EZRA 8:33 - KITTA' MATANGKASA'

³³ Nampa ri maka patangallona a'lampami ikambe mange ri Balla'Na Batara. Natimbammi ikambe anjo peraka, bulaenga, siagang sikamma anjo pakkakasaka. Le'baki anjo napassareammi ikambe yangasenna anjo mae ri Imang Meremot ana'na Uria, nisa'bi ri Eleazar ana'na Pinehas siagang rua tu Lewi iamintu Yozabad ana'na Yesua siagang Noaja ana'na Binui.

EZRA 8:33 ပူးပေါင်းရင်းမြစ်များ

EZRA 10:23

Tu Lewia: Yozabad, Simei, Kelaya (niareng tongi Kelita), Petahya, Yuda, siagang Eliezer.

EZRA 2:40

Golongang kaluargana Lewi ammotereka battu ri pa'rasangang pammelakkanga iamintu: Yesua siagang Kadmiel (turunganna Hodawya) – 74 tau Sikamma pakelonga ri Balla'Na Batara ri Yerusalem (turunganna Asaf) – 128 tau Pajaga pakke'bu' lompona Balla'Na Batara ri Yerusalem (turunganna Salum, Ater, Talmon, Akub, Hatita, Sobai) – 139 tau

EZRA 8:25

Nampa kutimbang untu' ke'nanga pera', bulaeng, siagang pakkakasa'-pakkakasa' le'baka nasumbangkang karaenga, sikamma tumailalanga, kammayatompa sikontu tu Israel, untu' nipake lalang ri Balla'Na Batara ri Yerusalem. Yangasenna anjo kupassareangi mae ri sikamma anjo imanga.

EZRA 8:26

Iaminne dattara'na sikamma anjo sumbanganga: pera' – 22 tong battala'na 100 pakkakasa' pera' – 70 kilo battala'na bulaeng – 3.400 kilo battala'na 20 mangko' bulaeng – 8,4 kilo battala'na 2 mangko' tambaga sannaka ga'gana, sangkammai anggaranna mangko' bulaeng.

EZRA 8:29

Katutui bajiki anjo barang-baranga sa'genna battu mange ri Balla'Na Batara. Punna battu mako mange anjoreng, musti nutimbangi anjo barang-baranga, nampa nupassareang mae ri sikamma imang kapalaya siagang pamimping-pamimpinna tu Lewia, kammayatompa pamimping-pamimping tu Israel ri Yerusalem.”

EZRA 8:30

Nampa natarimamo sikamma imanga siagang tu Lewia anjo peraka, bulaenga, siagang anjo sikamma pakkakasaka untu' naerang ke'nanga mange ri Yerusalem.

EZRA 8:34

Sikontu anjo baranga nirekengi siagang nitimbangi, nampa nicata' ngaseng.

NEHEMIA 10:9

Tu Lewi Yesua ana'na Azanya, Binui turungang golongang Henadad, Kadmiel, Sebanya, Hodia, Kelita, Pelaya, Hanan, Mikha, Rehob, Hasabya, Zakur, Serebya, Sebanya, Hodia, Bani, siagang Beninu.

NEHEMIA 8:7

Le'baki anjo ambangummi nai' nampa massing ammenteng ngaseng ke'nanga ri tampa'na, nampa lalanna anjo nia'mo siapa are jaina tu Lewi ampakasingaraki battuanna anjo Hukkunga mae ri ke'nanga. Sikamma anjo tu Lewia iamintu: Yesua, Bani, Serebya, Yamin, Akub, Sabetai, Hodia, Maaseya, Kelita, Azarya, Yozabad, Hanan, siagang Pelaya.