EZRA 8:15 - KITTA' MATANGKASA'

¹⁵ Sikontu anjo kalompoka kupa'rappungangi ri biring binangaya, assolong mangea ri kota Ahawa. Nampa akkema ikambe anjoreng tallungallo sallona. Le'baki kuparessa, kuassemmi angkana nia' siapa are imang ri alla'na ke'nanga, mingka manna sitau tania' battu ri suku Lewi.

EZRA 8:15 ပူးပေါင်းရင်းမြစ်များ

EZRA 7:24

Takkulleako angngalle paja' battu ri sikamma imanga, tu Lewia, pakelonga, pajaga pakke'bu' lompoa, pajama-jamaya, yareka manna inai niaka passisambungang jama-jamanna siagang Balla'Na Batara ri Yerusalem.

EZRA 7:28

Lanri pannulunNa Allata'ala nanangaia' karaenga, sikamma tumailalanga siagang sikamma anjo tu ammarentaya; Nasarema' sumanga' Karaeng Allata'alaku, sa'gengku akkulle ampagioki sikamma anjo jaina kapala golongang Israel untu' ammotere' mange ri Yerusalem.”

EZRA 8:16

Nampa kukio' salapang tau battu ri sikamma pamimpinga, iamintu: Eliezer, Ariel, Semaya, Elnatan, Yarib, Elnatan, Natan, Zakharia, Mesulam, siagang pole rua guru iamintu Yoyarib siagang Elnatan.

EZRA 8:2

Gersom, battu ri golongang Pinehas Daniel, battu ri golongang Itamar Hatus ana'na Sekhanya, battu ri golongang Daud Zakharia, battu ri golongang Paros, siagang 150 bura'ne battu ri golonganna (nia' catatang pattottoranna ke'nanga) Elyoënai ana'na Zerahya, battu ri golongang Pahat-Moab, siagang 200 bura'ne Sekhanya ana'na Yahaziel, battu ri golongang Zatu, siagang 300 bura'ne Ebed ana'na Yonatan, battu ri golongang Adin, siagang 50 bura'ne Yesaya ana'na Atalya, battu ri golongang Elam, siagang 70 bura'ne Zebaja ana'na Mikhael, battu ri golongang Sefaca, siagang 80 bura'ne Obaja ana'na Yehiel, battu ri golongang Yoab, siagang 218 bura'ne Selomit ana'na Yosifya, battu ri golongang Bani, siagang 160 bura'ne Zakharia ana'na Bebai, battu golongang Bebai, siagang 28 bura'ne Yohanan ana'na Hakatan, battu ri golongang Azgad siagang 110 bura'ne Elifelet, Yehiel siagang Semaya, battu ri golongang Adonikam, siagang 60 bura'ne (ri bokoi ke'nanga battu) Utai siagang Zabud, battu ri golongang Bigwai, siagang 70 bura'ne.

EZRA 8:21

Nampa kupa'la'bammo kupau anjoreng ri biring Binanga Ahawa angkana sikontu taua musti appuasai siagang napakatunai kalenna ri dallekanNa Allata'ala. Appala' doammi ikambe sollanna nipimping ikambe ri Allata'ala lalang ri anjo pa'jappanga, siagang Najagai ikambe, ana'-ana'na ikambe, siagang sikontu barang-baranna ikambe.

EZRA 8:31

Ri tanggala' sampulo anrua bulang makase're, a'lampami ikambe ambokoi Binanga Ahawa mange ri Yerusalem. Lalang ri pa'jappanna ikambe, nijagaimi ikambe ri Allata'alana ikambe battu ri bundu'na siagang pangngadanna musua.

PAMMUJI 137:1

Ri birinna binanga-binanga Babel ammempo angngarru' ikambe punna niu'rangi Sion.

YEHEZKIEL 1:1

Ri tanggala' lima bulang appa' taung makatallumpulo, lalang taung makalima baku' niengka'na Karaeng Yoyakhin mange ri butta pammelakkanga, inakke, Imang Yehezkiel ana'na Busi, niakka' ri birinna Binanga Kebar ri Babel siagang ngaseng tu Yahudi maraeng nipelaka. Ti'ring tassungkei langika nampa anggappama' paccini' ri sesena Allata'ala. Kulangngereki Batara a'bicara mae ri nakke, siagang kukasiaki antekamma kagassingang koasaNa.

YEHEZKIEL 3:15

Nakubattumo mange ri tampa'na sikamma tunipelaka ri Tel-Abib ri birinna Binanga Kebar. Tuju alloa' salloku ammantang anjoreng; kalanna'-lannassanga' lanri sikontu anjo apa kulangngereka siagang kucinika.

LAMPA-LAMPANA 16:13

Ri wattunna narapi' allo Pammari-marianga, a'lampa maki' mange ri biring binanga niaka ri pantaranganna pakke'bu' lompona kotaya. Nasaba' nipikkiriki angkanaya nia' tampa' passambayanganna tu Yahudia anjoreng. Ammempo maki' a'bica'-bicara siagang siapa are bai'-baine niakamo a'rappungang anjoreng ri tampaka.