EZRA 5:14 - KITTA' MATANGKASA'

¹⁴ Ba'lalo napoterang ngaseng tommi sikamma pakkakasa'-pakkakasa' bulaeng siagang pera' parallua nipake lalang ri Balla'Na Batara, ia le'baka naalle Nebukadnezar battu ri Yerusalem nampa napantama' ri balla' rewataya ri Babel. Anjo sikamma pakkakasaka napassareangi Karaeng Kores mae ri tu niarenga Sesbazar, niangkaka a'jari guburnur Yehuda.

EZRA 5:14 ပူးပေါင်းရင်းမြစ်များ

2 PATTOTTORANG 36:18

Sikamma pakkakasa' niaka ri Balla'Na Batara, barang-barang lompoa anggaranna, kammayatompa barang-baranna karaenga siagang pagawe-pagawena nirampasa' kabusuki ri karaeng Babel nampa nierang mange ri Babel.

2 PATTOTTORANG 36:7

Naallei Nebukadnezar sipa'gang barang-barang lompoa anggaranna ri Balla'Na Batara nampa nalaling siagang naboli' lalang ri balla' kakaraenganna ri Babel.

EZRA 5:15

Nisuroi ri karaenga angngallei anjo sikamma pakkakasaka nampa napoterang mange ri Balla'Na Batara ri Yerusalem, kammayatompa na nabangung ammotere' anjo Balla'Na Batara.

EZRA 5:16

Jari battumi Sesbazar mange ri Yerusalem nampa napadongko' batu pundasina anjo Balla'Na Batara. Appakkaramula anjo wattua sa'genna kamma-kamma anne a'jappa turusmi anjo pambangunanga, mingka tena tompa nale'ba'.’

EZRA 6:5

Kammayatompa sikamma pakkakasa' bulaeng siagang pera' ia le'baka nipake ri Balla'Na Batara ri Yerusalem nampa naalle Karaeng Nebukadnezar na naerang mange ri Babel, musti nipoterang ngasengi mange ri tampa'na rioloa.”

EZRA 7:27

Nampa nakanamo Ezra, “Pujimi Batara, Allata'ala nisombaya ri boe-boena ikambe! Napa'gilimmi atinna karaenga, sa'genna ero' amparhatikangi Balla'Na Batara ri Yerusalem.

PANGNGEBARANG 21:1

Sanrapang batena Naatoro' Batara je'ne' binangaya sollanna a'lo'loro' situru' ero'Na, kammatommi anjo napimpingi pikkiranna karaenga.

YEREMIA 52:19

Barang-barang bulaeng siagang pera', kammayami mangko'-mangko' ca'dia siagang tampa' bara pepe', mangko'-mangko' untu' tampa'na cera' olo'-olo' nisamballea untu' koro'bang, tampa' au, bangkeng kanjoli, mangko'-mangko' untu' dupa, siagang mangko'-mangko' untu' pappatirikang passare je'ne' anggoro', kabusu'na naallei kalenna Nebuzaradan.

HAGAI 1:1

Ri taung makarua pamarentahanna Karaeng Darius ri Persia, ri tanggala' se're bulang makaannang, a'bicarai Batara tete ri Na'bi Hagai. Anjo pasanNa Batara nipatujui mae ri Zerubabel ana'na Sealtiel, guburnur Yehuda, siagang mae ri Imang Lompoa Yosua ana'na Yozadak.

HAGAI 1:14

Kammami anjo bateNa Batara ampagioki atinna Guburnur Zerubabel, Imang Lompoa Yosua siagang sikontu tau niakamo ammotere' battu ri pammelakkanga, sollanna anjama ngaseng ke'nanga ambangungi Balla'Na Batara Kaminang Koasaya, Allata'alana ke'nanga.

HAGAI 2:2

Nasuroi Batara anjo Hagai a'bicara ri Guburnur Zerubabel, Imang Lompo Yosua, kammayatompa sikontu ra'yaka untu' ampabattui anne pasanga angkana,

HAGAI 2:21

untu' nipabattu mae ri Guburnur Zerubabel. Nakana Batara, “Tasalloami nalaKugoccang langika siagang buttaya,

LAMPA-LAMPANA 13:12

Nacini'na anjo Guburnurka anjo apa kajarianga, a'jari tappa'mi ri Isa. Nasaba' sanna' baji'na antama' ri atinna anjo pangngajarang battua ri Batara.