FILEMON 1:24 - KITTA' MATANGKASA'

²⁴ Tarima tommi sallanna agangku ngaseng iamintu: Markus, Aristarkhus, Demas siagang Lukas.

FILEMON 1:24 ပူးပေါင်းရင်းမြစ်များ

LAMPA-LAMPANA 12:12

Naassennamo Petrus anjo passalaka, a'lampami Petrus mange ri balla'na Maria, amma'naya Yohanes, nigallaraka todong Markus. Anjoreng jai tau a'rappungang appala' doang.

LAMPA-LAMPANA 12:25

Le'ba'namo nagaukang jama-jamanna Barnabas siagang Saulus, a'lampami ke'nanga ambokoi Yerusalem. Naerang tommi ke'nanga Yohanes Markus.

LAMPA-LAMPANA 13:13

Battu ri Pafos, assombala'mi Paulus siagang agang-aganna mange ri Perga, daera Pamfilia. Battuna mange anjoreng a'lampami Yohanes Markus ambokoi ke'nanga, ammotere' mange ri Yerusalem.

LAMPA-LAMPANA 19:29

A'la'bammi anjo karicuanga sa'genna ri sikontu kotaya. Nampa mangemi anjo kumpulanna tau apparicua anjakkalaki Gayus siagang Aristarkhus. Nasaba' iaminjo tau anrurungangi Paulus battu ri Makedonia lalang ri pa'lampanna. Nare'resammi ke'nanga anjo tau ruaya mange ri tampa' luara'na anjo kotaya.

LAMPA-LAMPANA 27:2

Nai' maki' ri kappalaka ri Adramitium nampa a'lampa maki' assombala'. Anjo kappalaka eroki assombala' mange ri sikamma palabuhang niaka ri daera Asia. Nia' tongi Aristarkhus angngagangki' irate ri anjo kappalaka. Anne Aristarkhus tau battu ri Makedonia.

2 KORINTUS 8:23

Na passala'na Titus, iami agang bajikku, kuaganga sipanjama-jamang ambantu ngasengko. Kammayatompa anjo sari'battanga ruaya, niaka anrurungangi Titus, iami ke'nanga tau nisuroa ri sikamma jama'aka, siagang nikarannuanga untu' Almasi.

FILIPI 2:25

Ri passala'na sari'battanta Epafroditus, le'baka nusuro battu ambantua', parallui kusuro ammotere' mae ri kau. Le'ba'ma' nabantu lalang ri jama-jamangku siagang usahaku.

FILIPI 4:3

Kupala' tongi mae ri sikamma bela majarrekku, sollanna nubantu anjo baine ruaya. Le'ba'mi ke'nanga anjama terasa' siagang inakke untu' ambirittakangi Kabara' Baji' battua ri Allata'ala; sangkamma Klemen siagang sikamma sari'battang maraengannaya kuaganga ngaseng sipanjamang. Nia'mi areng-arenna ke'nanga tattulisi' lalang ri Kitta'na Tau Attallasaka.

KOLOSE 4:10

Aristarkhus, niaka kuagang anrinni ri tarungkua, akkiringi sallang mae ri kau ngaseng. Kammayatompa Markus, sampu sikalinna Barnabas. (Le'ba' mako nisare kabara' sollanna nuruppai siagang nutarima bajiki punna battu mae ri kau.)

KOLOSE 4:14

Dottoro' Lukas, nikarimangngia, siagang Demas, akkiring tongi sallang mae ri kau ngaseng.

1 PETRUS 5:13

Sikamma paranta anggota jama'ah ri Babilon, nipilea todong ri Allata'ala, akkiringi sallang mae ri kau ngaseng. Kammayatompa anakku Markus, sannaka kukarimangnginna, akkiring tongi sallang.

3 YOHANES 1:8

Lanri kammana, ikatte tu Karistenga musti nitulungi paranta tu Karisteng kammaya anjo, sollanta akkulle amminawang turu' lalang ri usahana ke'nanga, iamintu untu' ampa'la'bangi biritta tojeng battua ri Allata'ala.