EZRA 10:4 - KITTA' MATANGKASA'

⁴ Ikattemi musti angngalle tindakang. Nampa ikambe lambantuki' sipakkulle-kullena ikambe. Terassi tojeng-tojengi tindakanta.”

EZRA 10:4 ပူးပေါင်းရင်းမြစ်များ

1 PATTOTTORANG 22:16

bulaeng, pera', parunggu, siagang bassi. Jari appakkaramula mako linta'! Poro Natulungko Batara.”

1 PATTOTTORANG 22:19

Jari paralluko anynyomba mae ri Karaeng Allata'alanu lalang sikontu nyawanu siagang batangkalennu. Appakkaramula mako ambangung balla' untu' Batara, sollanna akkulle niboli' anjoreng Patti ParjanjianNa siagang sikontu pakkakasa' maraenganga ia eroka nipake anynyomba ri Ia.”

1 PATTOTTORANG 28:10

U'rangi baji'-baji' angkanaya le'ba' mako Napile untu' ambangung balla' untu' KalenNa. Jari, kamma-kamma anne gaukammi anjo, na nupatterassang ero'nu.”

1 PATTOTTORANG 28:20

Le'baki anjo nakanamo pole Karaeng Daud ri Salomo ana'na, “Musti matappakko na nubarani. Pakaramulaimi anjo jamanga siagang teako malla'-mallakki manna pole ri apa-apa mamo. Ia Karaeng Allata'ala kusombaya lantulungko. Tena nalaNabokoiko. Ia lanrurungangko sa'genna le'ba' anjo jama-jamanga.

1 PATTOTTORANG 28:21

Le'ba'mi nibage tugasaka lalang ri Balla'Na Batara mae ri sikamma imanga siagang tu Lewia. Sikamma pajama-jama cara'deka massing ri jama-jamanna iami lambantuko situlusu' pa'mai'na, kammayatompa sikamma pamimpinga siagang sikontu ra'yaka lanaturuki parentanu.”

EZRA 10:5

Jari appakkaramulami Ezra angngalle tindakang. Nasuromi imang-imang kapalaya, sikamma tu Lewia, kammayatompa tu Israel maraengannaya untu' assumpa angkanaya lanagaukangi ke'nanga sangkamma anjo napakkanaya Sekhanya.

KATO'BA 9:10

Jamai sikontu tugasa'nu sipagassing-gassinnu. Saba' tenamo sallang pikkirang yareka jama-jamang. Tenamo pangngassengang yareka kacara'dekang ri linona tau matea. Na iami anjo lanumangei.

MARKUS 13:34

Pangngebarranna lasangkammai tau a'lampaya ambokoi balla'na nampa mange ri se'reang pa'rasangang bella. Nasuroi palayang-palayanna angngurusuki balla'na, siagang massing nasarei jama-jamang. Pajaga pakke'bu'na napasangi sollanna a'jaga baji'-baji'.

IBRANI 10:24

Siagang paralluki' massing sijampangi; sollanta akkulle sipakainga' tojeng-tojeng anggaukangi apa-apa bajika, kammayatompa mangngamaseanga ri paranta tau.