeriA', he sikamma tau tampoa, ikau angkapangai angkanaya bella iji pammetanga.

YESAYA 5:7

Saba' koko anggoro'Na Batara Kaminang Koasaya iamintu umma' Israel, siagang tu Yehuda iami poko' anggoro' Nalamunga. Battu ri ke'nangami Naminasai kaadelanga, mingka kapallakkanji napa'nia'. Naminasai ke'nanga appaenteng katojengang, mingka karru'ji appala' kaadelang napanai'.

YEREMIA 15:10

Tojeng, inakke siala' memang tonga'. Untu' apa nanalassukanga' anrongku? Tunggala' tau niaka ri anne pa'rasanganga kuagang ngasengi a'besere' siagang a'gea'. Manna kutale'baka appapiinrang yareka angnginrang, mingka nitunraia ri sikontu taua.

YEREMIA 20:18

Angngapa kumusti nilassukang? Poro untu' pa'risi' siagang kasukkarang? Siagang sollanna allalo tallasakku lalang siri'-siri' bawang?

YEREMIA 20:8

Punna kua'bicara, musti ammarranga' sigassing-gassingku, angkana, “Kapallakkang! Bala!” O Batara, Nicau-caua' ri kere-kere wattu, lanri kupabattuna pasanTa.

YEHEZKIEL 2:6

Mingka ikau, he tau, teako mallakki mae ri anjo tau paewaya, yareka mae ri manna apa pole nakana ke'nanga. Lanaewako siagang lanahinako ke'nanga, sa'gennu rapangko tau attallasaka ri tangnga-tangngana olo'-olo' niaka racunna punna angngokko'. Mingka manna nakamma teako mallakki.

MATIUS 10:16

“Parhatikangi anne: Sanrapangko gimbala' tenaya pakkullena Kusuro antama' ri tangnga-tangngana kongkong romang sekkeka. Jari paralluko tutu sanrapang ularaka siagang tuna pa'mai' sanrapang jangang-jangang bodobangkenga.

2 PETRUS 2:8

Ri tangnga-tangnganami anjo tau kammaya attallasa' anjo Lot tau bajika, angkasiaki pa'risi' pa'maika, lanri allo-allona nacini' siagang nalangngere' panggaukang ja'dala'na ke'nanga.