Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




GALATIA 2:9 - KITTA' MATANGKASA'

9 Anjo Yakobus, Petrus, siagang Yohanes a'jari pamimpinga mae ri jama'ah-jama'aka; namangakui ke'nanga angkana ma'nassa Allata'ala assarea' anne jama-jamang matangkasaka. Jari assijamakkimi ke'nanga siagang Barnabas, na inakkemi a'jari pammateina anjo passari'battanganga. Nampa assamaturu' ngasemmo ke'nanga siagang ikambe angkanaya ikambemi lanjama ri tangnga-tangngana bansa-bansa maraenga, na ke'nanga lanjama ri tangnga-tangngana bansa Yahudia.

အခန်းကိုကြည့်ပါ။ ကော်ပီ




GALATIA 2:9
32 ပူးပေါင်းရင်းမြစ်များ  

Napannarrusu'mi lampana Yehu. Ri tangngana aganga niruppaimi ri Yonadab ana'na Rekhab. A'barisallammi Yehu ri ia siagang nakana, “Sai ikatte a'julu atiki'? Maka ero'jako agang mae ri nakke?” Appiali Yonadab angkana, “Iyo'.” Angkanami Yehu, “Punna kamma, umba kisita'gala' lima.” Jari assita'gala' limami ke'nanga, nampa nabantu Yonadab nai' antama' ri karetana,


Lanri kammana, siratangi nuasseng angkanaya, ikau mintu Petrus, batu makassaka. Iratemi ri tompo'na anne batu pa'dongkokanga laKupaenteng garejaKu, tenaya lambetai, manna pole kamateanga.


Jari Nakanamo Isa ri Petrus siagang Yohanes, “A'lampa mako ampasadiai kanre Paska lanikanrea.”


Nirurungammi Simon ri Andreas mae ri Isa. Nijanjammi Simon ri Isa, nampa akkuta'nang Isa angkana, “Ikau Simon, ana'na Yona. Lanigallarakko Kefas.” (Kefas sangkammai battuanna siagang Petrus, iamintu: bulu' batu.)


Nikodemi siagang lima ke'nanga ri Petrus, sollanna sannang ke'nanga. Nampa nacarita antekamma bateNa Batara angngerangi assulu' ri tarungkua. Nampa nakana, “Pabattumi anne kabaraka mae ri Yakobus siagang sikamma sari'battang maraengannaya.” Le'baki anjo, a'lampami Petrus ambokoi anjo tampaka, nampa mange ri tampa' maraenga.


Le'baki ke'nanga a'bicara, nakanamo Yakobus, “Sikamma sari'battangku! Pilangngeri sai anne kanangku.


Sanna' sallona ke'nanga sipa'bicara. Kala'busanna ammentemmi Petrus na nakana, “Sikamma sari'battangku ngaseng! Nuasseng ngasemmi angkanaya ri siapa are wattu allaloa Napilema' Allata'ala battu ri tangnga-tangnganu, untu' ampa'la'bangi anjo Kabara' Bajika mange ri bansa-bansa maraenga, sollanna nalangngere' todong siagang tappa' todong ke'nanga.


Kamma tomminjo nagaukanga Yusuf, sossorang battu ri Lewi, battu ri Siprus, nigallaraka Barnabas (battuanna Panynyaleori) ri tunisuroNa Allata'ala. Nabalukang tommi tanana, nampa napassareang ballinna mae ri sikamma tunisuroNa Allata'ala.


Lanri Iami anjo Isa Almasi, nakuNasaremo pangngamaseang Allata'ala, a'jari tunisuroNa. Sollanna, akkulle kupakala'biri' Almasi, siagang akkulle kururungang sikontu bansa-bansaya na'jari tappa' siagang mannuruki ri Allata'ala.


Le'ba'ma' Nasare passare malammoro'Na Allata'ala. Lanri kammanami anjo nakupakainga' ngasengko angkanaya: Teako pakatinggi dudui kalennu battu ri siratannaya. Parallui nupakatuna pa'mai'nu nampa nuparessa rolong kalennu; massing-massing tau parallui naparessa kalenna situru' pakkulle natarimaya battu ri Allata'ala lanri tappa'na ri Isa.


Mingka nia'ija apa-apa maraengang parallu kuterassi kupakaingakkangko anrinni ri suraka, situru' tugasa' Napassareanga Allata'ala mae ri nakke.


