EZRA 10:6 - KITTA' MATANGKASA'

⁶ Le'baki ke'nanga assumpa, a'lampami Ezra battu ri dallekanna anjo Balla'Na Batara nampa antama' ri tampa' pammantanganna Yohanan ana'na Elyasib, nampa a'bangngi anjoreng. Taerokai angnganre siagang angnginung napakamma si'na pa'mai'na annawa-nawai panggaukanna anjo sikamma tu le'baka nipela'.

EZRA 10:6 ပူးပေါင်းရင်းမြစ်များ

EZRA 10:1

Lalang appala' doanna Ezra siagang angngarru' appala' popporo' ri dallekanna Balla'Na Batara, sanna' jaina tu Israel battu a'rappungang, bura'ne, baine, siagang ana'-ana'. Nakulilingi ke'nanga anjo Ezra nampa angngarru' lompo ngaseng.

EZRA 10:7

Nampa nipa'la'bang nipabattu mae ri sikontu Yerusalem siagang Yehuda, iamintu ri sikontu tau ammotereka battu ri pa'rasangang pammelakkanga, sollanna asse're ngaseng ke'nanga ri Yerusalem.

EZRA 9:4

Tulusu' ammempoma' sa'genna narapi' wattu passare koro'bang karuenga. Nampa battumo taua angkulilingia'. Nabattuimi malla' ke'nanga nau'ranginna ancanganna Allata'alana Israel mae ri dosana anjo sikamma tau ammoterekamo battu ri pa'rasangang pammelakkanga.

NEHEMIA 12:10

Iaminne garisi' turunganna imang lompo Yesua: Yesua, Yoyakim, Elyasib, Yoyada,

NEHEMIA 12:22

Dattara' ri sesena sikamma kapala kaluarga tu Lewi siagang kaluarga imanga le'ba'mi nicata' ri jammang sikamma imang lompoa, iamintu: Elyasib, Yoyada, Yohanan, siagang Yadua. Anjo catatanga le'baki ri wattunna Darius ammarenta salaku karaeng Persia.

NEHEMIA 13:28

Anjo Yoyada ana'na Imang Lompo Elyasib. Mingka nia' sitau ana'na Yoyada a'jari mintu ri Sanbalat battu ri kota Bet-Horon. Lanri kammana kubongkai Yoyada battu ri Yerusalem.

NEHEMIA 13:5

Elyasib napassareangi mae ri Tobia se're kamara' lompo, ia sitojenna nipasadiaya poro untu' amboliki passare gandunga, kamanynyanga, sikamma pakkakasa' Balla'Na Batara, passare untu' imang-imanga, passare bage sampulona gandunga, anggoro', siagang minynya' zaitun, ia lanibage-bagea mae ri tu Lewi, sikamma pamusika siagang pajaga pakke'bu' lompona Balla'Na Batara ri Yerusalem.

NEHEMIA 3:1

Iaminne laporang ri passala' antekamma batena nipakabaji' tembo' kalli'na kota Yerusalem. Imang Lompoa niarenga Elyasib, siagang ngaseng aganna ambangungi ammotere' Pakke'bu' Lompo Gimbala', ampatabai sikamma pakke'bu'na siagang antangkasi poro untu' Batara. Iatommi ke'nanga ampakabajiki siagang antangkasi temboka sa'genna ri Menara Sibilangngang, kammayatompa sa'genna ri Menara Hananeel.

AYUB 23:12

Sikamma parentaNa tuli kuturuki, Kupinawangi ero'Na, teai ero' kalengku.

PAMMUJI 102:4

Tappelaki tallasakku sanrapang umbu; a'barai buku-bukungku sanrapang pepe'.

KALAPPASSANG 34:28

Patampulo allo patampulo bangngi ammantang Musa anjoreng siagang Batara; na lalanna anjo wattua tena nangnganre siagang tena nangnginung. Anjo kana-kana parjanjianga, iamintu Sampulo ParentaNa Allata'ala, nitulisiki ri anjo batua.

YESAYA 22:12

Anjo wattua laNasuro ngasengko Batara Kaminang Tinggia siagang Kaminang Makoasaya angngarru' siagang appiraung, ancukkuruki uu'nu siagang ammake kaeng karung.

DANIEL 9:3

Nampa attojeng-tojemma' appala' doang mae ri Karaeng Allata'ala, na kupala' pangngamaseanNa. Appuasama' siagang ammakema' pakeang karung nampa ammempo irate ri aua.

PAOLE 9:18

Nampa su'ju'ma' pole sikalipi ri dallekanNa Batara irate ri coppo'na monconga patampulo allo siagang patampulo bangngi, tamangnganre tangnginung. Nakugaukang anjo kammaya lanri doraka mako mae ri Batara nasaba' nugaukannamo apa ja'dalaka ri dallekanNa, sa'genna a'jari larro.