EZRA 7:27 - KITTA' MATANGKASA'

²⁷ Nampa nakanamo Ezra, “Pujimi Batara, Allata'ala nisombaya ri boe-boena ikambe! Napa'gilimmi atinna karaenga, sa'genna ero' amparhatikangi Balla'Na Batara ri Yerusalem.

EZRA 7:27 ပူးပေါင်းရင်းမြစ်များ

2 PATTOTTORANG 31:8

Nacini'na Karaeng Hizkia siagang pagawe-pagawena anjo sumbangang kammaya jaina, napakala'biri'mi Batara siagang napalecemi ra'ya' Israel, umma'Na.

EZRA 6:22

Tuju allo sallona ke'nanga a'rannu-rannu assuarri Passua'-suarrang Roti Tenaya nammake Pa'gambang. Sannang sikali nyawana ke'nanga lanri Napagio'na Batara nyawana karaeng Asyur, sa'genna a'jari lammoro' pa'mai'mo anjo karaeng Asyur mae ri ke'nanga, nampa nabantumo ke'nanga lalang anjo jama-jamang pambangunanna Balla'Na Batara, Allata'alana Israel ri Yerusalem.

NEHEMIA 2:12

Lalang siapaya anjo sallona tenapa nakupau manna pole ri nai angkana le'bakka' nasungkeang Allata'ala pikkirangku untu' ambangungi ammotere' kota Yerusalem. Ammukona, ri wattunna bangngi, ambangunga' nampa kukio' siapa are agangku untu' a'lampa assulukang kota. Pantaranganna keledai kudongkokia, tena olo'-olo' dongkokang maraeng naerang ikambe.

NEHEMIA 2:8

Pantaranganna anjo appala' tomma' sura' untu' Asaf, iamintu pangngurusu'na romanga ri pa'rasanganga, sollanna napasadianga' kayu untu' pakke'bu' lompo pa'jaganga ri ampi'na Balla'Na Batara ri Yerusalem; kammayatompa untu' tembo'na kotaya siagang balla' lakupammantangngia. Naturukiang ngasemma' karaenga anjo pappalakku, lanri Natulunga' Allata'ala.

NEHEMIA 7:5

Lanri kammana, nasungkemi Allata'ala pikkirangku untu' ampa'rappungangi sikontu ra'yaka, sikamma tutoa-toana kammayatompa sikontu pamimpinna ke'nanga, sollanna akkulle kubilang ke'nanga situru' dattara' pattottoranna ke'nanga. Lalang anjo kasampatanga kubuntulu'mi catatanna sikamma tau uru-uru ammotereka battu ri pa'rasangang pammelakkanga. Iaminne kasingaranna anjo catatang kugappaya:

KALAPPASSANG 8:9

Appialimi Musa angkana, “Lappala' doanga' siagang te'ne pa'maikku, untu' ikatte karaeng. Kipattantumi wattunna, nampa kupappala' doangangki', kammayatompa untu' sikamma pagaweta siagang ra'yaka. Nampa nilappassangki' battu ri anjo sikamma tumpanga; tena latassesa pantaranganna Binanga Nil.”

PANGNGEBARANG 21:1

Sanrapang batena Naatoro' Batara je'ne' binangaya sollanna a'lo'loro' situru' ero'Na, kammatommi anjo napimpingi pikkiranna karaenga.

YESAYA 60:13

Kalompoanna romang Libanon lanilalingi mae ri kau poko' kayu berangang, camara, siagang eru untu' ampaccayai BallakKu, siagang angga'gai tampa' pangngonjokangKu.

LUKAS 7:5

nasaba' sanna' nakarimangnginna bansata siagang le'ba' maki' napambangungang balla' sambayang.”

2 KORINTUS 8:16

Teai sipato' sukkuru'na ikambe mae ri Allata'ala nasaba' nisarena todong pakkulle Titus attojeng-tojeng ambantu ngasengko!

FILIPI 4:10

Lalang asse'rena tallasakku siagang Batara, a'jari sannang sikali nyawaku; nasaba' siapa sallona, kamma-kamma anne nisare mako pole kasampatang untu' annawa-nawai katallassangku. Mingka nakukkana kamma, tena nakukana le'baka' nukaluppai; memang nuparhatikanga', mingka siapa sallona tena nunggappa kasampatang ampappicinikangi.

IBRANI 10:16

“ ‘Iaminne parjanjiang laKupareka siagang ke'nanga ri allo-allo labattua, laKuboliki hukkung-hukkungKu lalang ri atinna ke'nanga siagang laKutulisiki lalang ri pikkiranna ke'nanga.’ ”

IBRANI 8:10

Mingka anne kamma, iaminne passijanjiang laKupareka siagang umma' Israel ri allo-allo labattua, Nakana Batara: LaKupadongkoki paratorangKu ri nawa-nawanna ke'nanga, naKutulisi' todong ri atinna. INakke la'jari Allata'ala mae ri ke'nanga, naKupa'jari ke'nanga UmmakKu.

YAKOBUS 1:17

Sikontu passare bajika siagang hadia sukkuka, sangnging battu ngaseng ri suruga, nipaturunga ri Allata'ala, ampa'jariai sikontu apa-apa singaraka ri langika. Iami Allata'ala tamamminraya, tenaya Nammoli' bayang-bayang lanri pamminroanna apa-apaya.

PAPPICINI' 17:17

Nasaba' Napagio'mi Allata'ala atinna ke'nanga untu' anggaukangi pattujunNa Allata'ala. LaNapassamaturu'mi ke'nanga untu' ampassareangi kakoasanna ke'nanga mae ri anjo olo'-oloka sollanna ammarenta anjo olo'-oloka sa'genna kajariang apa Napaua Allata'ala.