EZRA 8:17 - KITTA' MATANGKASA'

¹⁷ Nampa kusuro ke'nanga mange ri Ido, kapalana tau jaia ri Kasifya. Kupalaki sollanna Ido, sikamma agang-aganna anjamaya ri Balla'Na Batara ri Yerusalem, akkiringi tau mae ri kambe untu' allayani ri Balla'Na Batara ri Yerusalem.

EZRA 8:17 ပူးပေါင်းရင်းမြစ်များ

2 SAMUEL 14:19

Nakanamo karaenga, “Maka Yoab anne assuroko?” Appialimi anjo bainea angkana, “Lanri nyawata karaeng, tena olona atanta lakkulle alliliangi kalenna battu ri pakkuta'nanta karaeng. Kammatojengi karaeng, Yoab ampauangi atanta apa musti nagaukang siagang napau atanta.

2 SAMUEL 14:3

Nampa a'lampaki' mange ri karaenga siagang akkana maki'ri ia kamma anne.” Nampa napauammo Yoab apa mustia napau.

1 PATTOTTORANG 9:2

Ia uru-uru ammotereka battu ri ke'nanga mange ri butta sossoranna ke'nanga ri kota-kotaya iamintu tujaia, imang-imanga, tu Lewi siagang pajama-jamaya ri Balla'Na Batara.

EZRA 2:43

Iaminne dattara' golongang kaluargana sikamma pajamaya ri Balla'Na Batara ri Yerusalem, ammotereka battu ri pa'rasangang pammelakkanga: Ziha, Hasufa, Tabaot, Keros, Siaha, Padon, Lebana, Hagaba, Akub, Hagab, Samlai, Hanan, Gidel, Gahar, Reaya, Rezin, Nekoda, Gazam, Uza, Paseah, Besai, Asna, Meunim, Nefusim, Bakbuk, Hakufa, Harhur, Bazlut, Mehida, Harsa, Barkos, Sisera, Temah, Neziah siagang Hatifa.

EZRA 2:58

Golongang kaluarga sikamma pajamaya ri Balla'Na Batara ri Yerusalem siagang sikamma palayanna Salomo ammotereka battu ri pa'rasangang pammelakkanga nia' 392 jaina tau.

EZRA 8:16

Nampa kukio' salapang tau battu ri sikamma pamimpinga, iamintu: Eliezer, Ariel, Semaya, Elnatan, Yarib, Elnatan, Natan, Zakharia, Mesulam, siagang pole rua guru iamintu Yoyarib siagang Elnatan.

KALAPPASSANG 4:15

A'bicara mako siagang ia, siagang pauammi apa musti lanapau. INakke lantulungko sipa'rua siagang langngajarakko apa musti nupau siagang musti nugaukang.

YEREMIA 1:9

Le'baki anjo Napajonjomi limanNa Batara nampa Najama bawaku na Nakana, “Pilangngeri siagang pa'la'bangi anne kana-kana Kupaua.

YEREMIA 15:19

Appiali Batara angkana, “Punna ammoterekko, laKutarimako. La'jariko ammotere' atangKu. Punna nukabarrangi apa a'matu-matua siagang teai bicara tena bonena, akkulleko ammotere' a'jari na'biKu. Labattui pole taua mae ri kau, siagang tenamo nuparallu mae ri ke'nanga.

PAMMILANGNGANG 18:6

Sikontutojenna, le'ba'mi Kupilei sikamma bija pammanakannu tu Lewi battu ri alla'na bansa Israel salaku passare mae ri Nakke. Le'ba'mi Kusa'la' ke'nanga untu' KalengKu, untu' allayaniA' ri KemaKu.

PAOLE 18:18

Battu ri bansana tonji ke'nanga laKukiring sitau na'bi sangkammaya ikau mae ri ke'nanga. LaKupaui mae ri ia apa mustia napau, nampa napabattu mae ri anjo bansaya sikontu apa Kuparentakanga.

TITUS 1:5

Kuboli' mako ri Kreta pirangalloang sollanna akkulle nupa'le'ba' apa-apa parallua nujama. Kammayatompa sollanna akkulle nuangka' pamimping-pamimping jama'aka ri kota-kotaya. Siagang u'rangi anne pappasangku: