EZRA 7:8 - KITTA' MATANGKASA'

^8-9 Nabokoi ke'nanga Babel tanggala' se're bulang se're. Nitulungi ke'nanga ri Allata'ala, sa'genna battumo ke'nanga mange ri Yerusalem ri tanggala' se're bulang lima.

EZRA 7:8 ပူးပေါင်းရင်းမြစ်များ

EZRA 10:9

Le'baki tallungallo, ri tanggala' ruampulo, sikontu tu bura'ne niaka ammamtang ri daera Yehuda siagang Benyamin, battumi mange ri Yerusalem nampa a'rappungang ke'nanga ri parang lakkenna Balla'Na Batara ri Yerusalem. Anjo wattua bosi sannaki. Annekkere' ngasemmi taua napakamma dinging siagang napakamma paralluna anjo passirapakkanga.

EZRA 8:32

Ri wattunna battu ikambe mange ri Yerusalem, ammari-marimi ikambe tallungallo sallona.

EZRA 9:9

Ri wattunna ikambe nipare' ata, tena Kibokoi ikambe. IKatte ampagilingi nyawana sikamma karaeng Persia, sa'genna mangngamaseang ke'nanga mae ri kambe, nampa nasare ising ikambe untu' attallasa' siagang ambangungi ammotere' Balla' Passambayanganga mae ri Katte, ia a'jariamo rumbangngang ancuru'. Kijagai ikambe anrinni, ri Yehuda siagang Yerusalem.

ESTER 2:16

Kammaminjo, ri makatujuna taung ammarenta Karaeng Ahasyweros, ri bulang sampulo, iamintu niarenga bulang Tebet, nierammi Ester mange andallekang ri Karaeng Ahasyweros ri balla' karaenga.

DANIEL 9:25

Cataki siagang pahangi anne: Lallaloi pintuju tattuju taung, appakkaramula ri wattu nipasulu'na parentaya untu' ambangungi ammotere' Yerusalem, sa'genna battu sitau pamimping Napilea Allata'ala. Lalang pintuju ta'annampulo anrua taung, lanibangungi ammotere' agang-aganga siagang pa'balla'-ballakanna Yerusalem, mingka anjo wattua teai sipato' sukkara'na.