EZRA 10:8 - KITTA' MATANGKASA'

⁸ Inai-nai tena nabattu lalanna tallungalloa, lanialleang ngasengi sikontu barang-baranna siagang tenamo nanibilangi anggota masaraka'. Anjo apa nipa'la'banga nipabattu nitekengi ri sikamma pamimpinna ra'yaka.

EZRA 10:8 ပူးပေါင်းရင်းမြစ်များ

EZRA 10:7

Nampa nipa'la'bang nipabattu mae ri sikontu Yerusalem siagang Yehuda, iamintu ri sikontu tau ammotereka battu ri pa'rasangang pammelakkanga, sollanna asse're ngaseng ke'nanga ri Yerusalem.

EZRA 10:9

Le'baki tallungallo, ri tanggala' ruampulo, sikontu tu bura'ne niaka ammamtang ri daera Yehuda siagang Benyamin, battumi mange ri Yerusalem nampa a'rappungang ke'nanga ri parang lakkenna Balla'Na Batara ri Yerusalem. Anjo wattua bosi sannaki. Annekkere' ngasemmi taua napakamma dinging siagang napakamma paralluna anjo passirapakkanga.

EZRA 7:26

Inai-nai tena namannuruki hukkung-hukkunNa Allata'alanu, yareka hukkung-hukkung kakaraenganga, musti nihukkung matei linta', yareka nipelaki, yareka nirampasaki barang-baranna, yareka nitarungkui.”

NEHEMIA 13:28

Anjo Yoyada ana'na Imang Lompo Elyasib. Mingka nia' sitau ana'na Yoyada a'jari mintu ri Sanbalat battu ri kota Bet-Horon. Lanri kammana kubongkai Yoyada battu ri Yerusalem.

NEHEMIA 13:3

Ri wattunna nalangngere' bansa Israel anjo passala' kammaya, nasa'la'mi sikontu bansa maraenga battu ri ra'ya' Israel.

KAIMANGNGANG 27:28

Tena manna sitau akkulle ambalukangi yareka ampasuluki apa le'baka nisa'la' mae ri Batara, baji' a'rupa taua kammayatompa a'rupa olo'-oloka yareka buttaya. Anjo kammaya a'jari Napatammi Batara sa'genna satunggu-tungguna.

MATIUS 18:17

Punna tena ija napilangngeri pappakainga'na anjo siapaya tau, nampami nipau mange ri jama'aka. Kale'bakkanna, punna tena ijapa naero' ampilangngeri pappakainga'na jama'aka, pasangkammami pasingara' sima siagang tau kapere' anjo taua siagang tau tena natappa' ri Allata'ala.”

YOHANES 16:2

Lanipasulukko sallang battu ri balla' sambayanga. Nalanarapiki sallang wattunna nania' tau nakana kalenna a'gau' amala' ri Allata'ala punna nabunoko.

YOHANES 9:22

Nakkana kamma anjo anrong-manggena, lanri malla'na ke'nanga ri pamarentana tu Yahudia; nasaba' le'ba'mi assamaturu' ke'nanga, angkanaya inai-nai angngakui Isa angkana Iami Karaeng Mappasalama', takkulleai antama' ri balla' sambayanga.

YOHANES 9:34

Appialimi ke'nanga angkana, “Apa? Ikau tau dorakaya memang battu ri pakkaramula lassu'nu ero' angngajaraki ikambe?” Pakkaramula anjo wattua tenamo nanikellai anjo taua antama' ri balla' sambayanga.

YOSUA 6:19

Sikontu barang-barang pera', bulaeng, tambaga, siagang bassia musti nisa'laki untu' Batara, nampa niboli' ilalang ri tampa' pammolikang barang-baranNa Batara.”

HAKING-HAKING 21:5

Nampa nasalidiki ke'nanga, apaka nia' battu ri suku-suku bansa Israel tamangea asse're andallekang mae ri Batara ri Mizpa pirangalloang. (Anjo wattua le'ba'mi assumpa ke'nanga angkanaya tau tenaya nabattu ri pakkiokanga mange ri Mizpa musti nihukkung matei).

1 SAMUEL 11:7

Sanna'mi larrona. Na naallemo ruang kayu sapi nampa napolong na nakere' a'jari jai kere'na. Nampa nakiring anjo kerek-kerekanga mae ri sikontu pa'rasangang Israel, na naparentakang angkana, “Inai-nai tena namaju ampinawangi Saul siagang Samuel a'bundu', lanikerek-kere' tongi sapi-sapinna kamma anne!” Malla'mi bansa Israel ri apa akkullea Nagaukang Batara. Jari yangasenna taua, sadia ngasemmi untu' maju sipa'rurungang a'bundu'.