GALATIA 2:4 - KITTA' MATANGKASA'

⁴ manna pole nakamma nia' siapa are tau ero' ansuro passai. Anjo ke'nanga tau antama' cokko-cokko ri golonganta, assara-sarai a'jari sari'battang siagang ikatte. Antama' cokko-cokkoi ke'nanga lanri eroki nasalidiki kabebasanta ikatte tau assileoka katallassanta lalang ri Isa Almasi. Eroki ke'nanga ampoterangki' ammotere' mange ri katallassanta riolo, a'jari ata.

GALATIA 2:4 ပူးပေါင်းရင်းမြစ်များ

PAMMUJI 119:45

Nakulabebasa' lalang tallasakku, lanri usahaku anturuki ajaranTa.

PAMMUJI 51:12

Pa'jarianga' ati maci'nong untu' inakke, o, Allata'ala, Kiberui atingku siagang sumanga' sa'bara'.

YESAYA 51:23

Anjo passessaya Kupabattui mae ri tau anjallakkangako, le'baka assuroko attinro naung ri buttaya, na naonjo'-onjokangko, rapangko agang naoloa tau.”

LUKAS 5:38

Anggoro' berua musti anjoreng tongi ri pammoneang berua niboli'.

LAMPA-LAMPANA 15:1

Nia'mo siapa are tu battu ri Yudea mange ri Antiokhia. Naajara'mi tau tappaka ri Antiokhia angkanaya takkulleai salama' ke'nanga, punna tena nanisunnaki ke'nanga situru' Napassuroanga Allata'ala, le'baka napangngajarrang Musa.

LAMPA-LAMPANA 15:24

Nia' kabara' nalangngere' ikambe angkanaya nia' siapa are tau battu ri kambe le'ba' mae ri kau ngaseng assareko pangngajarang sala, sa'gennu a'jari lussa' siagang lingu napakamma ke'nanga. Sikontutojenna teai ikambe assuroi anjo ke'nanga battu mae ri kau ngaseng anggaukangi anjo kammaya.

LAMPA-LAMPANA 20:30

Ba'lalo lania' tau battu ri tangnga-tangnganu tonji ambirittakangi biritta salaya. Lappanggaukang kammai anjo ke'nanga sollanna akkulle tau tappakamo ri Isa a'jari sala oloang, nampa amminawang ri ke'nanga.

ROMA 8:15

Nasaba' anjo Roh Napassareanga Allata'ala mae ri kau ngaseng, tena Napa'jari atako sa'gennu a'jari malla' lalang ri katallassannu. Passangalinna anjo RohNa Allata'ala ampa'jariko ana'-ana'Na Allata'ala. Siagang lanri koasaNa anjo RohNa Allata'ala akkulle maki' angkana ri Ia, “Manggeku, Manggeku!”

2 KORINTUS 11:13

Anjo tau kammaya sangnging suro a'balle-balle. Anjo ke'nanga sangnging pajama ero' apa'lingu-lingu tau, assara-saraia a'jari tunisuroNa Almasi.

2 KORINTUS 11:17

Eroki kupau sike'de' apa nakalompoanga pa'maikku. Mingka teai Batara assuroa' ampakalompoi anne pa'maikku. Anne a'bicara' sanrapang tojeng-tojeng tau dongoka.

2 KORINTUS 11:20

Nubalang parekangi kalennu punna nipare' atako ri taua, yareka napaccokko siagang napassawalliko, kammayatompa nakana kalenna tinggiangangi na ikau, nampa barani antempaka'rangko!

2 KORINTUS 11:26

A'mole-molema' andallekang bala ri pa'lampangku: andallekang bala a'ba lompo, bala paella', bala battu ri tu Yahudia yareka bansa-bansa maraenga, bala ri kotaya, bala ri pantarangang kota, bala ri tamparang kammayatompa bala battu ri tau nakanaya kalenna Karisteng nampa tenaja na Karisteng.

