EZRA 8:21 - KITTA' MATANGKASA'

²¹ Nampa kupa'la'bammo kupau anjoreng ri biring Binanga Ahawa angkana sikontu taua musti appuasai siagang napakatunai kalenna ri dallekanNa Allata'ala. Appala' doammi ikambe sollanna nipimping ikambe ri Allata'ala lalang ri anjo pa'jappanga, siagang Najagai ikambe, ana'-ana'na ikambe, siagang sikontu barang-baranna ikambe.

EZRA 8:21 ပူးပေါင်းရင်းမြစ်များ

2 PATTOTTORANG 20:3

A'jari malla'mi Yosafat nampa appala' doang untu' appala' pangngunju' battu ri Batara. Nampa naparentakang sollanna appuasa kabusu' sikontu ra'yaka.

2 PATTOTTORANG 20:4

Battu ri sikontu kota niaka ri Yehuda nia' taua battu mange ri Yerusalem untu' appala' tulung mae ri Batara.

EZRA 8:15

Sikontu anjo kalompoka kupa'rappungangi ri biring binangaya, assolong mangea ri kota Ahawa. Nampa akkema ikambe anjoreng tallungallo sallona. Le'baki kuparessa, kuassemmi angkana nia' siapa are imang ri alla'na ke'nanga, mingka manna sitau tania' battu ri suku Lewi.

EZRA 8:31

Ri tanggala' sampulo anrua bulang makase're, a'lampami ikambe ambokoi Binanga Ahawa mange ri Yerusalem. Lalang ri pa'jappanna ikambe, nijagaimi ikambe ri Allata'alana ikambe battu ri bundu'na siagang pangngadanna musua.

NEHEMIA 9:1

Ri tanggala' ruampulo angngappa' anjo todong bulanga, a'rappungammi ra'ya' Israel. Appuasai ke'nanga untu' pammatei ri assesse' lalanna lanri dosa-dosana ke'nanga. Nasa'la'mi kalenna ke'nanga battu ri bansa-bansa maraenga. Untu' a'jari pammatei ri si'nana pa'mai'na ke'nanga, ammakemi ke'nanga kaeng karung siagang nakiorimi butta ulunna ke'nanga. Nampa ammenteng siagang namangakui dosana ke'nanga siagang dosana boe-boena ke'nanga.

ESTER 4:16

“Passe'rei sikontu tu Yahudi niaka ri kota Susan untu' ampappala' doanganga'. Teako angnganrei siagang teako angnginungi lalang tallungallo tallumbangngi. Inakke kalengku siagang sikamma tulolo palayangku lappuasa ngaseng tonga'. Le'baki anjo, erokka' mange andallekang ri karaenga, manna nakudakkai undang-undanga. Punna padeng musti matea' passabakkang anjo, boli'mi kamma nakumate!”

PAMMUJI 137:1

Ri birinna binanga-binanga Babel ammempo angngarru' ikambe punna niu'rangi Sion.

PAMMUJI 5:8

Mingka lanri lompona pangngamaseanTa, kukkulle antama ri Balla' SambayanTa. Kusu'ju mange ri Balla' Sambayang matangkasatTa, nakusombaKi' ri pa'mai' mailalang.

PAMMUJI 5:9

O, Batara, tamaka jaina musungku! Renrenga' untu' anggaukangi erotTa, naKipicinikianga' oloang mustia kuolo.

PAMMUJI 8:2

O, Batara, Allata'alana ikambe, masahoroki koasaTa ri sikontu linoa! KalompoanTa natompoki langika

PANGNGEBARANG 3:6

Angngu'rangiko mae ri Batara lalang sikontu apa nugaukanga, na Iami lampicinikiangko nikanaya carana attallasa' bajika.

YESAYA 30:21

Punna ammengkako battu ri oloanga, lanulangngereki battu ri boko sa'ranNa angkana, “Anne oloanga; anne nupinawang.”

YESAYA 35:8

Anjoreng lania' agang lompo, “Oloang mangea ri kasalamakkang” arenna. Tau dorakaya talammaloai anjoreng, tau toloa talanapa'linguai tau angngoloa anjoreng.

YESAYA 42:16

BansaKu butaya laKurenrengi angngolo rioloang tenaya naassengi ke'nanga; laKurenrengi ke'nanga ri agang tenaya naassengi ke'nanga. Sassanga Kupa'jari singaraki mae ri ke'nanga, na oloang a'buttu-buttua Kulappari. Iaminjo laKugaukang mae ri ke'nanga, siagang attantumi laKugaukanna.

YESAYA 49:10

Tena nalaturere yareka cipuru' ke'nanga, siagang talanitujuai ri bambang allo ri parang lompoa. Saba' iNakke ansayangi ke'nanga, lanrurungangi ke'nanga, siagang langngerangi ke'nanga mange ri sikamma timbuseng je'neka.

