EZRA 5:15 - KITTA' MATANGKASA'

¹⁵ Nisuroi ri karaenga angngallei anjo sikamma pakkakasaka nampa napoterang mange ri Balla'Na Batara ri Yerusalem, kammayatompa na nabangung ammotere' anjo Balla'Na Batara.

EZRA 5:15 ပူးပေါင်းရင်းမြစ်များ

EZRA 1:2

“Anne parentana Kores, karaeng Persia. Batara, Allata'ala makoasaya ri suruga, le'ba' angngangkaka' a'jari karaeng ri sikontu linoa, siagang nasarea' tugasa' untu' ambangung Balla' untu' KalenNa ri Yerusalem, ri daera Yehuda.

EZRA 3:3

Manna namalla' ke'nanga ri pandudu' niaka ri anjo pa'rasanganga, mingka kammaji nabangunna ke'nanga anjo tampa' pakkoro'bangnganga ri tampa'na memang riolo. Nampa appakkaramulamo ke'nanga assare pole koro'bang nitunu, ri wattu bari'basa' siagang karueng.

EZRA 5:14

Ba'lalo napoterang ngaseng tommi sikamma pakkakasa'-pakkakasa' bulaeng siagang pera' parallua nipake lalang ri Balla'Na Batara, ia le'baka naalle Nebukadnezar battu ri Yerusalem nampa napantama' ri balla' rewataya ri Babel. Anjo sikamma pakkakasaka napassareangi Karaeng Kores mae ri tu niarenga Sesbazar, niangkaka a'jari guburnur Yehuda.

EZRA 5:16

Jari battumi Sesbazar mange ri Yerusalem nampa napadongko' batu pundasina anjo Balla'Na Batara. Appakkaramula anjo wattua sa'genna kamma-kamma anne a'jappa turusmi anjo pambangunanga, mingka tena tompa nale'ba'.’

EZRA 6:3

“Ri taung makase're ri wattu pamarentahanna Karaeng Kores, appasuluki sura' parenta sollanna nibangung ammotere' Balla'Na Batara ri Yerusalem, a'jari tampa' untu' angngerang passare siagang attunu koro'bang. Tinggina anjo Ballaka musti 27 metere' nampa sangkara'na 27 todong metere'.