EZRA 8:16 - KITTA' MATANGKASA'

¹⁶ Nampa kukio' salapang tau battu ri sikamma pamimpinga, iamintu: Eliezer, Ariel, Semaya, Elnatan, Yarib, Elnatan, Natan, Zakharia, Mesulam, siagang pole rua guru iamintu Yoyarib siagang Elnatan.

EZRA 8:16 ပူးပေါင်းရင်းမြစ်များ

1 KARAENG-KARAENG 3:11

siagang Nakanamo ri ia, “Nasaba' pangngassengang mabaji' nupala' untu' ammarenta siagang adele', na teai umuru' sallo yareka kakalumanynyangngang untu' kalennu yareka kamateanna musu-musunnu,

1 PATTOTTORANG 26:14

Selemya anggappai pakke'bu' lompo bageang rayangnganga. Zakharia, iamintu ana'na, tuli assarea pappakainga' baji', anggappai pakke'bu' lompo bageang waraka.

2 PATTOTTORANG 2:12

Poro nipuji arenNa Karaeng Allata'alana Israel, Papare' langika siagang buttaya! Nasarei Daud sitau ana' bura'ne sannaka cara'de'na ri kabajikang, siagang niaka pangngassenganna, niaka kamma-kamma anne angngusaha ambangung se're balla' untu' Batara siagang sibatu balla' karaeng untu' kalenna.

EZRA 10:21

Golongan Harim: Maaseya, Elia, Semaya, Yehiel siagang Uzia.

EZRA 8:15

Sikontu anjo kalompoka kupa'rappungangi ri biring binangaya, assolong mangea ri kota Ahawa. Nampa akkema ikambe anjoreng tallungallo sallona. Le'baki kuparessa, kuassemmi angkana nia' siapa are imang ri alla'na ke'nanga, mingka manna sitau tania' battu ri suku Lewi.

EZRA 8:17

Nampa kusuro ke'nanga mange ri Ido, kapalana tau jaia ri Kasifya. Kupalaki sollanna Ido, sikamma agang-aganna anjamaya ri Balla'Na Batara ri Yerusalem, akkiringi tau mae ri kambe untu' allayani ri Balla'Na Batara ri Yerusalem.

EZRA 8:18

Lanri kabajikang pa'mai'Na Allata'ala, nakirimmi ke'nanga mae ri kambe iamintu Serebya, se're tu Lewi sannaka cara'de'na battu ri golongang Mahli. Nia' tommi naagang battu ana'-ana'na siagang siapa are sari'battanna. Yangasenna ke'nanga nia' 18 tau jaina.

PANGNGEBARANG 2:6

Batarami assare kacara'dekang; battu ri Iami rupataua anggappa pangngassengang siagang pammahang.

PANGNGEBARANG 20:5

Bone atinna taua sanrapangi bungung lantang; mingka akkullei nise'ro' ri tau niaka pammahanna.

PANGNGEBARANG 28:2

Punna doraka bansaya, assisambe-sambeangi pamarentana; punna cara'de' pamimpinga, lattahangi anjo bansaya siagang latuli kassaki.

DANIEL 2:21

Iami ampattantui wattua siagang jammanga, Ia antu'gurangi siagang allantiki pamarentaya. Ia todong assarei kacara'dekang, siagang assarei pammahang.

2 TIMOTIUS 2:7

Nawa-nawa bajiki anne kupaua, nasaba' laNasareko pakkulle Batara untu' ampahang ngasengi anne passalaka.

1 YOHANES 5:20

Niassemmi angkanaya battumi Ana'Na Allata'ala siagang le'ba' maki' Napapahangngiang sollanta tappa' mae ri Allata'ala sitojennaya. Asse're maki' mae ri Allata'ala sitojennaya lalang ri katallassanta, kammayatompa asse're tommaki' mae ri Ana'Na, iamintu Isa Almasi. Iami Allata'ala sitojennaya, siagang Iami katallassang sitojennaya siagang mannannunganga.