EZRA 4:20 - KITTA' MATANGKASA'

²⁰ Le'baki nia' siapa are karaeng barani ammarenta anjoreng siagang nakoasai sikontu daera propinsi bageang ilau', nampa appajappa paja' siagang passare mae ri karaenga.

EZRA 4:20 ပူးပေါင်းရင်းမြစ်များ

PA'JARIANG 15:18

Anjo wattua memang, appare'mi Batara parjanjiang siagang Abram. Nakana Batara, “A'janjiA' angkanaya laKusarei turungannu sikontu anne buttaya, appakkaramula battu ri pa'baeng-baenna pa'rasangang Mesir sa'genna mange ri Binanga Efrat,

1 KARAENG-KARAENG 4:21

Massing-massing kaluarga para nia' koko anggoro'na siagang koko arana. Lalang sikontu tallasa'na Salomo ra'yaka ri sikontu Yehuda siagang Israel, appakkaramula battu ri Dan sa'genna Bersyeba, amangi siagang sannangi tallasa'na. Nasaba', sikontu karaenga ilaukanna Efrat tundu' ngasengi mae ri ia, siagang sikontu bansa battua ri pa'rasangang-pa'rasangang niaka ri tammulilina kakaraenganna agang ngasengi siagang ia. Butta niaka ri laukanna Binanga Efrat battu ri Tifsah ri birinna Binanga Efrat tulusu' kalau' ri kota Gaza ri Filistin sa'genna ri pa'baeng-baenna Mesir, yangasenna nikoasai ri Salomo. Sikamma bansa niaka anjoreng tundu' ngasengi mae ri ia siagang a'bayaraki passare mae ri ia. Apa-apa nikanre naparalluanga Salomo allo-allona nia' 5.000 litere' labu' halusu', 10.000 litere' labu' kasara', sampulo kayunna sapi nibaraya, ruampulo sapi ri paranga, siagang sibilangngang kayunna gimbala'. Pantaranganna anjo, iamintu pole jonga, kijang, siagang olo'-olo' akka'nyika.

1 KARAENG-KARAENG 5:1

Hiram, karaeng Tirus, tuli agangi siagang Karaeng Salomo. Nalangngere'na Hiram angkanaya a'jari karaemmi Salomo ansambeangi Daud manggena, akkirimmi tunisuro mange ri Salomo.

1 KARAENG-KARAENG 5:4

Mingka kamma-kamma anne Nasarema' Karaeng Allata'alaku kaamangngang ri sikontu daera kakoasangku. Tena musungku, siagang tena bala antujui pa'rasangangku.

1 PATTOTTORANG 18:13

nampa ambangung kema-kema tantara ri sikontu Edom. Jari tundu' ngasemmi tu Edom mae ri Daud. Batara assarei pammetang ri kere-keremae Daud a'bundu'.

1 PATTOTTORANG 18:3

Nampa nabeta Daud Karaeng Hadadezer, iamintu karaeng ri Zoba ri ampi'na daera Hamat di pa'rasangang Siria. Anjo wattua sitabangi lalang pa'jappang Hadadezer untu' mange angkoasai daera niaka ri ampi'na ulunna Binanga Efrat.

1 PATTOTTORANG 18:6

Nampa ambangung kema-kema tantara lalang ri daerana ke'nanga siagang tundu'mi ke'nanga na'bayara' passare mae ri ia. Batara assarei pammetang ri kere-keremae a'bundu' Daud.

1 PATTOTTORANG 19:19

Ri wattunna nacini'mo sikamma karaeng nikoasaia ri Hadadezer angkanaya nibetami ke'nanga ri tantarana Israel, appala' damemi ke'nanga mae ri Daud, natundu' mae ri ia. Le'baki anjo taerokami tu Siria ambantui pole tu Amon.

2 PATTOTTORANG 17:11

Battu ri Filistin annarimai passare jai pera' siagang passare maraengannaya, siagang battu ri tu Arab annarimai passare 7.700 gimbala' siagang 7.700 bembe.

2 PATTOTTORANG 9:14

tanirekengapi sima-sima battua ri sikamma pabalu'-baluka siagang padangganga. Karaeng-karaeng Arab siagang guburnur-guburnur niaka ri Israel assare tongi mae ri ia bulaeng siagang pera'.

EZRA 4:13

Punna akkulle nabangung ammotere' anjo kotaya siagang le'ba' nabangung tembo'-tembo' kalli'na, talaerokami pandudu'na a'bayara' paja', sa'genna kurammo panggappanna kakaraenganga.

EZRA 4:16

Jari, napattantuna ikambe, angkanaya punna nibangungi anjo kotaya ammotere' siagang nipaenteng ammotere' tembo'-tembo' kalli'na, talakkullea maki' karaeng langkoasai propinsi Efrat bageang ilau' anne.”

EZRA 4:19

Nampa le'ba'mi kuparentakang sollanna niparessa sura'-sura' riwaya' allaloa, na memang a'butti angkanaya ri jammang riolo iji natuli nangai tu Yerusalem angngewai kakoasanna sikamma karaenga, siagang jai pandudu'na nangai angngewaya siagang apparicua.

EZRA 4:21

Lanri kammana, appasulu' mako sura' parenta sollanna napammari jama-jamanna sikamma anjo taua, sollanna tena nabangungi ammotere' anjo kotaya sa'genna nia' parenta maraeng battu ri nakke.

EZRA 7:24

Takkulleako angngalle paja' battu ri sikamma imanga, tu Lewia, pakelonga, pajaga pakke'bu' lompoa, pajama-jamaya, yareka manna inai niaka passisambungang jama-jamanna siagang Balla'Na Batara ri Yerusalem.

PAMMUJI 72:8

Lapila' a'bakkaki luara'na kakaraenganna battu ri tamparang se'rea mae ri tamparang maraenga, a'la'bang battu iraya sa'genna kalau'.

PIRAUNG 1:1

Tamaka sinona Yerusalem anne kamma, kota suara' dudua riolo. Tamaka porena riolo ri alla'na bansa-bansaya, anne kamma rapammi janda. Riolo kontui kota kaminang nisomba, anne kamma nipa'jarimi ata.

YEHEZKIEL 19:11

Kassa' tangkenna, tagampangai nitepo' siratangi nipare' takkang karaeng. Coppo'na tinggi nai' narapiki rammanga. Nikangngalikangi ri sikontu taua lanri tinggina siagang copponna leko'na.

MATIUS 9:9

Le'baki anjo a'lampami Isa ambokoi anjo tampaka. Lalang a'jappaNa, nia'mo Nacini' sitau pasingara' sima niarenga Matius, sitabang ammempo lalang ri kantoro'na. Nakanamo Isa ri ia, “Maeko amminawang ri Nakke!” Ammentemmi Matius nampa amminawang ri Isa.