EZRA 3:6 - KITTA' MATANGKASA'

⁶ Manna tenapa nale'ba' nibangung ammotere' Balla'Na Batara, mingka ri tanggala' se're bulang tuju appakkaramulami ra'yaka attunu koro'bang untu' Batara.

EZRA 3:6 ပူးပေါင်းရင်းမြစ်များ

EZRA 3:5

Pantaranganna anjo ta'atoro' tommi ke'nanga assare koro'bang nitunu siagang koro'bang ri Allo Lompo Bulang Beru, siagang ri sikontu allo lompo maraengannaya, ia nigaukanga untu' anynyomba ri Batara. Assare tommi ke'nanga pasare situlusu' pa'mai'na ke'nanga mae ri Batara.

EZRA 3:7

Anynyumbang tommi doe' ra'yaka untu' anggaji tukang batua siagang tukang kayua. Akkiring tommi ke'nanga kanre, inungang siagang minynya' zaitun mange ri kota-kota Tirus siagang Sidon untu' nipassambe siagang kayu camara Libanon battu ri anjo kota-kotaya. Anjo kayu-kayua nierangi mange ri Yafo ammalo tamparang. Yangasenna anjo nagaukangi ra'yaka situru' ising napassareanga Kores, karaeng Persia.

KAIMANGNGANG 23:25

Assareko koro'bang kanre-kanreang mae ri Batara siagang teako gaukangngi jama-jamang battalaka anjo alloa.

PAMMILANGNGANG 29:1

Ri tanggala' se're bulang tuju musti asse're ngasengko untu' anggaukangi ibadaya, siagang takkulleako anggaukangi jama-jamang battalaka. Anjo alloa musti nipasa'rai sikamma tarompeka.

PAMMILANGNGANG 29:2

Passareang tongi mae ri Batara koro'bang nitunua iamintu sikayu sapi laki rungkaya, sikayu gimbala' laki, siagang tuju kayu ana' gimbala' laki umuru' tassitaunga, massing tenaya ngaseng callanna. Rasanna anjo koro'banga napakasannangi nyawaNa Batara.