EZRA 4:15 - KITTA' MATANGKASA'

¹⁵ sollanna kisuro paressa sura'-sura' riwaya'na boe-boeta karaeng. Battu ri bonena anjo sura' riwayaka akkullei kiasseng angkanaya anjo kota Yerusalem memang nangai apparicua siagang riolo iji natuli napa'rugi sikamma karaenga siagang pamarenta propinsia. Pandudu'na tuli susai nipimping. Lanri kammana minjo naniancuru'mo anjo kotaya.

EZRA 4:15 ပူးပေါင်းရင်းမြစ်များ

2 KARAENG-KARAENG 24:20

Teai sipato' larroNa Batara mae ri pandudu'na Yerusalem siagang ri tu Yehuda, sa'genna tenamo Naparhatikangi ke'nanga.

2 KARAENG-KARAENG 25:4

nirumbammi tembo'na kotaya ri musua. Anjo bangngia, manna pole sitabangi nikurung anjo kotaya ri tu Babel, lari kabusu'mi tantara Yehuda mange ri Lappara'na Yordan. Anjorengi ammalo ke'nanga ri koko balla' karaenga, nampa assulu' battu ri pakke'bu' lompo ampasisambungai anjo ruaya tembo' ri anjo tampaka.

EZRA 4:12

Poro kiassengi karaeng, angkanaya, anjo sikamma tu Yahudi le'baka ambokoi daera-daera maraenga lalang ri pamarentahanta, kamma-kamma anne nia'mi ammantang ri Yerusalem, nampa kamma-kamma anne nabangummi ammotere' anjo kota ja'dalaka siagang nangaia apparicu. Appakkaramulami ke'nanga ambangungi ammotere' tembo'-tembo'na siagang tasalloami nanapa'le'ba' anjo jamanga.

EZRA 4:14

Kainrangngang pa'mai' baji'mi ikambe ri karaenga, nataeroka ikambe anciniki karaenga nipa'rugi. Lanri kammana, napalaki ikambe,

EZRA 4:16

Jari, napattantuna ikambe, angkanaya punna nibangungi anjo kotaya ammotere' siagang nipaenteng ammotere' tembo'-tembo' kalli'na, talakkullea maki' karaeng langkoasai propinsi Efrat bageang ilau' anne.”

NEHEMIA 2:19

Ri wattunna naasseng Sanbalat siagang Tobia kammayatompa Gesyem, tu Arab, anjo rancanana ikambe, nakakkalimi siagang nacau-caumi ikambe. Nakana ke'nanga, “Apa ngaseng lanugaukang? Apaka erokko apparicu angngewai karaenga?”

NEHEMIA 6:6

Na ia bonena anjo suraka iamintu: “Napakkontutojengi Gesyem nia'na kaba'-kabara' niaka nacarita bansa-bansa niaka ri tammulilina anne pa'rasanganga, angkanaya ikau siagang sikontu tu Yahudia a'rancanako ero' apparicu, na iaminjo saba'na nanupakabaji' tembo' kalli'na kotaya. Napau tongi angkanaya erokko angngangkaki kalennu a'jari karaeng Yehuda.

ESTER 2:23

Nisalidikimi anjo passalaka, nampa a'nyatamo angkana kammatojengi anjo kabaraka. Nihukkummi iamintu mate nigentummi anjo tau ruaya. Situru' parentana karaenga, nicata'mi anjo kajarianga antama' ri kitta' riwaya' kakaraenganga.