EZRA 8:28 - KITTA' MATANGKASA'

²⁸ Nampa kukanamo ri sikamma anjo imanga, “Nisa'la' ngasengko untu' Batara, Allata'ala nisombaya ri boe-boeta. Kammayatompa sikontu anjo pakkakasa' bulaeng siagang pera' nisumbangkanga untu' Batara, nisa'laki untu' Batara.

EZRA 8:28 ပူးပေါင်းရင်းမြစ်များ

1 PATTOTTORANG 23:28

Musti nabantui imang-imang turunganna Harun lalang anggaukangi pa'gaukang sambayanga lalang ri Balla'Na Batara, amparakai parang lakkenna siagang sikamma kamaraka lalang ri anjo Balla'Na Batara, siagang sollanna yangasenna apa-apa le'bakamo nipa'jari tangkasa' untu' Batara tena na'jari ra'masa'.

1 PATTOTTORANG 26:20

Tumaraengannaya lalang ri suku Lewi nisarei tanggong jawa' mae ri barang-barang niaka lalang ri Balla'Na Batara, siagang mae ri gudang tampa' pammolikang sikamma apa-apa lanipassareanga mae ri Allata'ala.

2 PATTOTTORANG 24:14

Ri wattunna le'ba'mo anjo jama-jamanga, sikamma bulaenga siagang peraka niaka tassesa nipassareangi mae ri karaenga siagang Yoyada. Nampa nipake anjo bulaenga siagang peraka untu' appare' pakkakasa'-pakkakasa' untu' Balla'Na Batara, kammayami: pakkakasa' untu' upacara panynyombang, untu' koro'bang nitunu, panne-panne untu' dupa, siagang mangko'-mangko'. Lalang attallasa'na ija Imang Yoyada, tulusu' nipassareangiji koro'bang nitunua ri Balla'Na Batara.

KALAPPASSANG 35:29

Sikontu tu Israelka massing naerammi passarena ke'nanga siagang ati maci'nonna mae ri Batara untu' jama-jamang Naparentakanga Batara tete ri Musa.

YESAYA 52:11

A'lampamako! Bokoi kota Babel, he ikau ngaseng angngerangai pakkasa'na Balla'Na Allata'ala! Teako seroi barang ra'masaka; tangkasi kalennu ri tenanapa nu'lampa.

PAOLE 33:8

Ri sesena suku Lewi nakana: “Lanri Urim siagang Tumim na'nyata erotTa, tete ri tu Lewi, ata tamamminraTa. Kiso'ri ke'nanga ri Masa, a'gea' siagang ke'nanga ri bungung Meriba.