EZRA 7:6 - KITTA' MATANGKASA'

^6-7 Anjo Ezra tau tinggi pangngassenganna siagang jai pangngassenna ri sesena Hukkung Napassareanga Batara, Allata'alana Israel mae ri Musa. Lanri nibarakkakinna Ezra ri Karaeng Allata'alana, jari nisareammi ri karaenga sikamma napalaka. Ri taung makatuju wattu pamarentahanna Karaeng Artahsasta, a'lampami Ezra battu ri Babel mange ri Yerusalem siagang se're rombongang tu Israel; siapa are imang, tu Lewi, pakelong, pajaga pakke'bu' lompona Balla'Na Batara ri Yerusalem, siagang sikamma pajama-jamaya.

EZRA 7:6 ပူးပေါင်းရင်းမြစ်များ

PA'JARIANG 32:28

Nakanamo anjo taua, “Teaimi Yakub arennu. Le'ba' mako a'laga siagang Allata'ala, kammayatompa siagang rupataua, nampa ikau ammeta. Lanri kammana, kamma-kamma anne a'jari arennu Israel.”

EZRA 5:5

Mingka niparhatikangi siagang nijagai ri Allata'ala anjo pamimping-pamimpinna tu Yahudia, sa'genna tenapa nangngalle tindakang sikamma pamarentana Persia ri anjo pa'rasanganga punna tenapa nale'ba' akkiring sura' ke'nanga siagang anggappa sura' balasang battu ri Karaeng Darius.

EZRA 6:22

Tuju allo sallona ke'nanga a'rannu-rannu assuarri Passua'-suarrang Roti Tenaya nammake Pa'gambang. Sannang sikali nyawana ke'nanga lanri Napagio'na Batara nyawana karaeng Asyur, sa'genna a'jari lammoro' pa'mai'mo anjo karaeng Asyur mae ri ke'nanga, nampa nabantumo ke'nanga lalang anjo jama-jamang pambangunanna Balla'Na Batara, Allata'alana Israel ri Yerusalem.

EZRA 7:21

Mae ri sikontu pangngurusu' doe' pamarentaya ri propinsi Efrat bageang ilau', kuparentakangi sollanna manna apa-apa mamo napala' Imang Ezra, panrita HukkunNa Allata'ala makoasaya ri suruga, musti nisarei linta',

EZRA 7:28

Lanri pannulunNa Allata'ala nanangaia' karaenga, sikamma tumailalanga siagang sikamma anjo tu ammarentaya; Nasarema' sumanga' Karaeng Allata'alaku, sa'gengku akkulle ampagioki sikamma anjo jaina kapala golongang Israel untu' ammotere' mange ri Yerusalem.”

EZRA 7:5

Abisua Pinehas Eleazar Imang Lompoa Harun.

EZRA 8:1

Iaminne dattara' areng-arenna sikamma kapala golongang nipelaka mange ri Babel siagang ammotereka siagang inakke, Ezra, mange ri Yerusalem, ri wattu Artahsasta ammarenta:

EZRA 8:18

Lanri kabajikang pa'mai'Na Allata'ala, nakirimmi ke'nanga mae ri kambe iamintu Serebya, se're tu Lewi sannaka cara'de'na battu ri golongang Mahli. Nia' tommi naagang battu ana'-ana'na siagang siapa are sari'battanna. Yangasenna ke'nanga nia' 18 tau jaina.

EZRA 8:22

Angngalika' appala' tantara a'jarang mae ri karaenga untu' anjagai ikambe battu ri musua lalang pa'jappanga. Nasaba' le'ba'mi kupau ri ia angkana Nabarakkaki Allata'alana ikambe sikamma tau anynyombaya ri Ia siagang Nakabirisi na Nahukkung sikamma tau tenaya najarre' tappa'na mae ri Ia.

EZRA 8:31

Ri tanggala' sampulo anrua bulang makase're, a'lampami ikambe ambokoi Binanga Ahawa mange ri Yerusalem. Lalang ri pa'jappanna ikambe, nijagaimi ikambe ri Allata'alana ikambe battu ri bundu'na siagang pangngadanna musua.

