EZRA 2:63 - KITTA' MATANGKASA'

⁶³ Nipisangkai ri guburnur daera Yehuda ke'nanga angnganre kanre nipassareanga ri Allata'ala, sa'genna nia' imang akkulle appala' kasingarang lanri ammake Urim siagang Tumim.

EZRA 2:63 ပူးပေါင်းရင်းမြစ်များ

EZRA 2:64

Sikamma tunipela' ammotereka mange ri pa'rasanganna, yangasenna nia' 42.360 jaina tau. Pantaranganna anjo nia' todong pambantuna ke'nanga ammotere' iamintu 7.337 jaina tau siagang pakelong nia' 200 jaina tau. Naerang tongi olo'-olo' piarana ke'nanga iamintu: Jarang – 736 kayunna Bagal – 245 kayunna Unta – 435 kayunna Keledai – 6.720 kayunna

NEHEMIA 10:1

Uru-urua annekeng iamintu guburnur Nehemia ana'na Hakhalya. Nampa amminawang Zedekia. Le'baki anjo sikamma anne tau nitappua irawa annekeng tongi:

NEHEMIA 10:2

Sikamma imanga Seraya, Azarya, Yeremia, Pasyhur, Amarya, Malkia, Hatus, Sebanya, Malukh, Harim, Meremot, Obaja, Daniel, Gineton, Barukh, Mesulam, Abia, Miyamin, Maazya, Bilgai siagang Semaya.

NEHEMIA 7:65

Guburnurna daera Yehuda tanapa'biangai ke'nanga angnganre kanre nipassareanga mae ri Allata'ala, sa'genna nia' sitau imang akkulle appala' pitunju' ammake Urim siagang Tumim.

NEHEMIA 8:9

Nalangngere'na ke'nanga nibaca anjo Hukkunga, a'jari dinging-dingimmi pa'mai'na ra'yaka allangngereki, nampa angngarru' ke'nanga. Jari nakanamo guburnur Nehemia siagang Imang Ezra kammayatompa sikamma anjo tu Lewi ampakasingarakai anjo Hukkunga ri sikontu anjo ra'yaka, “Anne alloa, allo nipakatangkasa' untu' Karaeng Allata'alanu ngaseng, jari teako si'nai siagang teako angngarruki.

KALAPPASSANG 28:30

Boliki anjo Urim siagang Tumim lalang ri anjo pa'lapa' barambanga untu' napake Harun punna andallekang ri Nakke. Ri wattu-wattu kammaya anjo musti tuli ammakei pa'lapa' barambang, sollanna akkulle naasseng angkana apa erokKu mae ri ummakKu Israel.”

KAIMANGNGANG 2:10

La'binnaya, iaminjo bageanna sikamma imanga. Anjo rotia teai sipato' tangkasa'na lanri niallei battu ri kanre le'bakamo nipassareang mae ri Batara.

KAIMANGNGANG 2:3

La'binna anjo koro'bang nipatalaya iaminjo bageanna sikamma imanga. Anjo koro'banga teai sipato' tangkasa'na lanri niallei battu ri kanre le'bakamo nipassareang mae ri Batara.

KAIMANGNGANG 22:10

Anjo passare nisa'laka untu' iNakke imangaji bawang siagang kaluargana akkulle angkanrei; tau maraenga takkulleai, manna pole nasiballa' anjo imanga yareka manna pole natungnganre gajina imanga.

KAIMANGNGANG 22:13

Mingka ana' bainena imanga ia a'jari jandayamo yareka le'bakamo nisa'la' natena ana'na nampa ammotere' mange ri balla'na manggena kammayatompa a'jari tanggonganna manggena, akkullei nakanre bageanna manggena. Kaluarganaji bawang imanga akkulle angkanrei anjo passarea.

KAIMANGNGANG 6:29

Sikamma tu bura'nea lalang ri kaluargana imang-imanga akkullei nakanre anjo koro'bang sannaka tangkasa'na.

KAIMANGNGANG 7:16

Punna nia' tau angngerang koro'bang passiamakkang untu' anrupai tinja'na, yareka untu' koro'bang lanri ero' kalenna, tena naparallu nikanre ngaseng memang anjo alloa. Punna nia' la'binna akkullei nikanre ammukona.

KAIMANGNGANG 8:8

Nampa napataba pa'lapa' barambanga ri barambanna Harun, siagang napantama'mi ri anjo pa'lapa' barambanga anjo nikanaya Urim siagang Tumim.

PAMMILANGNGANG 18:19

Sa'genna satunggu-tungguna, sikontu passare nisa'la' naeranga tu Israel mae ri Nakke, Kupassareangi mae ri kau siagang mae ri sikamma ana'nu bura'ne baine. Anne paratoranga nipakei sa'genna satunggu-tungguna siagang a'jari passikko' parjanjiang tenaya nakkulle nipinra, battu ri Nakke siagang ikau na jari-jarinu.”

PAMMILANGNGANG 18:32

Tena nusala punna nukanrei, assala' le'ba'mi nupassareang bageang kaminang bajika mae ri Batara. Teako ra'massi passare matangkasa'na tu Israel, lanri nukanrena anjo passarea natenapa nusa'laki bageang kaminang bajika untu' Batara. Punna nudakkai anjo parentaya, tena tamatenu.

PAMMILANGNGANG 27:21

Yosua musti appalaki pangngunju' battu ri Imang Eleazar, nampa Eleazar musti napakkuta'nangngangi apa erokKu ammake Urim siagang Tumim. Kammaminjo carana Eleazar ampimpingi Yosua siagang sikontu bansa Israel lalang sikontu passala' nadallekanga ke'nanga.”

PAOLE 33:8

Ri sesena suku Lewi nakana: “Lanri Urim siagang Tumim na'nyata erotTa, tete ri tu Lewi, ata tamamminraTa. Kiso'ri ke'nanga ri Masa, a'gea' siagang ke'nanga ri bungung Meriba.

1 SAMUEL 28:6

Nampa appala'mo pitunju' mae ri Batara, mingka tena nipiali ri Batara, baji' lalang so'na, baji' lalang ammake Urim siagang Tumim yareka tete ri sikamma na'bia.