EZRA 8:18 - KITTA' MATANGKASA'

¹⁸ Lanri kabajikang pa'mai'Na Allata'ala, nakirimmi ke'nanga mae ri kambe iamintu Serebya, se're tu Lewi sannaka cara'de'na battu ri golongang Mahli. Nia' tommi naagang battu ana'-ana'na siagang siapa are sari'battanna. Yangasenna ke'nanga nia' 18 tau jaina.

EZRA 8:18 ပူးပေါင်းရင်းမြစ်များ

1 PATTOTTORANG 6:1

Lewi nia' tallu ana'na bura'ne, iamintu: Gerson, Kehat, siagang Merari.

1 PATTOTTORANG 6:19

Ana'-ana'na Merari iamintu: Mahli siagang Musi.

1 PATTOTTORANG 6:4

Pattottorang battua ri Eleazar iamintu: Pinehas, Abisua,

2 PATTOTTORANG 30:22

Teai sipato' cara'de'na anjo tu Lewia ampimpingi anjo panynyombanga mae ri Batara, sa'genna nipalece ke'nanga ri Hizkia. Le'baki tuju allo sallona ke'nanga angkasiaki kanre-kanreang battua ri anjo passua'-suarranga kammayatompa ampassareangi koro'banga untu' appala' sukkuru' mae ri Batara, Allata'alana boe-boena ke'nanga,

EZRA 7:28

Lanri pannulunNa Allata'ala nanangaia' karaenga, sikamma tumailalanga siagang sikamma anjo tu ammarentaya; Nasarema' sumanga' Karaeng Allata'alaku, sa'gengku akkulle ampagioki sikamma anjo jaina kapala golongang Israel untu' ammotere' mange ri Yerusalem.”

EZRA 7:6

Anjo Ezra tau tinggi pangngassenganna siagang jai pangngassenna ri sesena Hukkung Napassareanga Batara, Allata'alana Israel mae ri Musa. Lanri nibarakkakinna Ezra ri Karaeng Allata'alana, jari nisareammi ri karaenga sikamma napalaka. Ri taung makatuju wattu pamarentahanna Karaeng Artahsasta, a'lampami Ezra battu ri Babel mange ri Yerusalem siagang se're rombongang tu Israel; siapa are imang, tu Lewi, pakelong, pajaga pakke'bu' lompona Balla'Na Batara ri Yerusalem, siagang sikamma pajama-jamaya.

EZRA 8:16

Nampa kukio' salapang tau battu ri sikamma pamimpinga, iamintu: Eliezer, Ariel, Semaya, Elnatan, Yarib, Elnatan, Natan, Zakharia, Mesulam, siagang pole rua guru iamintu Yoyarib siagang Elnatan.

EZRA 8:19

Nakiring tommi mae ri kambe tu niarenga Hasabya siagang Yesaya, battu ri golongang Merari, siagang ruampulo bija-bijanna ke'nanga.

EZRA 8:22

Angngalika' appala' tantara a'jarang mae ri karaenga untu' anjagai ikambe battu ri musua lalang pa'jappanga. Nasaba' le'ba'mi kupau ri ia angkana Nabarakkaki Allata'alana ikambe sikamma tau anynyombaya ri Ia siagang Nakabirisi na Nahukkung sikamma tau tenaya najarre' tappa'na mae ri Ia.

EZRA 8:24

Battu ri sikamma imanga kupilei 12 tau iamintu: Serebya, Hasabya siagang 10 tau maraengannaya.

NEHEMIA 12:24

Nibage-bagei tu Lewi lalang siapa area kalompo', nipimping ri Hasabya, Serebya, Yesua, Binui, siagang Kadmiel. Massing ta'rua kalompo' anggaukangi tugasa' mammuji ri Batara siagang appala' sukkuru' ri Ia. Assibalasa'-balasaki ke'nanga, situru' paratorang Karaeng Daud, anjo atanNa Allata'ala.

NEHEMIA 2:8

Pantaranganna anjo appala' tomma' sura' untu' Asaf, iamintu pangngurusu'na romanga ri pa'rasanganga, sollanna napasadianga' kayu untu' pakke'bu' lompo pa'jaganga ri ampi'na Balla'Na Batara ri Yerusalem; kammayatompa untu' tembo'na kotaya siagang balla' lakupammantangngia. Naturukiang ngasemma' karaenga anjo pappalakku, lanri Natulunga' Allata'ala.

NEHEMIA 8:7

Le'baki anjo ambangummi nai' nampa massing ammenteng ngaseng ke'nanga ri tampa'na, nampa lalanna anjo nia'mo siapa are jaina tu Lewi ampakasingaraki battuanna anjo Hukkunga mae ri ke'nanga. Sikamma anjo tu Lewia iamintu: Yesua, Bani, Serebya, Yamin, Akub, Sabetai, Hodia, Maaseya, Kelita, Azarya, Yozabad, Hanan, siagang Pelaya.

PANGNGEBARANG 24:3

Pakkalabinianga nibangungi siagang kacara'dekang kammayatompa pammahang baji'.

PANGNGEBARANG 3:6

Angngu'rangiko mae ri Batara lalang sikontu apa nugaukanga, na Iami lampicinikiangko nikanaya carana attallasa' bajika.

YEREMIA 3:15

LaKusareko pamimping-pamimping mannurukia ri Nakke. Lanapimpingko ke'nanga siagang baji' kammayatompa mapahang bajika.

DANIEL 1:20

Sampang nia' napabattu karaenga passala', iamintu parallua nipakasingara' siagang nitangara', naassemmi karaenga angkanaya panggappana siagang pappitangara'na anjo appaka turungka a'lappi sampuloi baji'na nasikamma panggappana siagang pappitangara'na sikontu pacinika siagang sanro cara'deka ri sikontu kakaraenganna.

1 KORINTUS 14:20

Sikamma sari'battangku! Teako appikkiri' kammai ana'-ana'. Ri passala' nikanaya panggaukang sala, paralluko a'jari tuli kamma ana' ca'di. Mingka ri passala'na nikanaya pikkirang, paralluko a'jari tau toamo.