NEHEMIA 12:26

Wattu attallasa'na ke'nanga iamintu ri jammang Yoyakim ana'na Yesua, cucunna Yozadak, siagang ri jammang guburnur Nehemia, kammayatompa Imang Ezra panrita Hukkunga.

NEHEMIA 12:36

Ri bokona ke'nanga ajappami anggota-anggota golonganna, iamintu: Semaya, Azareel, Milalai, Gilalai, Maai, Netaneel, Yehuda siagang Hanani. Yangaseng ke'nanga angngerangi pakkakasa' musi', sangkamma nakarenaia Karaeng Daud, anjo atanNa Allata'ala. Imang Ezra, anjo panrita HukkunNa Allata'ala, a'jappa ri ulunna anjo barisanga.

NEHEMIA 2:12

Lalang siapaya anjo sallona tenapa nakupau manna pole ri nai angkana le'bakka' nasungkeang Allata'ala pikkirangku untu' ambangungi ammotere' kota Yerusalem. Ammukona, ri wattunna bangngi, ambangunga' nampa kukio' siapa are agangku untu' a'lampa assulukang kota. Pantaranganna keledai kudongkokia, tena olo'-olo' dongkokang maraeng naerang ikambe.

NEHEMIA 2:18

Nampa kucaritamo ri ke'nanga antekamma bateku nitulung ri Allata'ala siagang apa le'ba' nakana karaenga mae ri nakke. Appialimi ke'nanga angkana, “Umba kippakkaramula ambangung!” Nampa sadia ngasemmo ke'nanga untu' appakkaramula anjama.

NEHEMIA 2:8

Pantaranganna anjo appala' tomma' sura' untu' Asaf, iamintu pangngurusu'na romanga ri pa'rasanganga, sollanna napasadianga' kayu untu' pakke'bu' lompo pa'jaganga ri ampi'na Balla'Na Batara ri Yerusalem; kammayatompa untu' tembo'na kotaya siagang balla' lakupammantangngia. Naturukiang ngasemma' karaenga anjo pappalakku, lanri Natulunga' Allata'ala.

NEHEMIA 4:15

Nalangngereki musu-musunna ikambe angkana naassemmi ikambe rancanana ke'nanga. Jari sadara'mi ke'nanga angkana nihalangi ri Allata'ala anjo rancanana ke'nanga. Nampa ammotere'mo ikambe anjama ampakabajiki anjo tembo' kallika.

NEHEMIA 8:1

Narapiki bulang tuju nia' ngasemmi tu Israelka ammantang tuli ri massing-massing kotana. Ri tanggala' se're anjo bulanga a'rappung ngasengi ke'nanga ri kota Yerusalem, ri paranglakkeng niaka ri dallekanna Pakke'bu' lompo Je'ne'. Napalaki ke'nanga sollanna naalle Imang Ezra Kitta' Hukkunga. Anjo Ezra se're tucara'de' ri passala'na Hukkung Napassareanga Batara mae ri Israel tete ri Musa.

NEHEMIA 8:13

Ammukona a'rappungammi sikamma kapala kaluargaya, sikamma imanga siagang tu Lewia, nampa a'lampa mange ri Ezra untu' ampilajari sikamma ajarang HukkunNa Batara.

NEHEMIA 8:4

Ammentengi Ezra irate ri podiung kayu le'baka nipare' untu' kaparalluanna anjo pa'rappunganga. Ri sa'ri kananna ammentengi siapa are tau iamintu: Matica, Sema, Anaya, Uria, Hilkia, siagang Maaseya; nampa ri sa'ri kairinna ammentengi: Pedaya, Misael, Malkia, Hasum, Hasbadana, Zakharia siagang Mesulam.

