EZRA 6:9 - KITTA' MATANGKASA'

⁹ Pantaranganna anjo, manna apa-apa mamo niparalluang manuru' sikamma imanga ri Yerusalem, alarapanna sapi laki rungka, gimbala' laki siagang ana' gimbala' untu' koro'bang passare mae ri Allata'ala makoasaya ri suruga, kammayatompa gandung, ce'la, anggoro', siagang minynya' zaitun, musti teako takkaluppai ansarei ke'nanga allo-allo.

EZRA 6:9 ပူးပေါင်းရင်းမြစ်များ

1 PATTOTTORANG 9:29

Sipa'gang pole tanggong jawa' ri pakakasa' maraengannaya siagang ri labuka, anggoroka, minynya' zaitunga, kamanynyanga, kammayatompa rampa-rampaya.

EZRA 6:10

Gaukang ngasengi anjo kammaya sollanna akkulle ke'nanga assare koro'bang ampakate'neai nyawaNa Allata'ala makoasaya ri suruga, kammayatompa sollanna napappalakkanga' ke'nanga barakka' siagang untu' ana'-ana' bura'neku.

EZRA 6:8

Kamma-kamma anne kuparentakang ngasengko sollanna nubantu ke'nanga lalang anjo pambangunanga. Kamma anne batenu ambantui: Sikontu ongkoso' pambangunanga musti nuallei battu ri wassele' paja' negaraya ri propinsi Efrat bageang ilau' nampa musti nusareangi ke'nanga silinta'-linta'na.

YESAYA 49:23

Sikamma karaenga larapangi mangge mae ri kau, na sikamma karaeng bainea a'jari amma' mae ri kau. La'su'juki ke'nanga ampakalompoko siagang napakatuna kalenna mae ri kau. Na lanuassemmo angkanaya iNakke anne Batara; tau manrannuanga ri Nakke tena nala'ba pa'mai'na.”

KAIMANGNGANG 1:10

Punna gimbala' yareka bembe napassareang, musti lakia siagang tenaya callanna.

KAIMANGNGANG 9:2

Nakanamo Musa mae ri Harun, “Angngalleko sikayu sapi laki rungka siagang sikayu gimbala' laki, rua-ruana tena ngaseng callanna. Passareangi anjo ruaya olo'-olo' mae ri Batara; anjo sapi lakia untu' koro'bang pammopporang dosa, nampa anjo gimbala' lakia untu' koro'bang nitunu.

MARKUS 9:49

Sikontu taua lanitangkasi siagang pepe', sanrapang koro'bang olo'-oloka nitangkasi siagang ce'la.