EZRA 6:12 - KITTA' MATANGKASA'

¹² Poro Allata'ala, Ia le'baka ampilei Yerusalem a'jari tampa' untu' manynyomba ri Ia, ampossoki sikamma karaeng yareka bansa barania andakkai anne parentaya na nacoba angngancuruki anjo Balla'Na Batara ri Yerusalem. Inakke, Darius amparentakangi anne. Gaukangi siagang baji'.”

EZRA 6:12 ပူးပေါင်းရင်းမြစ်များ

1 KARAENG-KARAENG 9:3

Nakanamo Batara ri ia, “Kulangngere'mi pappala' doannu, siagang kamma-kamma anne Kupaumi angkanaya anne balla' le'baka nubangung Kupa'jarimi tampa' matangkasa' untu' passambayangannu mae ri Nakke satunggu-tungguna.

2 PATTOTTORANG 7:16

Yangasenna anjo laKugaukangi lanri anne tampaka le'ba'mi Kupile siagang Kutangkasi untu' a'jari tampa' panynyombang mae ri Nakke sa'genna satunggu-tungguna. LaKuparhatikangi siagang Kujagai satunggu-tungguna.

EZRA 6:13

Anjo parentana Karaeng Darius nagaukang baji'mi Tatnai, guburnur Efrat bageang ilau', siagang Syetar-Boznai, kammayatompa sikamma agang-aganna ke'nanga.

EZRA 6:14

Nibantumi ke'nanga ri Na'bi Hagai siagang Na'bi Zakharia, na napannarrusu' sikamma pamimpinna tu Yahudia pambangunanna anjo Balla'Na Batara. Napa'le'ba'mi linta' anjo pambangunanga situru' parentaNa Allata'alana Israel siagang parentana Kores, Darius, na Artahsasta, karaeng-karaenga ri Persia.

EZRA 7:15

Inakke siagang sikamma tumailalangku erokka' assare passare bulaeng siagang pera' mae ri Allata'alana Israel, Allata'ala niaka ri Yerusalem. Erammi anjo passarena ikambe.

EZRA 7:17

Pakemi siagang baji' anjo doeka untu' ammalli sapi laki, gimbala' laki, ana' gimbala', gandung, siagang anggoro'. Passareang ngasemmi anjo irate ri tampa' pakkoro'bangnganga ri Balla'Na Batara ri Yerusalem.

EZRA 7:26

Inai-nai tena namannuruki hukkung-hukkunNa Allata'alanu, yareka hukkung-hukkung kakaraenganga, musti nihukkung matei linta', yareka nipelaki, yareka nirampasaki barang-baranna, yareka nitarungkui.”

ESTER 8:14

A'lampami anjo sikamma tunisuroa, a'dongko' jaranna karaenga. Kammayatompa ri Susan, ri ibukotana anjo pa'rasanganga, nibaca tommi anjo parentaya.

PAMMUJI 5:10

Saba' kana-kananna musungku takkulleai nipatappa'; sangnging rancana ja'dala' rassi ri atinna ke'nanga. Angngontaki kana-kana mate'nena ke'nanga, mingka atinna ke'nanga rassi apa-apa botto'.

KALAPPASSANG 20:24

Apparekko untu' iNakke se're tampa' pakkoro'bangngang battu ri butta, nampa assare mako anjoreng gimbala' siagang sapi untu' koro'bang tunuang siagang koro'bang untu' passiamakkang. Ri tunggala' tampa' Kupattantua mae ri kau untu' a'jari tampa' ibadanu mae ri Nakke, labattuA' mae ri kau siagang laKubarakkakiko.

KATO'BA 9:10

Jamai sikontu tugasa'nu sipagassing-gassinnu. Saba' tenamo sallang pikkirang yareka jama-jamang. Tenamo pangngassengang yareka kacara'dekang ri linona tau matea. Na iami anjo lanumangei.

YESAYA 60:12

Bansaya siagang kakaraengang tenaya natundu' ri kau, laancuruki siagang lalanynyaki.

OBAJA 1:10

“Le'bakko a'gau' palla' mae ri sikamma sari'battannu iamintu jari-jarina Yakub. Lanri kammana anjo laKupanrakiko siagang nicallako ri taua lalang sikontuna jammanga.

LAMPA-LAMPANA 9:5

Akkuta'nammi Saulus nakana, “InaiKi' antu, Karaeng?” Appialimi anjo sa'raya nakana, “INakke Isa, nusessa dudua.

PAOLE 12:11

Nampa lammile Karaeng Allata'alanu se're tampa' untu' lanupake anynyomba mae ri Ia. Anjoreng mako musti a'lampa angngerangi sikontu apa kuparentakanga, iamintu koro'bang nitunua siagang sikamma koro'bang maraengannaya, koro'bang bage sampulona panggappannu siagang koro'bang nupa'janjianga mae ri Batara.

PAOLE 12:5

Ri sikontu daerana suku-suku Israel, ammilei Karaeng Allata'alanu se're tampa' sollanna akkulle bansata battu mange ri dallekanNa siagang anynyomba ri Ia.

PAOLE 16:2

A'lampako mange ri anjo tampa' ibadaya untu' anynyamballe sikayu gimbala'nu yareka sapinu salaku passare Paska untu' ampakala'biriki Karaeng Allata'alanu.