NEHEMIA 8:9

Nalangngere'na ke'nanga nibaca anjo Hukkunga, a'jari dinging-dingimmi pa'mai'na ra'yaka allangngereki, nampa angngarru' ke'nanga. Jari nakanamo guburnur Nehemia siagang Imang Ezra kammayatompa sikamma anjo tu Lewi ampakasingarakai anjo Hukkunga ri sikontu anjo ra'yaka, “Anne alloa, allo nipakatangkasa' untu' Karaeng Allata'alanu ngaseng, jari teako si'nai siagang teako angngarruki.

NEHEMIA 9:13

Kipaturung battu ri langi' mae ri tompo'na Moncong Sinai, Kinampa a'bicara siagang umma' kalenTa. Kisarei hukkung, atorang siagang parenta adeleka, tojenga siagang a'matu-matua.

PAMMUJI 109:27

Na naasseng musungku angkana anjo panggaukanTa, angkana iKatte, Batara, anggaukangi.

PAMMUJI 147:19

Napabattui pasanNa mae ri umma'Na, katantuanNa siagang hukkunNa mae ri umma' nipileNa.

PAMMUJI 45:1

Pammujina golongang Korah. Kelong mangngamaseang. Untu' pamimping pakelong. Situru' lagu: Bunga bakung.

PAMMUJI 80:18

Kijagai tau le'baka Kipile, ana' rupatau Kipa'jari gassinga untu' kalenTa.

PANGNGEBARANG 3:6

Angngu'rangiko mae ri Batara lalang sikontu apa nugaukanga, na Iami lampicinikiangko nikanaya carana attallasa' bajika.

YESAYA 50:2

Angngapa namanna sitau ummakKu tania' appiali, wattungKu battu angkioki ke'nanga? Maka a'mereki ke'nanga lanri nakapangi angkana takkulleA' allappassangi siagang ampasalamaki ke'nanga? Sikontutojenna, lanri parentaKu na'jari kalotoro' tamparanga, sikamma binangaya Kupa'jari parang lompo, sa'genna mate ngaseng jukuka na'rasa parru.

YESAYA 59:1

Teako kapangngi angkana lamma dudui Batara untu' ampasalamakko, yareka tongolo' dudui untu' ampilangngeri pakkio'nu.

YEREMIA 8:8

Barani tojengko nukana kalennu cara'de', siagang nuassengi hukkung-hukkungKu! Cinissai antekamma batena anjo hukkung-hukkungKu nipinra ri panrita-panrita agamaya, a'jekkoa pa'mai'na.

MATIUS 13:52

Jari Nakanamo Isa, “Lanri kammana minjo na anjo sikamma guru agama a'jariamo umma'Na Allata'ala, sanrapangi patanna balla' ampasuluka ngasengi barang-barang beruna siagang barang-barang sallona battu ri pammolikang barang-baranna.”

MATIUS 23:2

“Anjo guru-guru agamaya siagang tu Farisia nisarei pangngissengang ambattuangngi atorang agama napassareanga Musa.

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

1 KORINTUS 1:20

Jari, apa matu-matunna anjo tau niaka pangngassenganna? Apa matu-matunna sikamma anjo tau cara'deka? Apa matu-matunna tu panritaya ri anne linoa? Le'ba'mi Napakasingara' Allata'ala angkanaya kaporeanna anne linoa poro balle-balle lompo bawang!

1 KORINTUS 15:1

Na kamma-kamma anne, sari'battangku ngaseng, kukellai nanuu'rangi poleang Kabara' Baji' battua ri Allata'ala, le'baka kupabattuangko riolo. Nutarimami anjo Kabara' Bajika, siagang tappa' mako mae ri Almasi lanri anjo Kabara' Bajika.

PAOLE 28:1

“Punna mannurukiko ri Karaeng Allata'alanu siagang tamamminrayai pa'mai'nu anggaukangi sikontu parenta kupassareanga mae ri kau anne alloa, laNapa'jariko Batara bansa masahoro' ri anne linoa.

PAOLE 4:5

Sikontu anjo hukkunga kupangngajarrangi mae ri kau situru' Naparentakanga Karaeng Allata'alaku. Turuki ngasengi sikammaya anjo ri pa'rasangang lanupantamakkia siagang lanupammantangngia.