EZRA 4:7 - KITTA' MATANGKASA'

⁷ Kammayatompa ri jammang pamarentahanna Artahsasta, karaeng Persia, a'mole-molei anjo kajariang kammaya. Bislam, Mitredat, Tabeel siagang agang-aganna ngaseng ke'nanga, annulisiki sura' mae ri karaenga. Anjo suraka nitulisiki lalang bicara Aram, nampa musti nipalembai ri wattunna nibaca.

EZRA 4:7 ပူးပေါင်းရင်းမြစ်များ

2 KARAENG-KARAENG 18:26

Nakanamo Elyakim, Sebna siagang Yoah ri anjo perwiraya, “A'bicaraki' lalang bicara Aram karaeng, kakkulleji napahang ikambe. Teaki' ammakei bicara Ibrani, gassingka napahangi ra'ya' niaka irate anjoreng ri tembo'na kotaya.”

EZRA 4:1

Kabara'na angkanaya anjo tu le'baka nipela' nabangungi Balla'Na Batara, Allata'alana Israel, nalangngereki musunna tu Yehuda siagang Benyamin.

EZRA 4:17

Nabalasa'mi karaenga anjo suraka angkana, “Mae ri Guburnur Rehum siagang Simsai jurutulisi'na propinsia, kammayatompa sikontu agang-aganna ke'nanga, niaka ammantang ri Samaria siagang kota-kota maraengannaya ri propinsi Efrat bageang ilau'. Salama'.

EZRA 4:8

Annarima tongi sura' Artahsasta ri passala'na Yerusalem. Anjo suraka nikiringi ri Guburnur Rehum siagang Simsai, jurutulisi' propinsi siagang nibantui ri sikamma agang-aganna ke'nanga, iamintu sikamma hakinga siagang sikamma tu ammarenta maraengannaya, ia battua ri Erekh, Babel, Susan ri Pa'rasangang Elam,

EZRA 5:6

Iaminne laporang nakiringa ke'nanga mange ri karaenga,

EZRA 7:1

Attaung-taung ribokoanganna, ri wattunna Artahsasta ammarenta salaku karaeng ri Persia, nia' sitau bura'ne niareng Ezra, battu ri turungang Imang Lompoa Harun. Ia garisi' turunganna punna nitotoro' battu rawa nampa nai', iamintu: Ezra Zeraya Azarya Hilkia

EZRA 8:36

Nampa anjo dokumeng napassareanga karaenga mae ri ke'nanga, napassareammi ke'nanga mae ri sikamma guburnur siagang sikamma pamarentaya ri propinsi Efrat bageang ilau'. Jari sikamma anjo pamarentaya nasaremi bantuang ra'yaka sollanna akkulle ke'nanga tuli nagaukang ibadana lalang ri Balla'Na Batara ri Yerusalem.

NEHEMIA 2:1

Patang bulang ribokoanganna, ri se'reang allo, iamintu ri bulang Nisan, sitabangi Karaeng Artahsasta angnganre. Inakke ampatalangi je'ne' inung karaenga. Anjo wattua susai tanjakku nicini'. Tale'bakai susa kamma anjo alloa tanjakku ri dallekanna.

YESAYA 36:11

Nakanamo Elyakim, Sebna siagang Yoah ri anjo perwira tantarana Asyur, “A'bicara Aram maki' mae ri kambe karaeng, saba' napahanji ikambe a'bicara Aram. Teaki' ammakei bicara Ibrani, gassingka napahangi sallang anjo ra'ya' niaka rate ri anjo tembo' kotaya.”

DANIEL 11:2

Siagang anjo apa lakupaua mae ri kau kammatojengi.” Nakana anjo malaekaka, “Tallu karaeng maraeng lammarenta ri Persia, nipinawang ri karaeng makaappa', iamintu la'bi kalumanynyanga na maraengannaya. Ri coppo' kakoasanna siagang kakalumanynyangnganna, la'gassing-gassingangi siagang kakaraengang Yunani.

DANIEL 2:4

Appialimi ke'nanga lalang bicara Aram angkana, “La'bui umurutta satunggu-tungguna karaeng! Kicaritami anjo so'nata mae ri kambe, nampa napakasingara' ikambe battuanna.”