HABAKUK 1:13 - KITTA' MATANGKASA'

¹³ Mingka antekamma bateTa akkulle attahang anciniki tau ja'dala' palla' kammaya anjo? Sai iKatte sanna' matangkasatTa untu' anciniki kaja'dallanga? Sai iKatte lanreki anciniki gau' tenaya naadele'? Jari, angngapa natena apa-apa Kikana ri wattunna niancuru' tau bajika ri tau dorakaya?

HABAKUK 1:13 ပူးပေါင်းရင်းမြစ်များ

2 SAMUEL 4:11

Teai sipato' la'bi battala'na hukkungang lakupabattua mae ri tau ja'dala' ambunoai tau tenaya salana siagang sitabanga attinro ri balla' kalenna! Kamma-kamma anne kutuntuki pambalasanga mae ri kau lanri anjo pammunoanga, siagang kupa'lanynyakko battu ri tompo'na anne buttaya!”

1 KARAENG-KARAENG 2:32

Lanihukkungi ri Batara lanri pammunoang le'baka nagaukang nampa tanaassenga manggeku. Abner, perwira tantarana Israel, siagang Amasa perwira tantarana Yehuda, rua-rua tena salana. Bajikangngangi ke'nanga na kalenna Yoab, mingka nabunoi ke'nanga.

ESTER 4:14

Manna antekamma carana mattantu langgappai pannulung tu Yahudia, sa'genna salama' ke'nanga. Mingka punna tuli ammantangko tena apa-apa nugaukang ri kamma-kammaya anne, ikau kalennu lamate tongko siagang lapuppusu'mi riwaya'na kaluargana manggenu. Inai angngassengi, gassingka untu' ri wattu-wattu kammayami anne naniangkakko a'jari ratu!”

AYUB 15:15

Ba'lalo manna mae ri malaekaka tena todong Natappa' Allata'ala; tena natangkasa' ke'nanga ri paccini'Na.

AYUB 21:7

Angngapa natau ja'dalaka Nasare umuru' la'bu Allata'ala, siagang tulusu' katambang barang-baranna ke'nanga?

AYUB 24:23

Allata'ala assarei tallasa' salewangang, mingka tenammarina Najannangngi.

PAMMUJI 10:15

Kitepoki kakoasanna tu ja'dalaka siagang tu dorakaya; hukkungi ke'nanga lanri panggaukanna sa'genna jarra ke'nanga.

PAMMUJI 18:26

O, Batara, iKatte majarre' mae ri tau majarreka siagang baji' mae ri tau bajika.

PAMMUJI 25:3

Tu ta'baleka ri Katte lanipakasiriki, mingka tu tappaka ri Katte tena nalanipassalasa.

PAMMUJI 35:17

Sa'genna kemae wattu, o, Batara, sa'genna kemae wattu, Kicini'-cinikija' bawang? Kipasalama' laloa' battu ri pa'bakkana ke'nanga, Kipasalamaki nyawaku battu ri anjo singa-singaya.

PAMMUJI 35:22

Mingka iKatte, O, Batara, le'ba' anciniki; teaKi' a'mereki, o, Batara, teaKi' bellai battu ri nakke.

PAMMUJI 35:25

TeaKi' lappassangngi ke'nanga angkana ri pa'mai'na, “Sukkuru' maki', kale'ba'mi nipattaena nyawana. A'jarimi pattujunta!”

PAMMUJI 50:21

Iaminjo nugaukang, mingka a'merekijA' bawang, jari nupikkiri'mi angkana sangkammA' ikau. Mingka kamma-kamma anne Kucallako, na yangasenna anjo Kupa'nyatai mae ri kau.

PAMMUJI 50:3

Battui Allata'alata siagang talammantangai a'mereki, a'jappa rioloi ri pepe' a'lepa'-lepaka, nikulilingi ri angnging sannaka lompona.

PAMMUJI 73:3

saba' angngiri mata' mae ri tau tampoa, ri wattunna kucini' kaupakkanna tau ja'dalaka.

PAMMUJI 83:1

Pammujina Asaf: se're kelong-kelong.

YESAYA 21:2

Anggappa' pangngunju', nakucini' sikamma passala' lakajarianga, sannaka appakamalla'na; iamintu nikanaya sipa' a'bali' ballang siagang pammanrakia. Maju mako, pasukanna Elam, a'bakka mako! He, pasukanna Madai, kurummi! LaNapa'le'ba'mi Allata'ala sikontu kapa'risang passabakkang nagaukanga Babel.

YESAYA 24:16

Battu ri cappa'na buttaya lania' kalangngerang sa'ra kelong pammuji mae ri Israel, bansa mannurukia. Mingka inakke cilakama'! Inakke ta'ronanga'! Tau a'bali' ballanga tuli nagaukanna a'gau' bali' ballanga.

YESAYA 33:1

Cilakai sikamma musunta! Angngellaki ke'nanga, manna pole tena naniellaki, angngalle bokoi, manna pole tenaja nialle bokoi. Mingka le'baki ke'nanga angngella' siagang angngalle boko, kalenna ke'nanga laniella' siagang lanialle boko.

YESAYA 64:12

Kicini' ngasemmi anjo sikammaya, o Batara, maka erokKi' ammantang a'mereki? Maka laKibalang parekangi ikambe angkasiaki sessa dudua?

PIRAUNG 3:36

lanri nitunggengi kaadelanga, mattantu Naassengi siagang Naparhatikangi Batara.

HABAKUK 1:14

Angngapa rupataua naKikanai sangkamma juku' ri tamparang, siagang rapang kaluara tenaya pamimpinna?

ZAKHARIA 8:17

Teako appareki rancana ja'dala' mae ri parannu tau. Teako appasuluki sumpa a'balle-balle. INakke birisikka' mae ri balle-ballea siagang mae ri tenaya naadele' kammayatompa ri katerassanga.”

LAMPA-LAMPANA 2:23

Situru' ero' KalenNa, Natappukimi Allata'ala laNapassareang Isa Almasi mae ri kau ngaseng. Na ri wattunna nipassareang mae ri kau ngaseng, nuallemi nubuno, lanri nubalang parekanna nisalli' ri tau ja'dalaka.

PAOLE 23:15

“Punna nia' ata lari battu ri karaenna nampa battu mae ri kau appala' pa'la'langngang, teako suroi ammotere'.