Mingka lanri pangngamaseanNa Allata'ala, nakunipa'jarimo sangkamma anne ri kamma-kammaya anne. Siagang tena nasia-sia pammopporanNa Allata'ala mae ri nakke. Ba'lalo inakkemi kaminang anjama terasa' ri sikamma tunisuroa. Mingka sikontutojenna anjo sikammaya teai usahaku; anjo usahaNa Allata'ala, mangngamaseanga mae ri nakke, siagang niaka angngaganga' sipanjamang.


Tena sikali nakurapang kalengku la'bi tunaangngang na anjo sikamma anjo “tunisuro” nukanaya sannaka heba'na!


A'gau' sanrapang tojemma' tau dongoka – mingka passabakkang ikaumi naku'jari kamma anjo. Sikontutojenna ikau ngasemmi siratang ampujia'. Nasaba' manna tena sikali anggarangku, mingka tena nakunibeta ri sikamma anjo suro balle-balle nukanaya sannaka porena!


Tanisuroai, nakalenna tonji ke'nanga ampala' dudui sollanna akkulle todong ke'nanga amminawang turu' ansarei sumbangang Umma'Na Allata'ala ri pa'rasangang Yudea.


Napappiassengammi Ana'Na Allata'ala mae ri nakke; sollanna akkulle kubirittakang anjo Kabara' Baji' ri sesena Ana'Na, mae ri bansa-bansa maraenga. Anjo wattua tena ku'lampa appala' pappitangara' manna ri nai.


Tallun taung ribokoanganna, a'lampama' mange ri Yerusalem, ero' assiasseng siagang Petrus. Ammantamma' siagang ia sampulo allima allonna.


Sampulo angngappa' taung ribokoanganna, ammotere'ma' mange ri Yerusalem siagang Barnabas, kammayatompa nakuerang todong Titus.


A'lampa' mange ri Yerusalem, nasaba' le'baka' Nasare pappiso'na Allata'ala, angkanaya musti a'lampa'. Na lalang se're passirapakkang siagang pamimping-pamimpinga anjoreng, kupakasingariammi ke'nanga anjo Kabara' Baji' le'baka kupabattu mae ri bansa-bansa maraenga. Nasaba' tena nakuero' punna a'jari sia-sia anjo usahaku riolo siagang ri kamma-kammaya anne.


Punna nia' tau nakana kalenna cara'de', mingka sikontutojenna tena apa-apa naasseng, anjo taua naballe-ballei kalenna.


Nibangung tommako irate ri batu le'baka napadongko' sikamma tunisuroNa Allata'ala siagang na'bi-na'biNa; nampa Isa Almasi a'jari sanrapang batu malompona anjo bangunanga.


Ri sikontu umma'Na Allata'ala, inakkemi anne kaminang tuna. Mingka Nasarema' Allata'ala anne pangngamaseanga: Iamintu jama-jamang untu' ambirittakangi mae ri bansa-bansa maraenga Kabara' Bajika, iamintu kakalumanynyanganNa Almasi tenaya la'busu'na;


Untu' yangasennami anjo passalaka nakuanjama terasa'mo. Usaha tojeng-tojemma' siagang sikontu pakkulle Napassareanga Almasi mae ri nakke; na anjo anjamaya lalang ri kalengku sanna' makoasana.


sollanna punna tenapa nakulinta' battu, nuasseng memammi angkana antekamma bateta musti attallasa' salaku ana'-ana'Na Allata'ala, iamintu jama'aNa Allata'ala mattallasaka. Iaminne jama'aka a'jari sanrapang benteng panjarrekinna siagang pattumpa'na katojengang battua ri Allata'ala.


Apa le'baka nacini' siagang nalangngere' ikambe, ia tomminjo nabirittakang ikambe mae ri kau ngaseng; sollannu amminawang todong siagang ikambe ampa'nyatai katallassang assiamaka, asse'rea siagang Manggea, kammayatompa asse're siagang Ana'Na iamintu Isa Almasi.


Ia ammetaya laKupa'jari sanrapang benteng lalanga ri Balla' Matangkasa'Na Allata'alaKu, siagang lammantammi ri anjo tampaka sa'genna satunggu-tungguna. LaKutulisiki ri kalenna anjo taua arenNa Allata'alaKu, siagang areng kotaNa Allata'alaKu – iamintu Yerusalem berua, iamintu niaka naung battu ri suruga, battu ri Allata'alaKu. Kammayatompa, laKutulisi' tongi areng beruKu mae ri kalenna ke'nanga.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