EZRA 7:21 - KITTA' MATANGKASA'

²¹ Mae ri sikontu pangngurusu' doe' pamarentaya ri propinsi Efrat bageang ilau', kuparentakangi sollanna manna apa-apa mamo napala' Imang Ezra, panrita HukkunNa Allata'ala makoasaya ri suruga, musti nisarei linta',

EZRA 7:21 ပူးပေါင်းရင်းမြစ်များ

EZRA 4:16

Jari, napattantuna ikambe, angkanaya punna nibangungi anjo kotaya ammotere' siagang nipaenteng ammotere' tembo'-tembo' kalli'na, talakkullea maki' karaeng langkoasai propinsi Efrat bageang ilau' anne.”

EZRA 4:20

Le'baki nia' siapa are karaeng barani ammarenta anjoreng siagang nakoasai sikontu daera propinsi bageang ilau', nampa appajappa paja' siagang passare mae ri karaenga.

EZRA 6:6

Nampa nabalasa'mo Darius anjo suraka. Ia bonena iamintu: “Mae ri Tatnai, guburnur propinsi Efrat bageang ilau', siagang Syetar-Boznai, kammayatompa sikamma pamarentaya ri Efrat bageang ilau'. Teako ganggui anjo tu Yahudia,

EZRA 7:1

Attaung-taung ribokoanganna, ri wattunna Artahsasta ammarenta salaku karaeng ri Persia, nia' sitau bura'ne niareng Ezra, battu ri turungang Imang Lompoa Harun. Ia garisi' turunganna punna nitotoro' battu rawa nampa nai', iamintu: Ezra Zeraya Azarya Hilkia

EZRA 7:22

sa'genna sikamma anne jaina: pera' sa'genna 3.400 kilo battala'na, gandung 10.000 kilo, anggoro' sa'genna 2.000 litere', minynya' zaitun sa'genna 2.000 litere', siagang ce'la sa'genna siapa naparalluanga.

EZRA 7:6

Anjo Ezra tau tinggi pangngassenganna siagang jai pangngassenna ri sesena Hukkung Napassareanga Batara, Allata'alana Israel mae ri Musa. Lanri nibarakkakinna Ezra ri Karaeng Allata'alana, jari nisareammi ri karaenga sikamma napalaka. Ri taung makatuju wattu pamarentahanna Karaeng Artahsasta, a'lampami Ezra battu ri Babel mange ri Yerusalem siagang se're rombongang tu Israel; siapa are imang, tu Lewi, pakelong, pajaga pakke'bu' lompona Balla'Na Batara ri Yerusalem, siagang sikamma pajama-jamaya.

EZRA 8:36

Nampa anjo dokumeng napassareanga karaenga mae ri ke'nanga, napassareammi ke'nanga mae ri sikamma guburnur siagang sikamma pamarentaya ri propinsi Efrat bageang ilau'. Jari sikamma anjo pamarentaya nasaremi bantuang ra'yaka sollanna akkulle ke'nanga tuli nagaukang ibadana lalang ri Balla'Na Batara ri Yerusalem.

NEHEMIA 2:7

Nampa appala'ma' sura' untu' sikamma guburnur niaka ri propinsi Efrat bageang ilau', sollanna tena kunggappa kasukkarang lalang pa'jappangku sa'genna mange ri Yehuda.

PAMMUJI 119:4

Kisarei ikambe hukkunTa, o, Batara, sollanna nagaukang ikambe siagang pa'mai' tamamminra.

DANIEL 6:26

Le'baki anjo akkirimmi sura' Karaeng Darius mange ri tau battua ri sikontu bansaya, suku bansaya siagang bahasaya ri sikontu linoa, angkana, “Salama' battu ri nakke!