GALATIA 4:9 - KITTA' MATANGKASA'

⁹ Mingka kamma-kamma anne nuassemmi Allata'ala; yareka bajikangangi punna nikana, Naasseng mako Allata'ala. Angngapa nanuero' ammotere' poleang mae ri roh-roh niaka lalang lino, lammaya siagang kasi-asia? Angngapa nuero' poleang nipare' ata ri roh-roh kammaya anjo?

GALATIA 4:9 ပူးပေါင်းရင်းမြစ်များ

1 KARAENG-KARAENG 8:43

poro battu ri pammantanganTa ri suruga Kipilangngeri pappala' doanna siagang Kiturukiangi pappala'na. Lanri kammana anjo nasikontu bansaya ri lino angngassengKi' siagang mannuruki ri Katte sangkamma ummatTa Israel. Lanaassengi ke'nanga angkanaya anne balla' kubangunga iami tampa' untu' assambayang mae ri Katte.

1 PATTOTTORANG 28:9

Nampa nakana Daud mae ri Salomo, “Anakku, parallui nuakui Allata'ala nasombaya manggenu, salaku Allata'alanu. Musti anynyombako mae ri Ia situlusu'na atinnu. Nasaba' Naasseng ngasengi sikontu pikkiranta siagang apa nakaerokia atinta. Punna nuboyai, lanubuntuluki, mingka punna nubokoi, laNasorongbokoko sa'genna satunggu-tungguna.

PAMMUJI 1:6

Saba' tu mannurukia niului siagang nijagai ri Batara, mingka tu ja'dalaka mangngolo mange ri possoka.

PAMMUJI 9:10

Batara pa'la'langanna tu nijallakkanga, tampa' pa'la'langanna ri wattu kasusaanga.

KALAPPASSANG 33:17

Nakanamo Batara ri Musa, “LaKuturukiangko pappala'nu, lanri Kuassengko siagang lanri nia'na pangngellaingKu mae ri kau.”

PANGNGEBARANG 2:5

Lanri kammana lanuassemmi angkanaya apa battuanna nikanaya malla' ri Batara, siagang lanugappami pangngassengang ri sesena Allata'ala.

YEREMIA 31:34

Tenamo naparallu se'rea tau ri ke'nanga langngajaraki paranna tau untu' angngassengi Batara. Nasaba' yangasenna ke'nanga, lompo ca'di, lanaasseng ngasengA'. LaKukaluppai kasalang-kasalanna ke'nanga, laKupammopporangi dosa-dosana ke'nanga. INakke, Batara, anne akkana.”

HABAKUK 2:14

Mingka rapang tamparang rassia siagang je'ne', buttaya lanipirassi tongi siagang pangngassengang ri sesena Batara siagang kakoasanNa.

MATIUS 11:27

Nampa Nakana Isa, “Yangaseng-ngasenna le'ba'mi Kipassareang mae ri Nakke. Tenanniakka manna sitau angngassengi AnatTa, pantaranganna iKatte. Tenanniakka todong angngassengKi', pantaranganna AnatTa, siagang sikamma tau le'baka Kupauang.

LUKAS 5:38

Anggoro' berua musti anjoreng tongi ri pammoneang berua niboli'.

YOHANES 10:14

INakkemi pakalawaki bajika. Sangkamma NaassengKu Manggea na Kuasseng todong Manggea, sangkamma tomminjo Kuassenna gimbalakKu ngaseng, na naasseng tongA' ke'nanga. Kupassareangi nyawaKu sollanna attallasa' ke'nanga.

YOHANES 10:27

GimbalakKu napilangngeri sa'rangKu. Kuassengi ke'nanga, namminawangi ke'nanga ri Nakke.

YOHANES 17:3

Iaminne katallassang mannannungang; sollanna naassengKi' taua Bapa', angkanaya tena ruanTa Allata'ala sitojennaya. Kammayatompa nanaasseng tongi Isa Almasi, iamintu Kisuroa battu antama' ri lino Bapa'.

ROMA 8:29

Sikamma tau le'baka Napile Allata'ala, le'ba' tommi nipattantu battu ri uru-uru memang untu' a'jari sangkamma ana'Na, iamintu Isa Almasi. Lanri kammana, iaminjo Isa Almasi a'jari ana' bungasa' mae ri sikamma sari'battanna ngaseng.

