EZRA 4:12 - KITTA' MATANGKASA'

¹² Poro kiassengi karaeng, angkanaya, anjo sikamma tu Yahudi le'baka ambokoi daera-daera maraenga lalang ri pamarentahanta, kamma-kamma anne nia'mi ammantang ri Yerusalem, nampa kamma-kamma anne nabangummi ammotere' anjo kota ja'dalaka siagang nangaia apparicu. Appakkaramulami ke'nanga ambangungi ammotere' tembo'-tembo'na siagang tasalloami nanapa'le'ba' anjo jamanga.

EZRA 4:12 ပူးပေါင်းရင်းမြစ်များ

2 KARAENG-KARAENG 18:20

Nukana kapang poro bicara bawang akkulle ansambeangi akkalaka siagang kakassakkanna tantaraya? Inai nupattoang sa'gennu barani angngewai Asyur.

2 KARAENG-KARAENG 24:1

Ri wattu ammarentana Karaeng Yoyakim, nia'mi battu Nebukadnezar Karaeng Babel ambunduki siagang ambetai tu Yehuda. Tallun taung sallona Yoyakim tundu' mae ri Nebukadnezar, mingka ri bokoanna angngewami.

2 PATTOTTORANG 36:13

Le'ba'mi nipassa Zedekia ri Karaeng Nebukadnezar untu' assumpa lalang arenNa Allata'ala angkanaya talaminrayai pa'mai'na mae ri Nebukadnezar. Mingka ribokoanganna angngewai Zedekia mae ri Nebukadnezar. Kapala batui Zedekia mae ri Batara, Allata'alana Israel. Taerokai ambokoi dosa-dosana siagang taerokai ammotere' mae ri Batara.

EZRA 4:11

Kammaminne bonena anjo suraka, “Mae ri dallekang tumala'birika Karaeng Artahsasta, sura' battu ri sikamma atanna karaenga, niaka ammantang ri Efrat bageang ilau'. Salama'.

EZRA 4:15

sollanna kisuro paressa sura'-sura' riwaya'na boe-boeta karaeng. Battu ri bonena anjo sura' riwayaka akkullei kiasseng angkanaya anjo kota Yerusalem memang nangai apparicua siagang riolo iji natuli napa'rugi sikamma karaenga siagang pamarenta propinsia. Pandudu'na tuli susai nipimping. Lanri kammana minjo naniancuru'mo anjo kotaya.

EZRA 4:19

Nampa le'ba'mi kuparentakang sollanna niparessa sura'-sura' riwaya' allaloa, na memang a'butti angkanaya ri jammang riolo iji natuli nangai tu Yerusalem angngewai kakoasanna sikamma karaenga, siagang jai pandudu'na nangai angngewaya siagang apparicua.

EZRA 5:3

Mingka linta'mi battu Tatnai, guburnur propinsi Efrat bageang ilau', siagang Syetar-Boznai, kammayatompa agang-aganna ngaseng mange ri Yerusalem nampa akkuta'nang ri tu Yahudia, angkana, “Inai assuro ngasengko ambangungi siagang ampa'langkaki anne Balla' Sambayanga?”

EZRA 5:9

Nampa akkuta'nang ikambe ri sikamma pamimpinna anjo bansaya, angkana inai le'ba' assarei ising ke'nanga untu' ambangungi ammotere' anjo Balla' Sambayanga siagang ampa'langkaki.

NEHEMIA 1:3

Nacaritami ke'nanga angkana sikamma anjo tau le'baka nipela' ammotere'mi mange ri anjo pa'rasanganga. Mingka kamma-kamma anne teai sipato' sessana katallassanna, siagang sangnging nihinai ri sikamma bansa maraeng niaka a'reppese'. Nampa pole sikamma tembo' kalli'na Yerusalem ancuru' iji tassimbung-simbung, kammayatompa sikamma pakke'bu' lompona tenapa nale'ba' nipakabaji' baku' le'ba'na nitunu ri wattu allaloa.

NEHEMIA 6:6

Na ia bonena anjo suraka iamintu: “Napakkontutojengi Gesyem nia'na kaba'-kabara' niaka nacarita bansa-bansa niaka ri tammulilina anne pa'rasanganga, angkanaya ikau siagang sikontu tu Yahudia a'rancanako ero' apparicu, na iaminjo saba'na nanupakabaji' tembo' kalli'na kotaya. Napau tongi angkanaya erokko angngangkaki kalennu a'jari karaeng Yehuda.

ESTER 3:8

Nampa nakanamo Haman ri karaenga, “O, karaeng, nia' se're bansa mara'-maraeng a'la'bang ri sikontu propinsia ri anne pa'rasanganga. Assisala sikali ada'-ada'na ke'nanga siagang bansa-bansa maraenga. Taerokai ke'nanga mannuruki ri sikamma atorang niaka ri anne kakaraenganga. Jari, teaki' lappassangi ke'nanga a'gau' situru' ero' kalenna ke'nanga.

YEREMIA 52:3

Teai sipato' larroNa Batara mae ri pandudu'na Yerusalem siagang tu Yehuda, sa'genna Nabongka ke'nanga siagang tenamo Nala'langngi pole ke'nanga. Angngewai Zedekia mae ri Nebukadnezar karaeng Babel;

DANIEL 3:8

Nia' siapa are tu Babel ampakei anjo kasampatanga untu' ambalai tu Yahudi.

DANIEL 9:25

Cataki siagang pahangi anne: Lallaloi pintuju tattuju taung, appakkaramula ri wattu nipasulu'na parentaya untu' ambangungi ammotere' Yerusalem, sa'genna battu sitau pamimping Napilea Allata'ala. Lalang pintuju ta'annampulo anrua taung, lanibangungi ammotere' agang-aganga siagang pa'balla'-ballakanna Yerusalem, mingka anjo wattua teai sipato' sukkara'na.

LUKAS 13:34

O, tuniaka ri Yerusalem, tuniaka ri Yerusalem! Nubunomi na'bi-na'bia! Nusambilami batu sa'genna mate sikamma tu Nasuroa Allata'ala! Pissiapa are mako ero' Kukalimbuki, sanrapang anrong janganga angkalimbuki ana'-ana'na irawanganna ka'nyi'na, mingka taeroka ngasengko!

LAMPA-LAMPANA 24:5

Anne taua pangacoi siagang akkullei angngerang bahaya. Kemae-kemae appa'nia' karicuang ri alla'na tu Yahudia. Siagang iami a'jari pamimpinna tu Nazaretka.

1 TESALONIKA 5:22

Pakabellai kalennu battu ri sangka' rupaya kaja'dallang.