EZRA 2:2 - KITTA' MATANGKASA'

² Ia pamimping-pamimpinna ke'nanga iamintu: Zerubabel, Yesua, Nehemia, Seraya, Reelaya, Mordekhai, Bilsan, Mispar, Bigwai, Rehum, siagang Baana. Iaminne dattara'na golongang kaluarga Israel siagang siapa jaina ke'nanga battu ri tasse're golongang, ammotereka battu ri pa'rasangang pammelakkang:

EZRA 2:2 ပူးပေါင်းရင်းမြစ်များ

EZRA 1:11

Yangasenna nia' 5.400 jaina mangko' bulaeng siagang pera' kammayatompa barang-barang maraengannaya. Yangasenna anjo naerangi Sesbazar ri wattunna a'lampa siagang sikamma tunipela' maraenganga battu ri Babel mange ri Yerusalem.

EZRA 1:8

Nasuro urusu'mi Kores anjo barang-baranga ri Mitredat, kapalana sikamma urusang pa'barang-barangnganga ri kakaraenganga. Nampa napare'mo Mitredat dattara'na anjo sikamma barang-baranga untu' Sesbazar, guburnur Yehuda.

EZRA 2:1

Jai anjo tunipelaka a'lampa ambokoi daera Babel nampa ammotere' mange ri Yerusalem siagang Yehuda, massing-massing mange ri kota kalenna ke'nanga. Appakaramula ri wattunna nierang ke'nanga ri Karaeng Nebukadnezar nammantang ke'nanga ri pa'rasangang pammelakkanga ri Babel.

EZRA 2:3

Golongang kaluarga Paros – 2.172 tau Sefaca – 372 tau Arah – 775 tau Pahat-Moab (turunganna Yesua siagang Yoab) – 2.812 tau Elam – 1.254 tau Zatu – 945 tau Zakai – 760 tau Bani – 642 tau Bebai – 623 tau Azgad – 1.222 tau Adonikam – 666 tau Bigwai – 2.056 tau Adin – 454 tau Ater (niareng tongi Hizkia) – 98 tau Bezai – 323 tau Yora – 112 tau Hasum – 223 tau Gibar – 95 tau

EZRA 3:2

Nampa Yesua ana'na Yozadak siagang sikamma agang-aganna sikamma imanga, Zerubabel ana'na Sealtiel siagang sikamma bija pammanakanna, nabangummi ammotere' tampa' pakkoro'bangnganga untu' Allata'alana tu Israel. Lanri kammana akkullemi ke'nanga attunu koro'bang irateanna, situru' sikamma pitunju' niaka tattulisi' lalang ri kitta' hukkunna Musa, atanNa Allata'ala.

EZRA 4:3

Mingka appialimi Zerubabel, Yesua, siagang sikamma anjo kapala golonganga angkana, “Tenaja naparallu ikambe ri bantuannu untu' ambangungi Balla'Na Batarana ikambe. Kalenna tonji ikambe lambangungi situru' parentana Kores, karaeng Persia, mae ri kambe.”

EZRA 4:8

Annarima tongi sura' Artahsasta ri passala'na Yerusalem. Anjo suraka nikiringi ri Guburnur Rehum siagang Simsai, jurutulisi' propinsi siagang nibantui ri sikamma agang-aganna ke'nanga, iamintu sikamma hakinga siagang sikamma tu ammarenta maraengannaya, ia battua ri Erekh, Babel, Susan ri Pa'rasangang Elam,

EZRA 5:2

Nalangngere'na pappasanna anjo ruaya na'bi, appakkaramulami linta' Zerubabel ana'na Sealtiel, siagang Yesua ana'na Yozadak, ambangungi ammotere' Balla'Na Batara ri Yerusalem, nampa nibantui ri anjo ruaya na'bi.

EZRA 8:1

Iaminne dattara' areng-arenna sikamma kapala golongang nipelaka mange ri Babel siagang ammotereka siagang inakke, Ezra, mange ri Yerusalem, ri wattu Artahsasta ammarenta:

NEHEMIA 12:47

Ri jammanna Zerubabel siagang ri jammanna Nehemia, sikontu ra'ya' Israel assarei passare untu' anggannakki kaparalluang allo-allona sikamma pakelonga siagang pajaga pakke'bu' lompona Balla'Na Batara ri Yerusalem. Assare tommi ra'yaka passare poro untu' tu Lewia, nampa tu Lewia nasare tommi sikamma imanga bageang le'bakamo nipattantu.

NEHEMIA 7:7

Ia pamimping-pamimpinna ke'nanga iamintu Zerubabel, Yesua, Nehemia, Azarya, Raamya, Nahamani, Mordekhai, Bilsan, Misperet, Bigwai, Nehum, siagang Baana.

HAGAI 1:1

Ri taung makarua pamarentahanna Karaeng Darius ri Persia, ri tanggala' se're bulang makaannang, a'bicarai Batara tete ri Na'bi Hagai. Anjo pasanNa Batara nipatujui mae ri Zerubabel ana'na Sealtiel, guburnur Yehuda, siagang mae ri Imang Lompoa Yosua ana'na Yozadak.

HAGAI 1:12

Nampa Zerubabel siagang Yosua kammayatompa sikontu umma' Israel niakamo ammotere' battu ri pammelakkanga ri Babel, naturukimi kana-kananna Hagai, iamintu suroNa Batara. Nagaukammi ke'nanga apa Naparentakanga Batara mae ri ke'nanga, lanri malla'na ri Batara.

HAGAI 1:14

Kammami anjo bateNa Batara ampagioki atinna Guburnur Zerubabel, Imang Lompoa Yosua siagang sikontu tau niakamo ammotere' battu ri pammelakkanga, sollanna anjama ngaseng ke'nanga ambangungi Balla'Na Batara Kaminang Koasaya, Allata'alana ke'nanga.

HAGAI 2:2

Nasuroi Batara anjo Hagai a'bicara ri Guburnur Zerubabel, Imang Lompo Yosua, kammayatompa sikontu ra'yaka untu' ampabattui anne pasanga angkana,

HAGAI 2:21

untu' nipabattu mae ri Guburnur Zerubabel. Nakana Batara, “Tasalloami nalaKugoccang langika siagang buttaya,

HAGAI 2:4

Mingka teako tappu' panrannuangngi, he ikau ngaseng! Patulusuki anjo jama-jamanga, nasaba' iNakke tuli lambantu ngasengko.

ZAKHARIA 3:1

Lalang ri paccini' maraengannaya pole, Napappicinikangi Batara mae ri nakke Imang Malompoa Yosua, sitabanga ammenteng ri dallekanna malaeka'Na Batara. Ri sa'rinna Yosua, niaki Setanga sadia untu' antudui kalenna Yosua.

ZAKHARIA 3:3

Ammentengi Yosua anjoreng ammakeang care-care sannaka ra'masa'na.