EZRA 4:2 - KITTA' MATANGKASA'

² Lanri kammana mangemi ke'nanga assicini' siagang Zerubabel siagang sikamma imanga, nampa napala' ke'nanga angkana, “Kipa'biang tommi ikambe amminawang todong ambangungi anjo Balla'Na Batara, nasaba' ikambe anne tau anynyomba tongki' ri Allata'alata, sangkamma ikatte ngaseng. Ikambe tuli assare tongki' koro'bang mae ri Ia, appakkaramula ri nieranna ikambe mae anrinni ri Esar-Hadon, karaeng Asyur.”

EZRA 4:2 ပူးပေါင်းရင်းမြစ်များ

PA'JARIANG 10:11

Battu anjoremmi na'lampa mange ri Asyur, nampa nabangung kota Niniwe, Rehobot-Ir, Kalah,

2 KARAENG-KARAENG 17:24

Salaku sambenna tu Israel le'bakamo niengka' mange ri anjo butta pammelakkanga, natampakkangi karaeng Asyur tau battua ri Babel, Kuta, Awa, Hamat, siagang Sefarwaim, anjoreng ri kota-kotana Samaria. Ammantang kabusu'mi anjo taua ri anjo kota-kotaya.

2 KARAENG-KARAENG 17:41

Jari anynyombai ke'nanga ri Batara, mingka anynyomba tongi mae ri barhala-barhalana ke'nanga. Manna sa'genna anne alloa tuli nagaukanna jari-jarina ke'nanga anjo gau' kammaya.

2 KARAENG-KARAENG 19:37

Ri se'reang allo, sitabanna anynyomba lalang ri balla' panynyombanga ri Rewata Nisrokh, nibunomi siagang pa'dang ri Adramelekh siagang Sarezer ana'-ana' bura'nena tonji. Le'baki anjo larimi ke'nanga mange ri pa'rasangang Ararat. Jari ana' bura'nena maraenga iamintu niarenga Esarhadon ansambeangi a'jari karaeng.

EZRA 1:5

Nampa sikamma imang kapalaya battu ri golongang suku Yehuda siagang Benyamin, sikamma imanga siagang tu Lewia, kammayatompa sikamma tau nipagioka nyawana ri Allata'ala, apparuru ngasemmi untu' ammotere' mange ri Yerusalem, ambangungi Balla'Na Batara ammotere'.

EZRA 2:2

Ia pamimping-pamimpinna ke'nanga iamintu: Zerubabel, Yesua, Nehemia, Seraya, Reelaya, Mordekhai, Bilsan, Mispar, Bigwai, Rehum, siagang Baana. Iaminne dattara'na golongang kaluarga Israel siagang siapa jaina ke'nanga battu ri tasse're golongang, ammotereka battu ri pa'rasangang pammelakkang:

EZRA 3:12

Jai ri sikamma imanga, tu Lewia, siagang kapala-kapala golongang toa duduamo umuru'na, le'baki nacini' Balla'Na Batara rioloa. Ri wattunna nacini' ke'nanga nipadongko' batu pundasina anne Balla'Na Batara, angngarru' lompomi ke'nanga. Mingka tumaraengannaya hadereka anjoreng ammarrang-marrangi napakamma sanna' rannuna.

EZRA 3:2

Nampa Yesua ana'na Yozadak siagang sikamma agang-aganna sikamma imanga, Zerubabel ana'na Sealtiel siagang sikamma bija pammanakanna, nabangummi ammotere' tampa' pakkoro'bangnganga untu' Allata'alana tu Israel. Lanri kammana akkullemi ke'nanga attunu koro'bang irateanna, situru' sikamma pitunju' niaka tattulisi' lalang ri kitta' hukkunna Musa, atanNa Allata'ala.

NEHEMIA 9:32

O, Allata'ala, Allata'alana ikambe magassinga! Allata'ala malompoa siagang hebaka! MajarrekKi' anta'galaki sikontu parjanjianTa; Kirupai siagang Kigaukangi janji-janjinTa. Battu ri jammang sikamma karaeng Asyur anjallakkangi ikambe sa'genna kamma-kamma anne jaimi pa'risi' nakasia' ikambe. Sikamma karaenna ikambe, imang, na'bi siagang tutoa-toaya, kammayatompa boena ikambe siagang ra'yaka pa'risi' ngaseng. Teaki' kaluppai anjo pa'risika! Teaki' pelakki ri pangngu'ranginTa!

PAMMUJI 73:8

Nacau-caui siagang napakka'-pakkanai taua, siagang akkana tampoi anggaratta' lanajallakkang taua.

YESAYA 37:37

Ammunduru'mi Karaeng Sanherib, karaeng Asyur, nampa ammotere' mange ri Niniwe.

YESAYA 37:38

Ri se'reang allo, ri wattunna sitabang nagaukang ibadana lalang ri balla' rewata Nisrokh, nibunomi siagang pa'dang ri Adramelekh siagang Sarezer, rua ana' bura'ne kalenna. Le'baki anjo larimi ke'nanga mange ri Ararat. Jari nisambeammi a'jari karaeng ri ana' bura'nena maraenga, niarenga Esarhadon.

HOSEA 14:3

Ammotere' mako mae ri Batara, pabattumi anne pappala' doang salaku panynyombannu ri Ia angkana, “O Batara, pammopporangi dosana ikambe, siagang Kitarima laloi anne pappala' doanna ikambe, namammuji ikambe mae ri Katte situru' kana janjinna ikambe.

GALATIA 2:4

manna pole nakamma nia' siapa are tau ero' ansuro passai. Anjo ke'nanga tau antama' cokko-cokko ri golonganta, assara-sarai a'jari sari'battang siagang ikatte. Antama' cokko-cokkoi ke'nanga lanri eroki nasalidiki kabebasanta ikatte tau assileoka katallassanta lalang ri Isa Almasi. Eroki ke'nanga ampoterangki' ammotere' mange ri katallassanta riolo, a'jari ata.

2 TIMOTIUS 3:8

Sangkamma Yanes siagang Yambres naewai Musa riolo, sangkamma tommi anjo ke'nanga naewai pangngajarang battua ri Allata'ala. Panra'mi pikkiranna ke'nanga, siagang kapeokammi tappa'na ke'nanga.