2 KORINTUS 3:17

Jari, nikanaya Batara anrinni iamintu Roh. Na kere-keremae nia' RohNa Batara, anjoremmi nia' kalappassang.

GALATIA 1:7

Sikontutojenna tena “kabara' baji' maraeng”. Mingka nia'naji bawang siapa are tau ambirittakangi mae ri kau “kabara' baji'” ri sesena Almasi, nanaputara' bale' anjo kabaraka sa'gennu nipa'jari lingu.

GALATIA 4:25

Jari, iaminjo Hagar sanrapang Bulu' Sinai, niaka ri butta Arab. Iami pangngebaranna kota Yerusalem siagang sikontu tuma'buttana, a'jaria ata kamma-kamma anne.

GALATIA 4:3

Sangkamma tommi anjo mae ri katte. Ri wattu tenanapa natoa pikkiranta, nipare' ataki' ri roh-roh niaka ilalang ri anne linoa.

GALATIA 5:1

Kamma-kamma anne bebasa' maki', lanri le'ba' maki' Nalappassang Almasi! Lanri kammana, attahang mako ri kabebasannu; teako ero' poleangngi nipa'jari ata.

GALATIA 5:10

Mingka manna nakamma, tappa' ija' angkanaya tena nulamminawang mae ri oloang maraenga, lanri asse'remi tallasatta siagang Almasi. Siagang tappa' tonga' angkanaya manna inai, punna nakacoi pikkirannu lanihukkungi ri Allata'ala.

2 TIMOTIUS 3:6

Nia'mo ke'nanga antama' cokko-cokko ri balla'na taua, nampa nanyonyo' baine-baine lammaya, sannaka jaina dosana siagang nikoasaia ri sangka' rupa kacinnang.

YAKOBUS 1:25

Anjo hukkunNa Allata'ala sukkuki siagang makoasai untu' ampakabebasaki rupataua. Na inai-nai ansalidiki siagang amparhatikang baji'-bajiki kammayatompa anggaukangi anjo hukkung-hukkunga, jari tena na nalangngere'ja bawang nampa nakuluppai, iami lanibarakkaki ri Allata'ala lalang sikontu apa-apa nagaukanga.

1 PETRUS 2:16

Paralluko a'jari tau bebasa' lalang katallassannu; mingka teako pakei anjo kabebasannu untu' antongkoki kaja'dallanga, passangalinna a'jari mako ata-atanNa Allata'ala lalang ri katallassannu.

2 PETRUS 2:19

Najanjimi taua kabebasang anjo guru-guru takontutojenga, nakalenna ke'nanga nipare' ata iji ri kabiasang ampanrakiai rupataua; nasaba' inai-nai nibeta battu ri se'reang apa-apa, iami nipare' ata battu ri anjo ambetayai.

1 YOHANES 4:1

Sikamma sari'battangku sannaka kukarimangnginna! Teako patappa' ngasengi tau nakanaya niaki RohNa Allata'ala ri kalenna; mingka pilajari rolong baji'-baji' sollanna akkulle nuasseng angkanaya roh battu kemae anjo niaka ri ke'nanga: Roh battuka ri Allata'ala yareka teai. Nasaba' kamma-kamma anne jai na'bi balle-balle a'jappa mange-mange.

YUDAS 1:4

Nasaba' tanisa'ringai na nia'mo siapa are tu kodi ateka' antama' ri tangnga-tangngata. Anjo ke'nanga sangnging tau panra'; naputara' baleki biritta pangngamaseanNa Allata'alata, sollanna akkulle anggappa kasampatang ke'nanga untu' anggaukangi ero' hawa napasuna. Taerokai ke'nanga antarimai Isa Almasi, Batara Makoasa tena ruanna. Battu riolo dudu iji nanipau la'bi riolo memammo lalang ri Kittaka hukkungang lanagappaya ke'nanga.