GALATIA 1:9 - KITTA' MATANGKASA'

⁹ Le'ba'mi kupau pirangalloang, nakamma-kamma anne sikalipi pole kupau angkanaya: Anjo tau ambirittakangai mae ri kau “kabara' baji'” simmaraenga siagang Kabara' Baji' le'baka nutarima battu ri kambe, anjo tau kammaya musti nihukkungi ri Allata'ala!

GALATIA 1:9 ပူးပေါင်းရင်းမြစ်များ

PANGNGEBARANG 30:6

Punna nutambai apa napaua, lanapasaileko siagang lanapa'nyatai angkana ikau paballe-balleko.”

YEREMIA 23:16

Mae ri pandudu'na Yerusalem, Nakana Batara Kaminang Koasaya, “Teako pilangngeri kana-kananna sikamma na'bia, tuli ampabattuangko panrannuang kosong bawang. Pikkirang napare' kalenna bawang ke'nanga anjo napabattua, teai pasangKu.

LAMPA-LAMPANA 18:23

Niaki siapa are sallona ammantang anjoreng. Le'baki anjo a'lampami angkunjungi jamaah-jamaah niaka ri daera Galatia siagang Frigia ero' ampakajarreki tappa'na sikontu anggota jama'aka.

ROMA 16:17

Sikamma sari'battangku ngaseng! Sanna' kupala'na mae ri kau ngaseng: tutuko mae ri tau eroka appasisala-sala siagang tau eroka angkacoi tappa'na taua mae ri Batara. Assisalai anjo kammaya siagang apa le'baka nipangngajarrang mae ri kau. Pakabellai kalennu battu ri tau kammaya anjo.

ROMA 9:3

passabakkang julu bansaku. Nasaba' untu' ike'nammi nakurella todong anggappa pangngalarroi battu ri Allata'ala siagang nisa'la' battu ri Isa Almasi.

2 KORINTUS 1:17

Mingka kupinrami anjo wattu pa'lampangku. Jari punna kamma, maka tena nattantu nawa-nawangku? Maka ero' kalengku pirangalloang ri wattunna kunawa-nawa eroka a'lampa, na uru-uruna kukana, “Iyo,” mingka sinampekang kukanaseng “Tena”?

PAOLE 12:32

Gaukang ngasengi sikontu apa kuparentakanga mae ri kau; teako tambai yareka teako kurangngi.

PAOLE 4:2

Anjo apa kuparentakanga, teako tambai yareka teako kurangngi manna sike'de'. Turuki sikamma parentaNa Karaeng Allata'alanu kupassareanga mae ri kau.

FILIPI 3:1

Jari, sari'battangku ngaseng, paralluko marannu lanri asse're mako siagang Batara. Tena nabattala' kusa'ring ampau poleangi apa le'baka kutulisi' mae ri kau riolo; nasaba' anjo bajiki untu' kasalamakkannu.

FILIPI 4:4

Poro tuli rannu ngasengi pa'mai'nu, lanri le'ba'numo asse're siagang Batara. Sikalipi pole kukana: rannu mako!