EZRA 4:4 - KITTA' MATANGKASA'

⁴ Nampa appakkaramulamo anjo pandudu' salloamo ammantang ri anjo pa'rasanganga ampakalammai sumanga'na tu Yahudia, siagang nagaratta'mi ke'nanga sollanna napammari ke'nanga anjo pambangunanga.

EZRA 4:4 ပူးပေါင်းရင်းမြစ်များ

2 SAMUEL 4:1

Jari-jarina Saul maraenga iamintu Mefiboset, ana'na Yonatan. Anjo taua tempangi battu ri umuru' liman taung, iamintu ri wattunna mate Saul siagang Yonatan. Nasaba' ri wattunna battu kabara' kamateanna ke'nanga battu ri kota Yizreel, lari patarintina Mefiboset angkalawingi; mingka lanri ta'lalo akkaro-karona anjo bainea, tu'guruki anjo anaka sa'genna tempang. Nalangngere'na Isyboset iamintu ana' bura'nena Saul angkanaya le'ba'mi nibuno Abner ri Hebron, lanynya'mi sumanga'na, siagang annekkere' ngasemmi sikontu bansa Israel. Nia' rua perwira tantarana Isyboset, a'jaria kapala pasukang untu' maju a'bundu'; se'rea niarengi Baana, nampa se'reanga pole niarengi Rekhab. Anjo ke'nanga ana'na Rimon, battu ri Beerot battu ri suku Benyamin. (Anjo Beerot antamaki daerana Benyamin. Pandudu' riolona larimi mange ri Gitaim nampa ammantang anjoreng appakkaramula anjo wattua.)

EZRA 3:3

Manna namalla' ke'nanga ri pandudu' niaka ri anjo pa'rasanganga, mingka kammaji nabangunna ke'nanga anjo tampa' pakkoro'bangnganga ri tampa'na memang riolo. Nampa appakkaramulamo ke'nanga assare pole koro'bang nitunu, ri wattu bari'basa' siagang karueng.

EZRA 4:5

Nasogo'mi ke'nanga siapa area tunna'galaka jama-jamang ri pamarenta Persia, sollanna nahalangi ke'nanga anjo rancanana tu Yahudia. Tuli kammaminjo kajariang lalang pamarentahanna Karaeng Kores sa'genna ri pamarentahanna Darius.

NEHEMIA 4:11

Na ilalanna anjo wattua narancanakammi musua untu' ambunduki silalonnai ikambe nampa nabuno ngaseng ikambe, sollanna ammantang anjo jama-jamanna ikambe.

NEHEMIA 4:2

Ri dallekanna agang-aganna ngaseng siagang tantara Samaria nakanamo, “Apa anjo nagaukang tu Yahudi cilakaya, tenaya apa-apa akkulle nagaukang? Apaka eroki ke'nanga ambangung poleangi anne kotaya? Maka nakana kapang ke'nanga akkullei le'ba' lalang siallo anjo jama-jamanga, lanri assarena bawang koro'bang ke'nanga? Maka akkullei anjo tambungang loro ammutunga le'ba' nakanre pepe' napa'jari batu-batu untu' anjo tembo' kallika?”

NEHEMIA 6:9

Nacoba-cobami ke'nanga anggarattaka' sollanna napammari ikambe anjo jama-jamanga. Appala' doamma' angkana, “O, Allata'ala, pakajarreki pa'maikku!”

YEREMIA 38:4

Jari a'lampami anjo sikamma pagawea mae ri karaenga nampa angkana, “Anne taua musti nihukkung matei. Nasaba', lanri akkana kammana napanaungi sumanga'na sikontu tantaraya siagang tau maraenga ammantanga ri anne kotaya. Tena natulungi ra'yaka, passangalinna nacilakai ke'nanga.”

DANIEL 10:13

Malaeka' pajagana kakaraengang Persia naewa' nia' ruampulo asse're allonna. Nampa Mikhael, kalase'renna pamimping malaekaka, battu antulunga'. Kubokoimi anjoreng, ri Persia.

DANIEL 10:20

Nampa appialimi angkana, “Nuassengi angkana apa saba'na kubattu mae ri kau? Iamintu untu' ampauangko apa tattulisika lalang ri Kitta' Katojenganga. Kamma-kamma anne musti ammoterekka' mange a'bundu' siagang malaeka' pajagana Persia. Le'baki anjo labattui malaeka' pajagana Yunani. Tena lantulunga' pantaranganna malaeka' Mikhael, iamintu malaeka' pajagana Israel, bansanu.