EZRA 9:9 - KITTA' MATANGKASA'

⁹ Ri wattunna ikambe nipare' ata, tena Kibokoi ikambe. IKatte ampagilingi nyawana sikamma karaeng Persia, sa'genna mangngamaseang ke'nanga mae ri kambe, nampa nasare ising ikambe untu' attallasa' siagang ambangungi ammotere' Balla' Passambayanganga mae ri Katte, ia a'jariamo rumbangngang ancuru'. Kijagai ikambe anrinni, ri Yehuda siagang Yerusalem.

EZRA 9:9 ပူးပေါင်းရင်းမြစ်များ

EZRA 2:68

Ri wattunna battu sikamma anjo tunipelaka mange ri Balla'Na Batara ri Yerusalem, siapa are pamimping golongang assare passare untu' ambangungi ammotere' Balla'Na Batara.

EZRA 7:6

Anjo Ezra tau tinggi pangngassenganna siagang jai pangngassenna ri sesena Hukkung Napassareanga Batara, Allata'alana Israel mae ri Musa. Lanri nibarakkakinna Ezra ri Karaeng Allata'alana, jari nisareammi ri karaenga sikamma napalaka. Ri taung makatuju wattu pamarentahanna Karaeng Artahsasta, a'lampami Ezra battu ri Babel mange ri Yerusalem siagang se're rombongang tu Israel; siapa are imang, tu Lewi, pakelong, pajaga pakke'bu' lompona Balla'Na Batara ri Yerusalem, siagang sikamma pajama-jamaya.

EZRA 7:8

Nabokoi ke'nanga Babel tanggala' se're bulang se're. Nitulungi ke'nanga ri Allata'ala, sa'genna battumo ke'nanga mange ri Yerusalem ri tanggala' se're bulang lima.

EZRA 9:10

Mingka kamma-kamma anne o Karaeng Allata'ala, ri le'ba'na ngasemmo kajarianga, apami lakkulle nakana ikambe? Le'ba'mi pole nabalang parekang ikambe sikamma parentaTa,

NEHEMIA 2:17

Mingka kale'bakkanna kukanamo ri ke'nanga, “Cini' minne antekamma sessana tallasatta! Kota Yerusalem ammantang mami sesa-sesa rumbangngang kammayatompa sikamma pakke'bu' lompona la'busu'mi nakanre pepe'. Umba nanibangungi ammotere' sikamma tembo' kalli'na kota Yerusalem, sollanna tenamo nanahinaki' taua.”

NEHEMIA 9:17

Tamannurukiai ke'nanga, nakaluppai sikontu kabajikanTa, tenai ri pangngu'ranginna sikamma gau' mappakalannasatTa. Tampomi ke'nanga ammile sitau pamimping, untu' angngerangi ke'nanga ri Mesir, ammotere' a'jari ata. Mingka iKatte Allata'ala mangngai mappammopporang, sarro sa'bara', lammoro' pa'mai', sukku' pangngamaseang. Teai sipato' heba'na pangngamaseanTa; tena naKibokoi ke'nanga.

PAMMUJI 109:12

Teako niakki baji' pa'mai' mae ri ia, yareka angkamaseangi ana'-ana' nabokoia.

PAMMUJI 138:7

Wattungku nituju ri kasusaang, Kipartahangkangi tallasakku. Kiewai musungku sitabanga a'jallo' nampa Kipasalamaka' siagang koasaTa.

YESAYA 14:3

LaNapata'lappasaki Batara bansa Israel battu ri kapa'risanga siagang kasessanga, siagang battu ri jama-jamang battala' nipassaya mae ri ke'nanga.

YESAYA 5:2

Nabingkungi buttana, na napela' batu-batunna. Nalamungi anggoro' nipile nambangung balla' tinggi pa'jagang. Angngekei se're kali'bong tampa' pammaccokang anggoro'na, nampa attayang rappo ti'noka, mingka kacci wassele' rappo anggoro'na.

YESAYA 5:5

Kammaminne laKugaukang ri anjo koko anggorokKu: LaKubi'buki kalli'na angkulilingiai, laKurumbangi tembo' niaka angkalliki, nampa Kubalang parekang napanraki olo'-olo' sekke' siagang naonjo'-onjokang.

YESAYA 61:4

Lanabangungi ke'nanga kota-kota salloamo runtung nappaenteng tampa'-tampa' salloamo sino.

YEHEZKIEL 11:16

Lanri kammana anjo, pabattui anne pasangKu mae ri agang-agannu nipelaka, angkana iNakke angngerangi ke'nanga a'lampa bella ri alla'na bansa-bansaya siagang ampasiaraki ke'nanga ri anjo sikamma pa'rasanganga. Mingka lalang nia'na ke'nanga anjoreng, iNakke lanrurungangi ke'nanga.

DANIEL 9:25

Cataki siagang pahangi anne: Lallaloi pintuju tattuju taung, appakkaramula ri wattu nipasulu'na parentaya untu' ambangungi ammotere' Yerusalem, sa'genna battu sitau pamimping Napilea Allata'ala. Lalang pintuju ta'annampulo anrua taung, lanibangungi ammotere' agang-aganga siagang pa'balla'-ballakanna Yerusalem, mingka anjo wattua teai sipato' sukkara'na.

HAGAI 1:9

Manrannuangko wassele' jai, mingka kale'bakkanna sike'de' duduji nugappa; nuerangi ammotere', mingka Kutuiki anjo erang polenu, sa'genna cappu' niri'bakang ri anging. Angngapa naKugaukang anjo kammaya? Saba'na iamintu: Lanri anjo BallakKu ammantanginji kamma tambungang loro, nampa a'gassingang ngasengko massing ambangungi balla' kalennu.

ZAKHARIA 2:5

Le'baki a'janji Batara angkanaya Ia KalenNa la'jari tembo' pepe' antammulili anjo kotaya untu' alla'langngi. Siagang Ia lammantang anjoreng lalang sikontu koasa siagang kalompoanNa.”