EZRA 6:16 - KITTA' MATANGKASA'

¹⁶ Nampa naresmikammo tu Israel, sikamma imanga, tu Lewia, siagang sikontu tule'baka nipela', anjo Balla'Na Batara. Rannu ngasemmi pa'mai'na tu Israel.

EZRA 6:16 ပူးပေါင်းရင်းမြစ်များ

1 KARAENG-KARAENG 8:62

Le'baki anjo, Karaeng Salomo siagang sikontu tau niaka a'rappungang anjoreng, assaremi koro'bang mae ri Batara.

1 KARAENG-KARAENG 8:63

Untu' koro'bang pappasiamakkang assaremi Salomo 22.000 sapi siagang 120.000 gimbala'. Kammaminjo karaenga siagang sikontu ra'yaka appare'mi pa'gaukang untu' angresmikangi Balla'Na Batara.

1 PATTOTTORANG 15:28

Sikontu umma' Israel a'lampa ngasengi anrurungangi anjo Patti Parjanjianga sa'genna ri Yerusalem, ma'rannu-rannu, sa'ra tarompe', napiri, simbala', kammayatompa sa'ra kacapi.

1 PATTOTTORANG 9:2

Ia uru-uru ammotereka battu ri ke'nanga mange ri butta sossoranna ke'nanga ri kota-kotaya iamintu tujaia, imang-imanga, tu Lewi siagang pajama-jamaya ri Balla'Na Batara.

2 PATTOTTORANG 29:30

Karaenga siagang pamimping-pamimpinna ra'yaka nasuroi akkelong tu Lewia untu' angkelongangi kelong-kelong le'baka napare' Daud siagang Na'bi Asaf. Rannu kabusu'mi pa'mai'na sikontu taua nampa akkulantu' siagang anynyomba ri Allata'ala.

2 PATTOTTORANG 30:23

natappukimi ke'nanga untu' ansambungi pole anjo passua'-suarranga 7 allo pole sallona. Jari natambaimi pole nagaukang ke'nanga anjo passua'-suarranga, narannu ngaseng nyawana.

2 PATTOTTORANG 30:26

Sanna' suara'na kota Yerusalem, lanri baku'na jammang ammarentana Salomo ana'na Daud, tena le'bakai kajariang anjo gau' kammaya.

2 PATTOTTORANG 7:5

Untu' koro'bang pappasiamakkang assarei Salomo 22.000 sapi siagang 120.000 gimbala'. Kammami anjo batena karaenga siagang sikontu ra'yaka anggaukangi anjo upacara napassareanna anjo balla' panynyombanga mae ri Batara.

EZRA 4:1

Kabara'na angkanaya anjo tu le'baka nipela' nabangungi Balla'Na Batara, Allata'alana Israel, nalangngereki musunna tu Yehuda siagang Benyamin.

EZRA 6:22

Tuju allo sallona ke'nanga a'rannu-rannu assuarri Passua'-suarrang Roti Tenaya nammake Pa'gambang. Sannang sikali nyawana ke'nanga lanri Napagio'na Batara nyawana karaeng Asyur, sa'genna a'jari lammoro' pa'mai'mo anjo karaeng Asyur mae ri ke'nanga, nampa nabantumo ke'nanga lalang anjo jama-jamang pambangunanna Balla'Na Batara, Allata'alana Israel ri Yerusalem.

NEHEMIA 12:27

Ri wattunna niresmikang tembo' kalli'na kota Yerusalem, nikio' ngasengi sikamma tu Lewia battu ri sikamma tampa' pammantanganna ke'nanga, sollanna akkulle ke'nanga amminawang ampakasuaraki anjo kajarianga siagang kelong-kelong appala' sukkuru', siagang gambusu' na kacapi.

NEHEMIA 12:43

Anjo alloa jai koro'bang nipassareang ri Batara. A'rannu-rannui ra'yaka lanri nipakasunggui ri Allata'ala. Sikamma bai'-bainea siagang ana'-anaka amminawang tongi assua'-suara', siagang kalangngerammi sa'genna bella sa'ra karannuanna ke'nanga.

NEHEMIA 7:73

Sikamma imang, tu Lewi, pajaga pakke'bu' lompona Balla'Na Batara ri Yerusalem, pakelonga, jai battu ri ra'ya' biasaya, sikamma pajamaya ri Balla'Na Batara ri Yerusalem, bodona kana: sikontu ra'ya' Israel ammantammi ri kota-kotaya siagang ri desa-desaya ri sikontu Pa'rasangang Yehuda.

NEHEMIA 8:10

Kamma-kamma anne ammotere' mako; angnganre angnginung mako a'rannu-rannu. Passareangi sipa'gang kanrenu siagang anggoro'nu mae ri tau kakuranganga. Anne alloa, allo nipakatangkasa' untu' Batara, jari teako susai. Karannuang Napassareanga Batara lampakajarrekko.”

PAMMUJI 122:1

Kelong siara battu ri Daud. Rannua' ri wattunna nakana taua mae ri nakke, “Umba kimange ri Balla'Na Batara!”

DANIEL 5:13

Nierammi linta' Daniel mange andallekang ri karaenga. Nampa akkuta'nammo karaenga ri ia angkana, “Ikauka Daniel, tu Yahudi nipelaka, iamintu le'baka niengka' ri manggeku battu ri butta Yehuda?

YOHANES 10:22

Assua'-suaraki taua ri Yerusalem ansua'-suarri Allo Lompo Appakkaramula nipakena Balla'Na Batara. Anjo wattua dingingi.

PAOLE 12:7

Anjoreng tommi, ri dallekanNa Karaeng Allata'alanu, ikau ngaseng siagang sikamma kaluarganu musti angnganre siagang a'rannu-rannu lanri nugappana wassele' usahanu lanri nibarakkakinna ri Karaeng Allata'alanu.

FILIPI 4:4

Poro tuli rannu ngasengi pa'mai'nu, lanri le'ba'numo asse're siagang Batara. Sikalipi pole kukana: rannu mako!