YESAYA 58:3

Akkuta'nangi anjo bansaya angkana, “Apa matu-matunta taua appuasa punna tena Naciniki Batara? Apa matu-matunta nipakatuna kalenta punna tena Naparhatikangki'?” Nakanamo Batara, “Sikontutojenna, lalang appuasanu, nuboyami kaparalluang kalennu na nupacco' sikamma tungnganre gajinu.

YESAYA 58:5

Punna appuasako, nusessai kalennu; nupadundui ulunnu rapang ruku' ta'layuka. Akka'rangko kaeng karung nampa nukiori au, nampa attinroko rateanna. Iakaminjo nukanaya appuasa? Nukapangi angkana sannangi nyawaKu ancini' anjo panggaukang kammaya?

YEREMIA 10:23

Batara, kuassengi angkanaya tena manna sitau makoasa ampattantui sarenna yareka allewai oloang tallasa'na.

YEREMIA 42:3

sollanna Napicinikiangi Karaeng Allata'ala ikambe angkana kemae musti a'lampa siagang apa musti nagaukang ikambe.”

DANIEL 9:3

Nampa attojeng-tojemma' appala' doang mae ri Karaeng Allata'ala, na kupala' pangngamaseanNa. Appuasama' siagang ammakema' pakeang karung nampa ammempo irate ri aua.

YO"EL 1:14

Parentakangi umma'nu untu' appuasa, pappiassengangi passibuntulang lompoa! Kioki sikamma pamimpinga siagang tutoa-toaya, kammayatompa sikontu pandudu'na Yehuda, sollanna battu mae ri Balla'Na Allata'ala, untu' akkio' appala' tulung mae ri Ia.

KAIMANGNGANG 16:29

Anne paratorang-paratoranga musti nituruki sa'genna satunggu-tungguna. Ri tanggala' sampulo bulang tuju, tu Israel siagang bansa maraeng ammantang tulia ri alla'na ke'nanga musti appuasai siagang tanipa'biangai anjama, nasaba' anjo alloa iamintu allo teai sipato' matangkasa'na. Anjo alloa musti nigaukangi upacaraya untu' antangkasi bansa Israel battu ri sikontu dosana ke'nanga sollanna a'jari matangkasa'.

KAIMANGNGANG 23:29

Inai-nai angnganre apa-apa anjo alloa, tenamo nanibilangi umma'Na Allata'ala.

YUNUS 3:5

Tappaki pandudu'na Niniwe ri anjo pasanNa Allata'ala. Sikontu ra'yaka napattantumi untu' appuasa, na sikontu taua, lompo ca'di, ammake kabusu' kaeng karung untu' ampa'nassai angkanaya assesse' lalang kabusuki ri dosana ke'nanga.

YUNUS 3:7

Napasiara' tommi anne parentaya angkana, “Anne parentaya nipasuluki ri Niniwe battu ri kaputusanna karaenga siagang sikamma tumailalanga: Sikontu taua, sapia, gimbalaka siagang olo'-olo' maraengannaya tanipa'biangngai angnganre siagang angnginung.

PAMMILANGNGANG 14:3

Untu' apa naNaerangki' Batara mange anjoreng ri pa'rasanganga? Mateki' sallang lalang pa'bundukanga nampa nijakkala' sikamma bainenta siagang ana'-anatta. Sai bajikangngangi ammotereka mange ri Mesir!”

PAMMILANGNGANG 14:31

Le'baki nupau angkanaya lanijakkalaki ana'-ana'nu. Mingka iami anjo ke'nanga laKuerang antama' ri anjo pa'rasangang nutollaka, nampa anjo pa'rasanganga la'jari butta passolongang cera'nami ke'nanga.

LAMPA-LAMPANA 2:39

Nasaba' anjo Napa'janjianga Allata'ala untu' ikau ngaseng siagang sossorannu, kammayatompa untu' tau battua ri pammantangang bellaya – iamintu sikontu tau Nakioka Allata'ala Batarata battu mae ri Ia.”

HAKING-HAKING 20:26

Jari a'lampami pole umma' Israel mange ri Betel nampa angngarru' mae ri Batara. Anjoreng appuasai ke'nanga sa'genna bangngi siagang assarei koro'bang passiamakkang na koro'bang nitunu mae ri Batara.

1 SAMUEL 7:6

A'rappungang ngasemmi ke'nanga ri Mizpa. Anynye'ro'mi ke'nanga je'ne' nampa napatiri' salaku passare mae ri Batara, nampa appuasa ke'nanga siallo kabusu', anjo alloa. Nakanamo ke'nanga, “Dorakami ikambe mae ri Batara.” (Anjoremmi ri anjo Mizpa napakaramulai Samuel ampakabajiki sikamma parkara passisala-pasalanga ri tu Israel.)