FILIPI 1:10 - KITTA' MATANGKASA'

¹⁰ sollanna akkulle nuasseng ampilei apa kaminang bajika natangkasa' katallassannu battu ri kakodianga siagang battu ri tuduhang apa-apa mamo punna narapi' sallang allo kabattuanNa ammotere' Almasi.

FILIPI 1:10 ပူးပေါင်းရင်းမြစ်များ

PA'JARIANG 20:5

Kalenna Abraham angkana andi'na anjo bainea, nampa kamma todong anjo kananna anjo bainea. Matangkasaki ati mailalangku anggaukangi anne passalaka, jari tena nakusala.”

AYUB 12:11

Sangkamma lilaku nangai nakasia' kanre nyamanga, kammaminjo tolingku nangai mappilangngeria kana-kana.

AYUB 34:3

Nakana taua, nyamangi kanrea punna nikanrei, nakana-kana cara'deka punna nipilangngeri.

MIKHA 3:2

mingka ba'lalo nukabirisi apa bajika, siagang sannangko mae ri kaja'dallanga. Nubi'bi' attallasaki bansaku, siagang nukereki dagenna battu ri buku-bukunna.

MATIUS 16:23

Mingka assailemi Isa ri Petrus nampa Nakana, “A'lampako anrinni, Setang! NualleA' nurompa-rompai. Antu pikkirannu, pikkirang rupatau; teai pikkiranNa Allata'ala!”

MATIUS 26:33

Nakanamo Petrus ri Isa, “Manna a'lampa ngaseng maraenganga ampilariKi', mingka inakke tena sikali kuero' ampilariKi'!”

YOHANES 1:47

Nacini'mi Isa nia' battu Natanael; na Napaumo passala' ri batangkalenna Natanael Nakana, “Ciniki, iaminjo tu Israel tojeng-tojenga. Tena apa-apa palassu lalang ri batangkalenna.”

YOHANES 3:20

Inai-nai a'gau' ja'dala', iami angkabirisi Singaraka; taerokai battu mae ri singaraka, sollanna tena nakacinikang panggaukang ja'dala'na.

LAMPA-LAMPANA 24:16

Iaminjo saba'na natuli kuusahai baji'-baji', sollanna tangkasa' atingku mae ri Allata'ala siagang tangkasa' mae ri parangku rupatau.

ROMA 12:2

Teako amminawangngi ri atorang-atoranna anne linoa. Boli'mi kamma na Allata'ala ampa'jari berui sipa'-sipa' niaka ri kalennu, sollannu akkulle tappinra. Lanri kammanapi anjo nampa akkulle nuasseng apa Nakaerokanga Allata'ala – iamintu apa nikanaya baji', siagang sukkuka ganna'na, kammayatompa nikarannuanga ri atinNa Allata'ala.

ROMA 12:9

Angngamaseangko siagang ci'nong pa'mai'. Musti nukabirisi gau' ja'dalaka, siagang anna'gala' jarrekko mae ri apa-apa bajika.

ROMA 16:17

Sikamma sari'battangku ngaseng! Sanna' kupala'na mae ri kau ngaseng: tutuko mae ri tau eroka appasisala-sala siagang tau eroka angkacoi tappa'na taua mae ri Batara. Assisalai anjo kammaya siagang apa le'baka nipangngajarrang mae ri kau. Pakabellai kalennu battu ri tau kammaya anjo.

ROMA 2:18

Anggappako pitunju'-pitunju' battu ri anjo hukkung-hukkunga, sa'genna nuasseng sikamma apa Nakaerokia Allata'ala, siagang nuassengi nupattantu angkana kereanga baji'.

ROMA 7:16

Jari, punna ia anjo apa-apa sisalaya siagang erokku kugaukang, battuanna kumangakuimi angkanaya annabai anjo hukkung-hukkung agama Yahudia.

ROMA 7:22

Atingku lalang nangai apa-apa Napassuroanga Allata'ala,

ROMA 8:7

Inai-nai nikoasai pikkiranna ri sipa'-sipa' ma'rupataua, iami assimusu siagang Allata'ala; nasaba' anjo taua tamannurukiai ri hukkung Napassuroanga Allata'ala; siagang tena memang todong nakkulle mannuruki ri hukkunNa Allata'ala.

1 KORINTUS 1:8

KalenNa Almasi ampakajarrekko sa'genna kala'busang, sollanna punna battu poleangi sallang, tena callanu narapikang.

1 KORINTUS 10:32

Bajikimi batenu attallasa', sollanna tena napassabakkang ikau na'gau' dosa tau maraenga; baji' na tu Yahudi yareka bansa maraenga, yareka anggota jama'aNa Allata'ala.

1 KORINTUS 8:13

Lanri kammana, punna passabakkang apa kukanrea nadoraka sari'battangku, tena sikalimo nakuero' angkanrei anjo dageng kammaya. Nasaba' gassingka passabakkang inakke nadoraka sari'battangku.

2 KORINTUS 1:12

Lompomi pa'mai'na ikambe lanri tappa'na ikambe, angkanaya sikamma apa nagaukanga ikambe ri anne linoa, la'biangampa pole nagaukanga ikambe mae ri kau ngaseng, akkullemi nagaukang ikambe siagang lambusu' pa'mai' kammayatompa ati maci'nong. Yangasenna anjo nagaukangi ikambe, teai lanri kacara'dekanna ikambe, mingka lanri pakkulle Napassareanga Allata'ala mae ri kambe.

