EZRA 7:15 - KITTA' MATANGKASA'

¹⁵ Inakke siagang sikamma tumailalangku erokka' assare passare bulaeng siagang pera' mae ri Allata'alana Israel, Allata'ala niaka ri Yerusalem. Erammi anjo passarena ikambe.

EZRA 7:15 ပူးပေါင်းရင်းမြစ်များ

1 PATTOTTORANG 29:6

Jari sikamma kapala pa'rappungangang bija-bijaya, kapala sukua, sikamma komandanga siagang ia tanggong jawaka ri barang-baranna karaenga, massing napau tommi angkanaya massing ero' tongi ke'nanga assare sumbangang.

2 PATTOTTORANG 2:6

Mingka sikontutojenna tena manna sitau nia' pakkullena ambangung balla' untu' Allata'ala, lanri manna sikontu anne linoa takkulle angga'na lompona untu' a'jari pammantanganNa. Jari, anjo Balla'Na Batara poro lasanrapanji bawang tampa' pattunuang dupa mae ri Allata'ala!

2 PATTOTTORANG 32:23

Jaimi tau battu mange ri Yerusalem untu' angngerang passare mae ri Batara siagang hadia-hadia untu' Hizkia; sa'genna baku'na anjo wattua nikangngalikammi ri sikontu bansaya.

2 PATTOTTORANG 6:2

Kamma-kamma anne kubangungangKi' se're bangunang lompo, untu' tampa' pammantanganTa satunggu-tungguna.”

EZRA 1:6

Sikontu siampi' balla'na ke'nanga massing assaremi bantuang, iamintu a'rupa barang-barang, kammayami pakkakasa'-pakkakasa' pera' siagang bulaeng, untu' bokong ri aganga, olo'-olo' untu' atteke', barang-barang maraengannaya, kammayatompa passare-passare untu' ambangungi Balla'Na Batara ri Yerusalem.

EZRA 6:12

Poro Allata'ala, Ia le'baka ampilei Yerusalem a'jari tampa' untu' manynyomba ri Ia, ampossoki sikamma karaeng yareka bansa barania andakkai anne parentaya na nacoba angngancuruki anjo Balla'Na Batara ri Yerusalem. Inakke, Darius amparentakangi anne. Gaukangi siagang baji'.”

EZRA 6:4

Rinrinna musti kamma anne pare'na: bageang irate tallu lapisi' batu musti nilapisiki silapisi' kayu. Ongkoso'na natanggongi yareka niallei battu ri doe' kakaraenga.

EZRA 7:14

Nasaba' inakke siagang tuju tumailalangku assuroko a'lampa mange ri Yerusalem untu' amparessai kaadaanna siagang anciniki apaka anjo HukkunNa Allata'ala nipappirannuanga ri kau, ma'nassa nituruki tojenji.

EZRA 8:25

Nampa kutimbang untu' ke'nanga pera', bulaeng, siagang pakkakasa'-pakkakasa' le'baka nasumbangkang karaenga, sikamma tumailalanga, kammayatompa sikontu tu Israel, untu' nipake lalang ri Balla'Na Batara ri Yerusalem. Yangasenna anjo kupassareangi mae ri sikamma anjo imanga.

PAMMUJI 135:21

Pujimi Batara ri Sion, ri Yerusalem, tampa' pammantanganNa. Pujimi Batara!

PAMMUJI 26:8

Kungai BallatTa, o, Batara, tampa' pammantangang kalompoanTa.

PAMMUJI 72:10

Sikamma karaeng Tarsis siagang pulo-pulona langngerangi passare mae ri ia. Sikamma karaeng Arab siagang Etiopia battui angngerang passare.

PAMMUJI 76:11

Manna tau sannaka palla'na mammuji todong ri Katte, siagang tau larroaija ammake kaeng karung tanra susana.

PAMMUJI 76:2

Alla'bangi niasseng Allata'ala ri Yehuda; masahoroki arenNa ri Israel.

PAMMUJI 9:11

Tau mangngassenga ri Katte manrannuangi ri Katte, o Batara, tu manynyombaya ri Katte tena naKibokoi.