EZRA 3:13 - KITTA' MATANGKASA'

¹³ Sa'genna taniassengami nibatei angkanaya kereanga sa'ra rannu lompo siagang sa'ra karru'. Teai sipato' lompona sa'ranna ke'nanga, sa'genna kalangngerang sa'genna bella.

EZRA 3:13 ပူးပေါင်းရင်းမြစ်များ

1 KARAENG-KARAENG 1:40

Nampa a'lampa ngasemmo ke'nanga anrurungangi ammotere' siagang akkio' a'rannu-rannu, appasa'ra suling, sa'genna sanrapangi tappue buttaya napakamma anjo kasuarranga.

1 KARAENG-KARAENG 1:45

siagang le'ba'mi niminynyaki na niangka' ri Zadok siagang Natan ri timbuseng je'neka ri Gihon. Kamma-kamma anne ammotere'mi ke'nanga mange ri kotaya a'rannu-rannu siagang assua'-suara', siagang suara' lompomi kotaya. Iaminjo kasuarrang kilangngereka sumpaeng.

EZRA 3:12

Jai ri sikamma imanga, tu Lewia, siagang kapala-kapala golongang toa duduamo umuru'na, le'baki nacini' Balla'Na Batara rioloa. Ri wattunna nacini' ke'nanga nipadongko' batu pundasina anne Balla'Na Batara, angngarru' lompomi ke'nanga. Mingka tumaraengannaya hadereka anjoreng ammarrang-marrangi napakamma sanna' rannuna.

EZRA 4:1

Kabara'na angkanaya anjo tu le'baka nipela' nabangungi Balla'Na Batara, Allata'alana Israel, nalangngereki musunna tu Yehuda siagang Benyamin.

NEHEMIA 12:43

Anjo alloa jai koro'bang nipassareang ri Batara. A'rannu-rannui ra'yaka lanri nipakasunggui ri Allata'ala. Sikamma bai'-bainea siagang ana'-anaka amminawang tongi assua'-suara', siagang kalangngerammi sa'genna bella sa'ra karannuanna ke'nanga.

PAMMUJI 5:11

Hukkungi ke'nanga, o Allata'ala, lappassammi cilaka lanri rancanana tonji. Bongkai ke'nanga lanri jaina dosana, saba' angngewami ke'nanga mae ri Katte.

YEREMIA 33:11

Mingka anjoreng ri tampaka lania' pole kalangngerang sa'ra karannuang siagang kalompoang pa'mai' kammayatompa sa'ra passua'-suarrang pa'gaukang pa'buntingang. Lania' todong kalangngerang kelong-kelong tau angngerang koro'bang kasukkurang mange ri BallakKu. Lanakana ke'nanga, ‘Appala' sukkurukko mae ri Batara Kaminang Koasaya, lanri Ia bajiki siagang pangngamaseanNa sa'genna satunggu-tungguna.’ Anne pa'rasanganga laKupa'jari kalumanynyangi sangkamma riolo. INakke, Batara, anne akkana.”

YEREMIA 50:4

Nakana Batara, “Anjo wattua sallang tu Israel siagang tu Yehuda labattui siagang angngarru' amboyA', Allata'alana ke'nanga.

ZAKHARIA 4:7

Manna pole pa'rompa kammaya moncong lompona la'lili ngaseng battu ri dallekannu. Ikau lambangungi ammotere' BallakKu, siagang ri wattu nupadongko'na batu pundasi bungasaka ri tampa'na, lakkioki taua angkana, ‘Tamaka ga'gana!’ ”

HAKING-HAKING 2:5

Iaminjo saba'na naniareng anjo tampaka Bokhim (battuanna ke'nanga anggarruka). Nampa assaremo tu Israelka koro'bang mae ri Batara anjoreng ri tampaka.

1 SAMUEL 4:5

Battunamo anjo Patti Parjanjianga mae ri kemaya, a'gora-gora lompomi tu Israel, sa'genna ta'ge'goso' buttaya.