2 KORINTUS 2:17

Ikambe tena kisangkamma taua, ampare' kammai danggangang biritta battua ri Allata'ala. Ikambe ci'nongi pattujunta, nasaba' Allata'ala assareki' jama-jamang. Siagang KalenNa Allata'ala anciniki angkanaya nipa'jari atanNami Isa kalenta ampabattui anjo birittaya.

2 KORINTUS 6:3

Taerokai ikambe angkanaya nibilang salai palayanang nagaukanga ikambe. Jari usahami ikambe sollanna tena manna sitau akkulle ampasalai jama-jamang nagaukanga ikambe.

2 KORINTUS 8:8

Tena nakuero' amparentakangi anne nakupauangko. Mingka eroki kupappicinikang mae ri kau antekamma attojeng-tojenna tau maraenga antulungi paranna tau. Na ero' tongi kuasseng angkanaya sa'ge kemae tongi bellana pangngamaseannu.

GALATIA 5:11

Na inakke, sari'battangku ngaseng, apa saba'na nakutuli nimusu punna kubirittakang angkanaya parallui anjo paratoranna sunnaka? Punna kamma memang anjo kubirittakanga, tenamo na'jari passala' punna kubirittakang anjo Salli'Na Almasi.

EFESUS 4:15

Tena lalo! Ba'lalo, musti nipa'nyatai katojenganga siagang ati mangngamaseang, sa'genna ilalang apa-apa mamo, pila' a'jari sukku' maki' sangkamma Almasi, a'jaria kapala mae ri katte.

EFESUS 5:10

Usahakammi nanuasseng apa Nakarannuanga pa'mai'Na Allata'ala.

EFESUS 5:27

Battu ri kammanami anjo naNapaenteng baji'mo siagang matangkasa'mo anjo jama'aka ri dallekanNa, tena sikali panra'na yareka tena sikali callanna manna sike'de'.

EFESUS 6:24

Poro Nabarakkaki ngasengko Allata'ala, ikau mangngamaseanga mae ri Batarata Isa Almasi, iamintu pangngamaseang tenaya nammari-mari rinrana. Sallangku, Paulus

FILIPI 1:16

Anne ke'nanga, lanri mangngamaseanna mae ri Allata'ala siagang mae ri nakke nanagaukang anjo jamanga; nasaba' naassengi ke'nanga angkanaya Allata'ala le'ba' assuroa' untu' ampa'nyatai angkanaya ma'nassa kontutojengi anjo Kabara' Bajika.

FILIPI 1:6

KalenNa Allata'ala le'ba' ampakaramulai anne jama-jamang bajika ri kau; na tappaka' angkanaya Ia tommi lampannarrusuki anjo jama-jamanga sa'genna le'ba' ri Allo kabattuanNa ammotere' Isa Almasi.

1 TESALONIKA 3:13

Lanri kammana, akkullemi Napakajarre' Batara pa'mai'nu, sa'gennu matangkasa' siagang tena callannu ri dallekanNa Allata'ala Manggeta, punna battu poleang sallang Batara Isa a'rurung siagang sikontu taunNa ngaseng.

1 TESALONIKA 5:21

Yangaseng-ngasenna parallui nuparessa baji'; ia bajika parallui nuturuki.

1 TESALONIKA 5:23

Poro KalenNa Allata'ala, assareaki' kasalewangang, ampa'jariko tau attojeng-tojenga attallasa' untu' Allata'ala bawang. Poro Allata'ala anjagai sikontu batangkalennu, baji' roh, nyawa, yareka tubunu; sa'genna tena callannu sallang ri wattunna battu poleang Batarata Isa Almasi.

YOSUA 24:14

Nakanamo pole Yosua, “Jari, kamma-kamma anne pakala'biriki Batara. Anynyombako mae ri Ia silambusu'na pa'mai'nu siagang pa'mai' tamamminraya. Pakabellai rewata-rewata nasombaya riolo boe-boenu ri Mesopotamia siagang ri Mesir. Anynyombako ri Batara bawang.

1 YOHANES 4:1

Sikamma sari'battangku sannaka kukarimangnginna! Teako patappa' ngasengi tau nakanaya niaki RohNa Allata'ala ri kalenna; mingka pilajari rolong baji'-baji' sollanna akkulle nuasseng angkanaya roh battu kemae anjo niaka ri ke'nanga: Roh battuka ri Allata'ala yareka teai. Nasaba' kamma-kamma anne jai na'bi balle-balle a'jappa mange-mange.

PAPPICINI' 2:2

Kuassengi apa nugaukanga ngaseng: anjama terasakko, siagang teai sipato' sa'bara'nu. Kuassengi angkanaya taerokako assarei pa'mai' tau ja'dalaka. Na anjo sikamma tau nakanaya kalenna tunisuroNa Allata'ala, nasikontutojenna teai, le'ba'mi nuparessa baji'; na nuasseng ngasemmo angkanaya anjo ke'nanga sangnging tau paballe-balle.