EZRA 7:1 - KITTA' MATANGKASA'

¹ Attaung-taung ribokoanganna, ri wattunna Artahsasta ammarenta salaku karaeng ri Persia, nia' sitau bura'ne niareng Ezra, battu ri turungang Imang Lompoa Harun. Ia garisi' turunganna punna nitotoro' battu rawa nampa nai', iamintu: Ezra Zeraya Azarya Hilkia

EZRA 7:1 ပူးပေါင်းရင်းမြစ်များ

2 KARAENG-KARAENG 22:8

Napabattui Safan parentana karaenga ri Hilkia, nampa nacarita Hilkia mae ri Safan angkanaya le'baki nagappa ammotere' kitta' hukkung-hukkunNa Batara ri Balla'Na Batara. Napassareangi Hilkia anjo kittaka mae ri Safan, nampa nabaca Safan.

2 KARAENG-KARAENG 25:18

Pantaranganna anjo najakkala' tongi Nebuzaradan iamintu Imang Lompo Seraya, Zefanya imang pambantuna, tallu tau pajaga pakke'bu' Balla'Na Batara, lima tau biasaya napappalakki pappitangara' karaenga niaka ija ri kotaya, panglima, wakkele' panglima pangurusu'na sura'-sura'na tantaraya, siagang 60 tumalompo maraengannaya.

2 PATTOTTORANG 34:15

Nakanamo Hilkia ri Safan, “Kugappai kitta' HukkunNa Batara, lalang ri Balla'Na Batara,” nampa napassareang anjo Kittaka mae ri Safan.

2 PATTOTTORANG 34:9

Sikamma tu Lewi a'jagaya ri Pakke'bu' Balla'Na Batara, napassareangi mae ri Imang Lompo Hilkia sikamma doe' le'baka napasse're ke'nanga. Anjo doeka iamintu doe' battu ri Efraim siagang Manasye, kammayatompa doe' battu ri ra'ya' maraengannaya ri Kakaraengang Bageang Waraka, siagang battu ri ra'ya' Yehuda, Benyamin siagang Yerusalem.

EZRA 4:7

Kammayatompa ri jammang pamarentahanna Artahsasta, karaeng Persia, a'mole-molei anjo kajariang kammaya. Bislam, Mitredat, Tabeel siagang agang-aganna ngaseng ke'nanga, annulisiki sura' mae ri karaenga. Anjo suraka nitulisiki lalang bicara Aram, nampa musti nipalembai ri wattunna nibaca.

EZRA 6:14

Nibantumi ke'nanga ri Na'bi Hagai siagang Na'bi Zakharia, na napannarrusu' sikamma pamimpinna tu Yahudia pambangunanna anjo Balla'Na Batara. Napa'le'ba'mi linta' anjo pambangunanga situru' parentaNa Allata'alana Israel siagang parentana Kores, Darius, na Artahsasta, karaeng-karaenga ri Persia.

EZRA 7:10

Napakkalepumi sikontu pikkiranna Ezra mae ri usaha untu' ampappilajari HukkunNa Batara, sollanna akkulle nagaukang siagang napangngajarrang sikontu katantuanna siagang paratoranna mae ri bansa Israel.

EZRA 7:12

“Battu ri Karaeng Artahsasta mae ri Imang Ezra, panrita HukkunNa Allata'ala makoasaya ri suruga.

EZRA 7:2

Salum Zadok Ahitub

EZRA 7:21

Mae ri sikontu pangngurusu' doe' pamarentaya ri propinsi Efrat bageang ilau', kuparentakangi sollanna manna apa-apa mamo napala' Imang Ezra, panrita HukkunNa Allata'ala makoasaya ri suruga, musti nisarei linta',

NEHEMIA 2:1

Patang bulang ribokoanganna, ri se'reang allo, iamintu ri bulang Nisan, sitabangi Karaeng Artahsasta angnganre. Inakke ampatalangi je'ne' inung karaenga. Anjo wattua susai tanjakku nicini'. Tale'bakai susa kamma anjo alloa tanjakku ri dallekanna.

NEHEMIA 8:1

Narapiki bulang tuju nia' ngasemmi tu Israelka ammantang tuli ri massing-massing kotana. Ri tanggala' se're anjo bulanga a'rappung ngasengi ke'nanga ri kota Yerusalem, ri paranglakkeng niaka ri dallekanna Pakke'bu' lompo Je'ne'. Napalaki ke'nanga sollanna naalle Imang Ezra Kitta' Hukkunga. Anjo Ezra se're tucara'de' ri passala'na Hukkung Napassareanga Batara mae ri Israel tete ri Musa.