ROMA 8:3

Apa tenaya nakkulle nagaukang hukkung-hukkung agamaya, lanri lammana batangkalenta ikatte rupataua, iaminjo le'ba' Nagaukang Allata'ala. Le'ba'mi Nabeta Allata'ala koasana dosaya lalang ri sipa'na rupataua; iamintu lalang Nasurona battu Ana' KalenNa, le'bakamo battu sanrapang rupatau dorakaya, sollanna Natangkasi dosa-dosata.

1 KORINTUS 13:12

Anne apa nicinika ri kamma-kammaya anne, sanrapangi apa-apa nicinika lalang ri carammeng tenaya natangkasa'. Mingka sallang, lasingara' ngasengi nicini'na. Kamma-kamma anne tenapa kuasseng ngasengi apa-apaya; mingka sallang lasukkuki kuassenna, sangkamma sukku' Naassengku Allata'ala.

1 KORINTUS 15:34

Angngu'rangi mako ri kamma-kammaya anne, siagang tea' mako eroki pole a'gau' dosa. Siratanna musti a'jari siri'-sirikko lanri nia'na ija ri tangnga-tangnganu tau tenapa natappa' ri Allata'ala.

1 KORINTUS 8:3

Mingka inai-nai attojeng-tojeng mangngamaseang mae ri Allata'ala, iami niasseng baji' ri Allata'ala.

2 KORINTUS 11:20

Nubalang parekangi kalennu punna nipare' atako ri taua, yareka napaccokko siagang napassawalliko, kammayatompa nakana kalenna tinggiangangi na ikau, nampa barani antempaka'rangko!

2 KORINTUS 4:6

Nakana Allata'ala, “Nikellai ammumba singaraka battu lalang ri sassanga,” na KalenNa tommi Allata'ala ampamumbai anjo singaraka lalang ri atinta, sollanna a'jari singara' pikkiranta, nakkulle nipahang caya malompoNa Allata'ala niaka accaya ri rupanNa Almasi.

GALATIA 3:3

Angngapa nudongo' kamma! Appakkaramula mako attallasa' lalang ri katallassang berua siagang RohNa Allata'ala; angngapa naero' nuboya kasukkukanna siagang kagassingang kalennu?

GALATIA 4:3

Sangkamma tommi anjo mae ri katte. Ri wattu tenanapa natoa pikkiranta, nipare' ataki' ri roh-roh niaka ilalang ri anne linoa.

EFESUS 1:17

Kupalaki mae ri Allata'ala, Batarata Isa Almasi, Mangge mala'birika, sollannu Nasare RohNa. Iaminjo RohNa lampa'jari cara'dekko, siagang lampappiassengangi sa'genna nuasseng Allata'ala.

2 TIMOTIUS 2:19

Mingka anjo pammentengang makassa' le'baka Napare' Allata'ala takkulleai nipata'ge'goso'. Irateanganna nia' tattulisi' angkanaya, “Naassengi Batara sikamma taunNa,” siagang “Inai-nai nakana kalenna taunNa Batara, musti ammarimi anggaukangi gau' salaya”.

IBRANI 7:18

Jari, kamma-kamma anne nibokoimi paratorang salloa, lanri tena najarre' siagang tena matu-matunna.

2 PETRUS 2:20

Punna ta'lappasa'mo taua battu ri kakoasanna lino anra'massiai rupataua, lanri tappa'namo mae ri Batara siagang Mappasalamatta Isa Almasi, nampa nijarro' poleang sa'genna nibeta ri anjo kakoasanga, kajarianna lapila' panra'mi anjo taua na rioloangannaya.

1 YOHANES 5:20

Niassemmi angkanaya battumi Ana'Na Allata'ala siagang le'ba' maki' Napapahangngiang sollanta tappa' mae ri Allata'ala sitojennaya. Asse're maki' mae ri Allata'ala sitojennaya lalang ri katallassanta, kammayatompa asse're tommaki' mae ri Ana'Na, iamintu Isa Almasi. Iami Allata'ala sitojennaya, siagang Iami katallassang sitojennaya siagang mannannunganga.